Actualitats
Los Contes d'un doman acabat guierdonat per l'Acadèmia de las Sciéncias, Bèlas Letras e Arts de Bordèu
S'agís d'una reconeissença novèla per la cultura del país en lenga del país
Dijòus que ven, 14 de decembre, l'Acadèmia de las Sciéncias, Bèlas Letras e Arts de Bordèu farà la remesa solemna de sos prèmis 2017. Demest los laureats i a los Contes d’un doman acabat, un obratge sus las istòrias contadas suls camins de Gasconha per la companhiá Gric de Prat, qu'es lo primièr en occitan que publican las edicions del jornal Sud Ouest. Aquelas istòrias son editadas amb los àudios descargables d’uèch contes recitats per Eric Roulet e acompanhats amb la musica de Jean-Michel Rivet.
L'Acadèmia de las Sciéncias, Bèlas Letras e Arts de Bordèu, creada en 1712, acompanha la vida intellectuala de Bordalés, e ansin per la companhiá Gric de Prat: "Aqueth prèmi es una inscripcion dens l'istòria de la vila e ne sèm hòrt aürós". En mai d'aquò, se tracta d'una reconeissença novèla per la cultura del país en lenga del país.
Eric Roulet e Natalia Casaucau, son d’especialistas de la cultura populara de Gasconha, mai que mai dins lo parçan de Bordèu. Fa mai de trenta ans qu’acampan d’observacions e de testimoniatges dins aquel domeni que fan reviure e divulgan amb la companhiá Gric de Prat, mentre que trabalhan a la preservacion e la dignificacion de la lenga occitana.
Lo libre laureat se pòt comandar dirèctament en çò dels autors, o se pòt quitament crompar dins las librariás. Tanben se pòt aquerir per Internet suls sits de la FNAC, de Decitre, E-Leclercq, Les Libraires, Price Minister, etc.
L'Acadèmia de las Sciéncias, Bèlas Letras e Arts de Bordèu, creada en 1712, acompanha la vida intellectuala de Bordalés, e ansin per la companhiá Gric de Prat: "Aqueth prèmi es una inscripcion dens l'istòria de la vila e ne sèm hòrt aürós". En mai d'aquò, se tracta d'una reconeissença novèla per la cultura del país en lenga del país.
Eric Roulet e Natalia Casaucau, son d’especialistas de la cultura populara de Gasconha, mai que mai dins lo parçan de Bordèu. Fa mai de trenta ans qu’acampan d’observacions e de testimoniatges dins aquel domeni que fan reviure e divulgan amb la companhiá Gric de Prat, mentre que trabalhan a la preservacion e la dignificacion de la lenga occitana.
Lo libre laureat se pòt comandar dirèctament en çò dels autors, o se pòt quitament crompar dins las librariás. Tanben se pòt aquerir per Internet suls sits de la FNAC, de Decitre, E-Leclercq, Les Libraires, Price Minister, etc.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca pel Gric de Prat!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari