Actualitats
Copa del Mond del XIII: los Cangorós per un portanèl
Aqueste dissabte, doas bravas partidas clavèron a Brisbane l’edicion 2017 de las Copas del Mond de XIII
Alan Roch
E las Falguièras pleguèron…
D’en primièr, se tenguèt la finala femenina entre vesinas: australianas e neozelandesas. Las negras Falguièras metèron plan de vam a l’obratge, mas capitèron pas a concretizar lors tempses de dominacion. A la pausa, las jaunas Jillaroos (aprendissas) menavan 12-10. Confortavan lor avantage per dos novèls ensages. Las Falguièras replicavan per un ensag, mas un tombat confirmava la victòria australiana (23-16), al tèrme d’una partida ont l’esperit ofensiu senhoregèt.
Eroïca Anglatèrra, mas…
Mai de 40 000 espectators seguigèron puèi la finala dels òmes entre australians e angleses. Los primièrs placatges indiquèron que la partida seriá rufa… Al cap d’un quart d’ora, lo segonda-linha cangoró Boyd Cordner prenguèt l’interval que lo menèt darrièr la linha. Lo capitani talonaire Cameron Smith transformava: 6-0. Fins a la pausa, los angleses tenguèron còp.
A la represa, la partida contunhèt sul meteis ritme. Los angleses prenguèron de mai en mai d’iniciativas. Caliá un culhièr del cap dels dets per empachar l’alièr Mac Gillvary de filar cap a l’ensag. Fàcia al vam europèu, los australians optèron per la gestion de la partida e per remandar al mai que se pòt los Blancs dins los 20 mètres, a trapar de tòcas per aver de mesclanhas e ralentir lo ritme… Los angleses passèron las darrièras minutas dins lo camp australian, mas de badas… Lo trofèu demòra astralian.
Revenge dins quatre ans en Anglatèrra, mas las doas formacions seràn forçadament renoveladas e rejovenidas. Aquò promet…
E d’aquel temps…
Aqueste dissabte 2 de decembre marcava tanben la represa del campionat d’Elèit 1. A Avinhon, la primièra partida vegèt, dins un freg glacial e ivernal plan luènh de las doçors printanièras de Brisbane, la victòria dels locals fàcia a Carcassona: 28-20.
Alan Roch
de Brisbane estant
D’en primièr, se tenguèt la finala femenina entre vesinas: australianas e neozelandesas. Las negras Falguièras metèron plan de vam a l’obratge, mas capitèron pas a concretizar lors tempses de dominacion. A la pausa, las jaunas Jillaroos (aprendissas) menavan 12-10. Confortavan lor avantage per dos novèls ensages. Las Falguièras replicavan per un ensag, mas un tombat confirmava la victòria australiana (23-16), al tèrme d’una partida ont l’esperit ofensiu senhoregèt.
Eroïca Anglatèrra, mas…
Mai de 40 000 espectators seguigèron puèi la finala dels òmes entre australians e angleses. Los primièrs placatges indiquèron que la partida seriá rufa… Al cap d’un quart d’ora, lo segonda-linha cangoró Boyd Cordner prenguèt l’interval que lo menèt darrièr la linha. Lo capitani talonaire Cameron Smith transformava: 6-0. Fins a la pausa, los angleses tenguèron còp.
A la represa, la partida contunhèt sul meteis ritme. Los angleses prenguèron de mai en mai d’iniciativas. Caliá un culhièr del cap dels dets per empachar l’alièr Mac Gillvary de filar cap a l’ensag. Fàcia al vam europèu, los australians optèron per la gestion de la partida e per remandar al mai que se pòt los Blancs dins los 20 mètres, a trapar de tòcas per aver de mesclanhas e ralentir lo ritme… Los angleses passèron las darrièras minutas dins lo camp australian, mas de badas… Lo trofèu demòra astralian.
Revenge dins quatre ans en Anglatèrra, mas las doas formacions seràn forçadament renoveladas e rejovenidas. Aquò promet…
E d’aquel temps…
Aqueste dissabte 2 de decembre marcava tanben la represa del campionat d’Elèit 1. A Avinhon, la primièra partida vegèt, dins un freg glacial e ivernal plan luènh de las doçors printanièras de Brisbane, la victòria dels locals fàcia a Carcassona: 28-20.
Alan Roch
de Brisbane estant
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un gigant dels dos rugbís ven de morir : lo Joan Barthe.
I tornarem dins la cronica venenta per li rendre omenatge.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari