Actualitats
París: manifestacion pels dreches dels presonièrs bascos
Demandan que se càmbie las politicas penitenciàrias vindicativas dels estats espanhòl e francés, e revendican lo camin de la patz
De milièrs de personas (11 000 segon los organizaires) manifestèron dissabte passat per las carrièras de París per sosténer los presonièrs d’ÈTA e reclamar la fin de las actualas politicas penitenciàrias que las aplican los estats espanhòl e francés. Jol lèma "Patz al Bascoat, ara los presonièrs", los manifestants seguissián la crida dels Artisans de la Patz, lo collectiu que facilitèt lo desarmament d'ÈTA l'8 d'abril passat a Baiona (Bas Ador).
Dins lo cortègi se vesiá de drapèls bascos e d'afichas que demandavan l'amnestia e lo retorn dels presonièrs a l'ostal. Lo collectiu Etxerat dels parents dels presonièrs portava una bandeiròla giganta que disiá "Los volèm a l'ostal", en revendicant lo drech legal qu'an los presonièrs de complir lors penas dins de presons del Bascoat.
Demest los manifestants i aviá de representants d'EH Bildu, del Partit Nacionalista Basco (EAJ), d'EH Bai e quitament del Partit Socialista francés qu'en son nom i son anats Benoît Hamon e lo cònsol de Baiona Jean-René Etchegaray. De soslinhar la preséncia dels activistas per la patz Txetx Etcheverry e Mixel Berhocoirigoin.
La manifestacion finiguèt après 14h sus la Plaça Vauban ont aguèron luòc los parladisses dels divèrses representants. En general se planguèt lo silenci dels estats espanhòl e francés e las politicas penitenciàrias vindicativas, e se revendiquèt lo camin de la patz e mai se prevegèsse "long". De soslinhar los mots del president d’onor de la Liga dels Dreches de l’Òme, Michel Tubiana, que demandèt als estats espanhòl e francés de cambiar d’actitud e afirmèt que "la lucha per la patz es la vida" e que s'agissiá "pas d’oblidar lo passat ni los patiments".
Ara lo rendètz-vos es en genièr al Bascoat, ont se prepara a Bilbao una granda manifestacion.
Dins lo cortègi se vesiá de drapèls bascos e d'afichas que demandavan l'amnestia e lo retorn dels presonièrs a l'ostal. Lo collectiu Etxerat dels parents dels presonièrs portava una bandeiròla giganta que disiá "Los volèm a l'ostal", en revendicant lo drech legal qu'an los presonièrs de complir lors penas dins de presons del Bascoat.
Demest los manifestants i aviá de representants d'EH Bildu, del Partit Nacionalista Basco (EAJ), d'EH Bai e quitament del Partit Socialista francés qu'en son nom i son anats Benoît Hamon e lo cònsol de Baiona Jean-René Etchegaray. De soslinhar la preséncia dels activistas per la patz Txetx Etcheverry e Mixel Berhocoirigoin.
La manifestacion finiguèt après 14h sus la Plaça Vauban ont aguèron luòc los parladisses dels divèrses representants. En general se planguèt lo silenci dels estats espanhòl e francés e las politicas penitenciàrias vindicativas, e se revendiquèt lo camin de la patz e mai se prevegèsse "long". De soslinhar los mots del president d’onor de la Liga dels Dreches de l’Òme, Michel Tubiana, que demandèt als estats espanhòl e francés de cambiar d’actitud e afirmèt que "la lucha per la patz es la vida" e que s'agissiá "pas d’oblidar lo passat ni los patiments".
Ara lo rendètz-vos es en genièr al Bascoat, ont se prepara a Bilbao una granda manifestacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Si senyor tots lliure si a casa!
Visca la Terra...Lliure!
L'Ernest, "El Tàrrega".
Duas precisions.
N'èra pas enlòc question de sostién aus "presonèrs d'ETÀ" dens los mots d'ordi de la manifestacion mes d'aplicacion de la lei taus "presonèrs bascos" e tanben de'us virar l'estatut de DPS (detenuts particularament senhalats).
Jean-René Etchegaray n'ei pas au PS mes a l'UDI.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari