Actualitats
Presonièrs politics catalans: lo jutge manten empresonats los dos Jordis, Junqueras e Forn
Lo vicepresident de la Generalitat, lo ministre d’Interior e los presidents de las associacions independentistas demòran encarcerats del temps que los autres ministres an pogut quitar la preson en pagant cadun una caucion de 100 000 èuros
Lo jutge a decidit aqueste diluns de manténer embarrats lo vicepresident de la Generalitat de Catalonha, Oriol Junqueras, lo ministre de l’Interior Joaquim Forn e los dos presidents de las associacions independentistas Jordi Cuixart e Jordi Sànchez. Los autres ministres inculpats, Dolors Bassa, Meritxell Borràs, Carles Mundó, Raül Romeva, Josep Rull e Jordi Turull, an pogut quitar la preson en pagant cadun una caucion de 100 000 èuros. Tanlèu conéisser la decision del jutge, las associacions independentistas avián anonciat que la caissa de resisténcia aviá amassat pro d'argent per pagar aquelas caucions.
Los presonièrs politics catalans foguèron entenduts pel jutge divendres passat a lor demanda, car ara es la Cort Suprèma qu'a reclamat l'afar a l'Audiéncia Nacionala, lo tribunal d'excepcion que se trachava de la procedura. Totes son acusats de sedicion e rebellion e riscan una pena de 30 ans de preson.
Lo vicepresident Oriol Junqueras e los sèt ministres èran empresonats dempuèi lo 2 de novembre passat, mentre que los presidents de l'Assemblada Nacionala Catalana e d’Òmnium, Jordi Sánchez e Jordi Cuixart, son encarcerats dempuèi lo 16 d'octòbre.
Lo ministèri public e l'acusacion particulara realizada pel partit ultradrechista Vox demandavan que foguèsson totes mantenguts en preson car consideravan que i aviá risc de fugida, de destruccion de pròvas e reïteracion del delicte.
La decision del jutge va condicionar, de tot segur, la campanha electorala de las eleccions al Parlament de Catalona previstas pel 21 de decembre qu’es començada aquesta nuèch. Aquelas eleccions se debanaràn amb lo govèrn de la Generalitat destituit per l’estat espanhòl e qualques-unes de sos membres en preson o en exili.
Los presonièrs politics catalans foguèron entenduts pel jutge divendres passat a lor demanda, car ara es la Cort Suprèma qu'a reclamat l'afar a l'Audiéncia Nacionala, lo tribunal d'excepcion que se trachava de la procedura. Totes son acusats de sedicion e rebellion e riscan una pena de 30 ans de preson.
Lo vicepresident Oriol Junqueras e los sèt ministres èran empresonats dempuèi lo 2 de novembre passat, mentre que los presidents de l'Assemblada Nacionala Catalana e d’Òmnium, Jordi Sánchez e Jordi Cuixart, son encarcerats dempuèi lo 16 d'octòbre.
Lo ministèri public e l'acusacion particulara realizada pel partit ultradrechista Vox demandavan que foguèsson totes mantenguts en preson car consideravan que i aviá risc de fugida, de destruccion de pròvas e reïteracion del delicte.
La decision del jutge va condicionar, de tot segur, la campanha electorala de las eleccions al Parlament de Catalona previstas pel 21 de decembre qu’es començada aquesta nuèch. Aquelas eleccions se debanaràn amb lo govèrn de la Generalitat destituit per l’estat espanhòl e qualques-unes de sos membres en preson o en exili.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo problema non es pas Espanha, lo problema d' Espanha es lo PP.
Lo problema es pas la Constitucion Espanhola, sinon de sa interpretacion pepera.
Lo problema es pas la justicia espanhola, sinon la injusticia pepera.
Lo problema es que la dreta pp ha comprat l'estat democratic amb sa corrupcion, e los banquiers pp als quals ha donat 72.000.000.000 euros.
Lo problema es pas de la policia que pegava als votants, senon del govern pp qu'els ho manava.
Lo problema es pas de los jutges senon de Rajoi que los ho feia faire.
La corrupcion d'Espanha es pas culpa d'Espanha, senon de los grans ladres del PP.
1 aha, excellent. Lo Puigdemont foguèt mai avisat, poirà acabar sa vida en las Antilhas, Espanha lo demandarà pas mai, ç'an dich . Farà un magnific ex-president en exili, pauròt.
1) « Lo ministèri public e l'acusacion particulara realizada pel partit ultradrechista Vox demandavan que foguèsson totes mantenguts en preson car consideravan que i aviá risc de fugida, de destruccion de pròvas e reïteracion del delicte. » Donc, per aqueste jutge, èsser ultradreitista coma Franco, non es un dilècte, mas èsser independentista, republican e democrata coma los dos Jòrdis, si qu'es un delicte ! Compreni melhor perqué lo Jòrdi esculptat subre lo Palatz de la Generalitat s'acarnassís sempre a far crebar lo drac. Aquela puta de bèstia sap pas crebar, mila dieus !
2) « Aquelas eleccions se debanaràn amb lo govèrn de la Generalitat destituit per l’estat espanhòl e qualques-unes de sos membres en preson o en exili. » Curiós, ieu, auriái dit, mailèu, dins mon patoès de vilatge perdut : « Aquelas eleccions se debanaràn amb lo govèrn de la Generalitat que l'estat vesin d'Espanha s'acaprícia a considerar coma destituit, e qualques-unes de sos membres en preson per delicte d'opinion o en exili per fugir la dictatura. »
L'occitan se prèsta a una granda variabilitat dialèctala, non ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari