Actualitats
La Comission Europèa activa la procedura legala per aplicar l’article 7 contra Polonha
Brussèllas considèra que los jutges son “jol contraròtle politic” del govèrn e menaça de daissar Varsòvia sens poder de vòte
La Comission Europèa a prepausat l’aplicacion a Polonha de l’article 7 dels tractats perque considèra qu’en aquel país i a un “risc seriós de violacion de l’estat de drech” e que lo sistèma judiciari “es ara jol contraròtle politic” del govèrn.
Lo partit conservator que govèrna en Polonha, Justícia e Patz, a fach una reforma polemica del sistèma judiciari, ont l’executiu aurà mai de contraròtle sus la Cort Suprèma e lo sistèma de nominacion dels jutges. La Comission Europèa alertèt que la reforma èra una menaça pels principis democratics e de l’estat de drech. La Comission aviá avertit Polonha dins los darrièrs meses per que renoncièsse a la reforma, mas lo govèrn de Morawiecki ne faguèt pas cas.
L’article 7 s’es pas jamai aplicat e es una opcion jutjada extrèma, pr’amor que pòt arribar de daissar un estat membre sens poder de vòte al Conselh Europèu. L’article 7 prevei tanben que la Comission, un tèrç dels estats membres e lo Parlament Europèu, pòscan demandar al Conselh Europèu que constate que i a “un risc clar de violacion grèva de part d’un estat membre de las valors consideradas dins l’article 2 de dignitat umana, libertat, democracia, egalitat, estat de drech e respècte dels dreches umans”. Ara, los autres sòcis europèus deuràn decidir s'aplican la sancion al govèrn polonés.
En mai d’aquò, la Comission Europèa a decidit tanben de denonciar Polonha al Tribunal Europèu de Justícia per aver mancat a la lei de l'UE amb sas reformas judiciàrias, que Brussèlas considèra que fan perilhar l'independéncia dels magistrats.
Ara poiriá seguir la suspension temporària del drech de vòte, mas aquela decision requerís l'unanimitat. Sus aqueste ponch, es probable que la proposicion de la Comission capite mal perque d’estats coma Ongria –en desacòrdi amb la Comission per las quòtas d’aculhença de refugiats, entre d’autras questions– poirián exercir lo drech de vèto. Totun, lo fach d’activar lo mecanisme de l’article 7 es un seriós avertiment a Polonha.
Lo primièr ministre polonés, Mateusz Morawiecki, considèra “injusta” la decision e defend que la reforma del sistèma judiciari èra necessària per combatre la corrupcion e expulsar las reminiscéncias de l’epòca comunista. Argumenta tanben que caliá respectar la sobeiranetat dels estats membres. La reforma a generat de protèstas dins divèrsas vilas de Polonha e lo planh del Departament d’Estat dels Estats Units.
Lo partit conservator que govèrna en Polonha, Justícia e Patz, a fach una reforma polemica del sistèma judiciari, ont l’executiu aurà mai de contraròtle sus la Cort Suprèma e lo sistèma de nominacion dels jutges. La Comission Europèa alertèt que la reforma èra una menaça pels principis democratics e de l’estat de drech. La Comission aviá avertit Polonha dins los darrièrs meses per que renoncièsse a la reforma, mas lo govèrn de Morawiecki ne faguèt pas cas.
L’article 7 s’es pas jamai aplicat e es una opcion jutjada extrèma, pr’amor que pòt arribar de daissar un estat membre sens poder de vòte al Conselh Europèu. L’article 7 prevei tanben que la Comission, un tèrç dels estats membres e lo Parlament Europèu, pòscan demandar al Conselh Europèu que constate que i a “un risc clar de violacion grèva de part d’un estat membre de las valors consideradas dins l’article 2 de dignitat umana, libertat, democracia, egalitat, estat de drech e respècte dels dreches umans”. Ara, los autres sòcis europèus deuràn decidir s'aplican la sancion al govèrn polonés.
En mai d’aquò, la Comission Europèa a decidit tanben de denonciar Polonha al Tribunal Europèu de Justícia per aver mancat a la lei de l'UE amb sas reformas judiciàrias, que Brussèlas considèra que fan perilhar l'independéncia dels magistrats.
Ara poiriá seguir la suspension temporària del drech de vòte, mas aquela decision requerís l'unanimitat. Sus aqueste ponch, es probable que la proposicion de la Comission capite mal perque d’estats coma Ongria –en desacòrdi amb la Comission per las quòtas d’aculhença de refugiats, entre d’autras questions– poirián exercir lo drech de vèto. Totun, lo fach d’activar lo mecanisme de l’article 7 es un seriós avertiment a Polonha.
Lo primièr ministre polonés, Mateusz Morawiecki, considèra “injusta” la decision e defend que la reforma del sistèma judiciari èra necessària per combatre la corrupcion e expulsar las reminiscéncias de l’epòca comunista. Argumenta tanben que caliá respectar la sobeiranetat dels estats membres. La reforma a generat de protèstas dins divèrsas vilas de Polonha e lo planh del Departament d’Estat dels Estats Units.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E per la Catalonha los jutges son pas “jol contraròtle politic” de Rajoy???
Amusant de veire que la premsa francesa es fòrça mes severa amb lo PiS qu'amb los partits catalans. Es verai que lo PiS, ni per estre luenh a drecha, es a la testa d'un Estat,el, e qu'es l'eiretier d'aquelos "sindicalistas" que manfiestavan trenta ans en reire en pregant a genolhs la Santa Vierja.
A! es pas l'article 155? L'article tant venerat per Junker, Macron, Merkel e companhiá?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari