Alexandre Baudry, de 21 ans, es estat mes en examen per omicidi volontari e plaçat jos mandat de depaus. Lo gojat es suspècte d’aver tuat lo major Daniel Brière, ferit de mòrt pel menaire d’una veitura raubada dimars passat a Pelha (Costièra Niçarda).
Baudry es acusat d’“omicidi volontari sus militar de la gendarmariá en l’exercici de foncions”.
Dos dels autres arrestats, un nomenat Kewin e un menor, son estats egalament empresonats per panatòris.
Un dels interpelats, mes en examen per panatòri e associacion de malfactors, es estat mes en libertat jos contraròtle judicial, los dos darrièrs son estats meses en libertat jos l’estatut de testimònis assistits.
Sièis personas foguèron interpeladas just en seguida de l’enquèsta sus las circonstàncias de la mòrt del major Brière.
Dissabte passat, lo president francés, François Hollande, anèt a Niça per far un omenatge “a l’excepcional coratge del major”. Lo president planguèt lo dòl egalament a la familha del policièr mòrt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari