Actualitats
Tèrratrem internacional après que Trump a reconegut Jerusalèm coma capitala d’Israèl
En Palestina crenhon qu’aquela decision tue l’actual procès de patz
Lo president dels Estats Units, Donald Trump, ven de provocar un tèrratrem internacional en reconéisser Jerusalèm coma capitala istorida de l’estat d’Israèl e en afirmant tanben que i menarà l’ambaissada estatsunidenca qu’a l’ora d’ara se tròba a Tel-Aviv. Aquela decision, Trump l’a presa contra lo vejaire d’una bona partida de la comunautat internacionala, que crenh lo risc de metre d’òli sul fuòc dins una region ont es complicat de viure ensems e ont lo conflicte sembla permanent. Pasmens, Trump a assegurat que ten son engatjament per la patz a l’Orient Mejan.
“Fin finala reconeissèm çò que se vei, que Jerusalèm es la capitala d’Israèl. Es tot simplament la reconeissença d’una realitat, e es tanben çò corrècte. Es quicòm que deuriam aver fach fa longtemps”, çò diguèt Trump que volguèt far una crida a “la calma, la tolerància e la moderacion” en soslinhant qu’“es ora que totas las nacions civilizadas respondan als subjèctes que genèran los desacòrdis amb lo debat, non pas amb la violéncia”.
En mai d’aquò, Trump justificava sa decision en declarant que “mai d'un president diguèt que volián far quicòm e puèi o faguèron pas, saique per manca de coratge o perque cambièron de vejaire.” Cossí que siá, los Estats Units son ara lo sol país del Mond que reconeis Jerusalèm coma capitala d’Israèl. Cap d’estat i a pas son ambaissada, a causa de l’annexion israeliana de la partida orientala de la vila en 1980.
Las reaccions del costat palestinian son arribadas sul pic. Plusors manifestants an cremat de fòtos de Trump. Hamas a anonciat que la declaracion de Trump aviá dobèrt las pòrtas de l’infèrn, e crida a una nòva intifada. Israèl a aumentat lo nivèl de seguretat, e doncas, de represssion.
Criticas de l’ÒNU
L’Organizacion de las Nacions Unidas, que dempuèi longtemps fa de resolucions e de rapòrts per ensajar de portar la patz a la region, a criticat la decision de Trump. Son secretari general, António Guterres, a ramentat que l’estatut final de Jerusalèm se pòt solament resòlver per mejan de negociacions dirèctas entre Israèl e Palestina:
La decision de Trump tanben l'an criticat la cap de la diplomacia de l’UE, Federica Mogherini, e los caps d’estat o de govèrn de divèrses païses de l’Union Europèa coma Emmanuel Macron, Angela Merkel, Paolo Gentiloni e Theresa May.
Refús de la comunautat internacionala
Lo primièr ministre israelian afirmèt que la decision de Trump èra “justa e coratjosa”. Totun, las reaccions de la comunautat internacionala n'an mostrat son refús. Lo papa Francés s’es opausat a aquela deicision e tanben o an fach l’ÒNU, l’UE e China en crenhent que se provòque un incendi dins una region qu’es ja fòrça volatila.
Dins los païses de tradicion musulmana, e mai que mai en Palestina, la decision de Trump l’an vista coma un insult e se mòstran ofensats. En Palestina an paur qu’aquela decision tue l’actual procès de patz en començant una nòva estapa amb de condicions dobtosas, car aluènha la solucion dels dos estats, amb un estat palestinian amb Jerusalem Èst coma capitala.
Lo president palestinian, Mahmud Abbas, a precisat qu’“aquò favorís solament los grops extremistas, qu’aumentan la lucha dins la nòstra region. Nos afrontam a de tempses malaisits. Lo pièger finís pas aicí, aquò nos inquieta. Nosautres o refusam.”
Pel secretari de l’Organizacion per la Liberacion de Palestina (OLP), Saeb Erekat, la decision de Trump a “destruch” la solucion dels dos estats, e “desqualifica lo ròtle dels Estats Units a la tèsta del procès de patz”.
Egipte, Jordania e Turquia an condemnat lo gèst estatsunidenc qu’an quitament considerat coma una violacion del drech internacional. Tanben Tunisia parla de “violacion de las decisions de l’ÒNU” del temps que crenh que la decision provòque “los sentiments dels arabis e dels musulmans”.
L’Arabia Saudita a plangut “prigondament” la decision de Trump, que considèra que “va contra los dreches istorics dels palestinians a Jerusalèm”, e a demandat al president dels Estats-Units que rectifique, perque “aquò complicarà lo conflicte”.
En Iraq, lo govèrn vòl que Trump rectifique per evitar “las repercussions perilhosas d’aquela decision per l’estabilitat de la region e del Mond”.
“Fin finala reconeissèm çò que se vei, que Jerusalèm es la capitala d’Israèl. Es tot simplament la reconeissença d’una realitat, e es tanben çò corrècte. Es quicòm que deuriam aver fach fa longtemps”, çò diguèt Trump que volguèt far una crida a “la calma, la tolerància e la moderacion” en soslinhant qu’“es ora que totas las nacions civilizadas respondan als subjèctes que genèran los desacòrdis amb lo debat, non pas amb la violéncia”.
En mai d’aquò, Trump justificava sa decision en declarant que “mai d'un president diguèt que volián far quicòm e puèi o faguèron pas, saique per manca de coratge o perque cambièron de vejaire.” Cossí que siá, los Estats Units son ara lo sol país del Mond que reconeis Jerusalèm coma capitala d’Israèl. Cap d’estat i a pas son ambaissada, a causa de l’annexion israeliana de la partida orientala de la vila en 1980.
Las reaccions del costat palestinian son arribadas sul pic. Plusors manifestants an cremat de fòtos de Trump. Hamas a anonciat que la declaracion de Trump aviá dobèrt las pòrtas de l’infèrn, e crida a una nòva intifada. Israèl a aumentat lo nivèl de seguretat, e doncas, de represssion.
Criticas de l’ÒNU
L’Organizacion de las Nacions Unidas, que dempuèi longtemps fa de resolucions e de rapòrts per ensajar de portar la patz a la region, a criticat la decision de Trump. Son secretari general, António Guterres, a ramentat que l’estatut final de Jerusalèm se pòt solament resòlver per mejan de negociacions dirèctas entre Israèl e Palestina:
“En aqueste moment de granda preocupacion, o vòli ben metre en evidéncia: i a pas cap d’alternativa a la solucion dels dos estats, i a pas de plan B. Es sonque en avent la vision clara de dos estats que viscan un al costat de l’autre en patz, seguretat e reconeissença mutuala, e amb Jerusalèm coma capital d’Israèl e de Palestina, e amb totas las questions de l’estatut final resolgudas, que se satisfarà a las aspiracions d’ambedós pòbles.”
La decision de Trump tanben l'an criticat la cap de la diplomacia de l’UE, Federica Mogherini, e los caps d’estat o de govèrn de divèrses païses de l’Union Europèa coma Emmanuel Macron, Angela Merkel, Paolo Gentiloni e Theresa May.
Refús de la comunautat internacionala
Lo primièr ministre israelian afirmèt que la decision de Trump èra “justa e coratjosa”. Totun, las reaccions de la comunautat internacionala n'an mostrat son refús. Lo papa Francés s’es opausat a aquela deicision e tanben o an fach l’ÒNU, l’UE e China en crenhent que se provòque un incendi dins una region qu’es ja fòrça volatila.
Dins los païses de tradicion musulmana, e mai que mai en Palestina, la decision de Trump l’an vista coma un insult e se mòstran ofensats. En Palestina an paur qu’aquela decision tue l’actual procès de patz en començant una nòva estapa amb de condicions dobtosas, car aluènha la solucion dels dos estats, amb un estat palestinian amb Jerusalem Èst coma capitala.
Lo president palestinian, Mahmud Abbas, a precisat qu’“aquò favorís solament los grops extremistas, qu’aumentan la lucha dins la nòstra region. Nos afrontam a de tempses malaisits. Lo pièger finís pas aicí, aquò nos inquieta. Nosautres o refusam.”
Pel secretari de l’Organizacion per la Liberacion de Palestina (OLP), Saeb Erekat, la decision de Trump a “destruch” la solucion dels dos estats, e “desqualifica lo ròtle dels Estats Units a la tèsta del procès de patz”.
Egipte, Jordania e Turquia an condemnat lo gèst estatsunidenc qu’an quitament considerat coma una violacion del drech internacional. Tanben Tunisia parla de “violacion de las decisions de l’ÒNU” del temps que crenh que la decision provòque “los sentiments dels arabis e dels musulmans”.
L’Arabia Saudita a plangut “prigondament” la decision de Trump, que considèra que “va contra los dreches istorics dels palestinians a Jerusalèm”, e a demandat al president dels Estats-Units que rectifique, perque “aquò complicarà lo conflicte”.
En Iraq, lo govèrn vòl que Trump rectifique per evitar “las repercussions perilhosas d’aquela decision per l’estabilitat de la region e del Mond”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal escoltat los que saben Mister Trump, l'ONU porta amb aqueste assumpte des lo començament, e vos siats un passarelh de primiera volada que sap pas de que va la causa. Se realament volets adobar las causas digats que tamben es la capitala de Palestina. Alora serà neutral e juste ,lo que havets fait es una cagada monumentala mondiala e lo ridicul general . S'ha de saber per poder parlar, es pot pas parlar sense coneiser las causas.
Aquò es conforma a l'opinion dels elegeires de Trump, e a la mitologia biblica que defenden.
La solucion en dos estats es de mens en mens cresible amb le procès de colonizacion, e cal constatar que Palestina istorica es un territòri ont les abitants d'origine son la màger part, e que la democracia i es inevitable a tèrme; çò pensan d'Israelians progressistas coma Shlomo Sand, istorian.
Israèl es un estat pseudo-etnic artificial, una profecia auto-realizada, per quant de temps de mai?
Es un pauc coma se Vladimir Putin Benjamin Nataniau anèsse declarar que d'ara enlà, Los Angeles èra la capitala dels Estats Units d'America : de qué m'ocupi ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari