La tempèsta Ana a secotit l'oèst d'Occitània en portant de vents violents, de pluèjas, d'èrsas, d'avalancas... Puèi arribarà Bruno e pus tard Carmen. Aqueles noms per designar las tempèstas fan partida d'una lista qu'an elaborada los servicis metereologics dels estats portugués, espanhòl e francés: IMPA, Aemet e MétéoFrance respectivament. Segon aquelas agéncias, lo fach de nomenar las tempèstas aumenta la conscientizacion dels ciutadans envèrs los perilhs.
 
Aquel sistèma lo comencèt Alemanha en 1954 après que l'Universitat Liura de Berlin aguèt dedicit de donar un nom als anticiclòns e a las borrascas. Mas lo sistèma que nos pertòca non donarà un nom qu’a las tempèstas mai fòrtas e que pòscan portar de damatges personals o materials.
 
Atal, après lo 1r de decembre, cada tempèsta fòrta aurà un nom per cada letra d’un abecedari predefinit. Es atal qu'a començat Ana, qu'a secutat tot l'oèst del país, e seguirà Bruno, que per ara sabèm pas quora arribarà. Puèi vendrà a Carmen, David, Emma, Felix, Gisele, Hugo, Irene, Jose, Katia, Leo, Marina, Nuno, Olivia, Pierre, Rosa, Samuel, Telma, Vasco e Wiam.
 
La decision de donar un nom a una borrasca apertendrà a l'agéncia estatala qu'emetrà l'alerta irange correspondenta, e qu'avertirà las autras doas agéncias. S'emplegarà solament per las depressions en provenença de l'ocean Atlantic.