Actualitats
De proceduras e de castigs pels presonièrs politics catalans
Jordi Sànchez l'an cambiat de modul e li an enebit las telefonadas amb la familha per aver enregistrat un àudio per la campanha electorala
Las institucions penalas de l’estat espanhòl an començat d’infligir de punicions als presonièrs politics catalans, mai que mai al president de l’Assemblada Nacionala Catalana, Jordi Sànchez, embarrat dins la preson de Soto del Real, près de Madrid. Sànchez l’an cambiat de pavelhon, an escorcolhat sa cellula dins la nuèch e li an enebit lo contacte amb sa familha. La rason es qu’el aviá fach un enregistrament en preson que se difusèt dins un acte politic d’Amassa per Catalonha, en sosten al president Puigdemont. Per aquela meteissa rason, las institucions penalas an engatjat una procedura contra lo vicepresident de la Generalitat, Oriol Junqueras, embarrat dins a preson d’Extremera, près de Madrid.
E mai las institucions penalas ajan engatjat de proceduras informativas contra Sànchez e Junqueras per aver difusat d’àudios de la preson estant als actes de campanha electorala, la preson de Soto del Real a ja decidit de castigar Sànchez abans que se resòlga la procedura. Per aquela rason, sos avocats an mostrat lor chepic al quotidian catalan Vilaweb: “D’un costat, l’an desplaçat al modul numèro uèch. Sabèm pas quinas son las condicions d’aquel modul. Mas de cambiar de modul es dur perque vòl dire de nòus gardians e de nòus companhs de preson. Las telefonadas jornalièras a la familha li son enebidas”. En mai d’aquò, li an interdich cèrtas vesitas pasmens ja autorizadas.
Lo ministre de l’interior o confirma
Lo ministre de l’Interior espanhòl, Juan Ignacio Zoido, a confirmat als mèdias l’engatjament d’aquelas proceduras. “Un còp que tota la procedura aura fach son cors e qu’aquelas personas seràn entendudas, se resolverà segon lo drech del secretariat general e de las institucions penalas”, çò a dich lo ministre.
Sánchez aviá demandat al jutge de la Cort Suprèma espanhòla, Pablo Llarena, que li concedigèsse de comjats per participar a la campanha electorala, mas lo jutge refusèt.
Lo precedent d’Otegi
Dins son article, Vilaweb soslinha lo precedent del politician basco Arnaldo Otegi, que foguèt punit per aver participat a un acte de campanha electorala en 2012 amb un messatge enregistrat dins la preson de Logronh. Mentre que se resolviá la procedura, lo govèrn espanhòl li enebiguèt las vesitas e las telefonadas, e après la resolucion l’embarrèron dotze jorns dins una cellula d’isolament.
E mai las institucions penalas ajan engatjat de proceduras informativas contra Sànchez e Junqueras per aver difusat d’àudios de la preson estant als actes de campanha electorala, la preson de Soto del Real a ja decidit de castigar Sànchez abans que se resòlga la procedura. Per aquela rason, sos avocats an mostrat lor chepic al quotidian catalan Vilaweb: “D’un costat, l’an desplaçat al modul numèro uèch. Sabèm pas quinas son las condicions d’aquel modul. Mas de cambiar de modul es dur perque vòl dire de nòus gardians e de nòus companhs de preson. Las telefonadas jornalièras a la familha li son enebidas”. En mai d’aquò, li an interdich cèrtas vesitas pasmens ja autorizadas.
Lo ministre de l’interior o confirma
Lo ministre de l’Interior espanhòl, Juan Ignacio Zoido, a confirmat als mèdias l’engatjament d’aquelas proceduras. “Un còp que tota la procedura aura fach son cors e qu’aquelas personas seràn entendudas, se resolverà segon lo drech del secretariat general e de las institucions penalas”, çò a dich lo ministre.
Sánchez aviá demandat al jutge de la Cort Suprèma espanhòla, Pablo Llarena, que li concedigèsse de comjats per participar a la campanha electorala, mas lo jutge refusèt.
Lo precedent d’Otegi
Dins son article, Vilaweb soslinha lo precedent del politician basco Arnaldo Otegi, que foguèt punit per aver participat a un acte de campanha electorala en 2012 amb un messatge enregistrat dins la preson de Logronh. Mentre que se resolviá la procedura, lo govèrn espanhòl li enebiguèt las vesitas e las telefonadas, e après la resolucion l’embarrèron dotze jorns dins una cellula d’isolament.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Com sempre, sempre ha sigut així, estem amb el pitjor moment de la història d'espanya dels últims quaranta anys.
Tot el suport als Jordis, i al Vice-President i al Conseller Forn.
Visca la Terra...Lliure!
l'Ernest, "El Tàrrega".
Totas aquestas violacions dels Drets Humans los han de denunciar a l' Union Europea.
#1 Aquò significa lèumnes, clarament, que lo president elegit del parlament de Catalonha es tractat coma un criminal, mentre qu'a fait son que complir lo pretzfait que lo pòble l'aviá elegit per complir. Simbolicament, es tota la collectivitat civila catalana qu'es aicí tractada coma criminala, un pauc coma se votar per l'independéncia èra equivalent penalament a plaçar bombas a l'intrada d'un surpermercat a la velhas de las fèstas de final d'an…
Mas qué volètz ? Sèm en Euròpa en 2017. En Ongaria, Polonha e Austria, l'ultradreita es banalizada. Tanplan o es lo neofranquisme, coma se pòt aicí tristament constatar.Dins los autres estats, emai quora los pòbles vòton per l'ultraesquèrra, se manjan autoritàriament l'ultradreita, coma en Grècia, per exemple. En França, quora vòton socialistas, se manjan Hollande e Valls, que mespresan lo pòble a las valors d'esquèrra. Sèm plan en Euròpa en 2017. E ara, qué ne fasèm ?
Me demandi s'es l'idèa melhora de proposar un parallèl entre los militants e elegits catalans d'un costat, e Arnaldo Otegi d'un autre costat. Lo patriòta Otegi èra ligat a la contestacion basca, ela meteissa ligada (urosament o malurosament) a de metòdis violents. Aquí, los contestataris catalans son estats rigorosament non-violents, e es lo reialme d'Espanha qu'es estat terrorista, violent e brau.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari