Actualitats
Las tres revistas literàrias en occitan se presentan als futurs ensenhaires de Calandretas
Los redactors e menaires de las revistas literàrias Òc, Gai Saber e Reclams presentèron lors publicacions dins l’encastre d’un “moment excepcional”
Lo 7 de decembre passat, a l’ocasion de la batejada de la promocion 2017-2018 d’ensenhaires de las Calandretas, los redactors e menaires de las revistas literàrias Òc, Gai Saber e Reclams presentèron lors publicacions. “Visquèrem un moment excepcional”, —çò ditz lo comunicat d’Aprene, l’establiment que forma los ensenhaires—. “A Calandreta i a un grand potencial de legeiras e de legeires”.
Sèrgi Javaloyès, cap-redactor, e Maurici Romieu, president, representavan Reclams, la mai anciana, nascuda en 1897. Felip Carbona qu’aviá ja passat cèrts moments dins la setmana amb los futurs regents al moment especialament de lor rescontre amb Andrieu Lagarda, dirigís Gai Saber. Bruno Peiràs es redactor de la revista Òc e desencusèt Frederic Fijac qu’èra malastrosament empachat d’èsser present. Peiràs convidèt caduna e cadun a contribuir amb sas rimas, sa pròsa, sos tèxtes, al contengut e a la subrevivença de la creacion literària.
Lo president de Calandreta, Joan-Loís Blenet, donèt la paraula als 4 representants e cadun confirmèt l’inestimabla riquesa de las contribucions que continuan d’arribar an aprèp an als redactors, malgrat l’importanta demesida de las ajudas financièras e la risca de la quinquanèla. Maurici Romieu, dins son editorial del n° 843 de Reclams, afortís: “Qu’avem la fe, las òbras que seguiràn”.
Per solidaritat amb las revistas e per endralhar una èrsa d’abonaments, lo Conselh d’Administracion de la Confederacion Calandreta e lo de l’establiment APRENE decidiguèron a la davalada d’ofrir los 3 abonaments a 51 personas, futurs regents e tutors ajudaires del movement.
Sèrgi Javaloyès, cap-redactor, e Maurici Romieu, president, representavan Reclams, la mai anciana, nascuda en 1897. Felip Carbona qu’aviá ja passat cèrts moments dins la setmana amb los futurs regents al moment especialament de lor rescontre amb Andrieu Lagarda, dirigís Gai Saber. Bruno Peiràs es redactor de la revista Òc e desencusèt Frederic Fijac qu’èra malastrosament empachat d’èsser present. Peiràs convidèt caduna e cadun a contribuir amb sas rimas, sa pròsa, sos tèxtes, al contengut e a la subrevivença de la creacion literària.
Lo president de Calandreta, Joan-Loís Blenet, donèt la paraula als 4 representants e cadun confirmèt l’inestimabla riquesa de las contribucions que continuan d’arribar an aprèp an als redactors, malgrat l’importanta demesida de las ajudas financièras e la risca de la quinquanèla. Maurici Romieu, dins son editorial del n° 843 de Reclams, afortís: “Qu’avem la fe, las òbras que seguiràn”.
Per solidaritat amb las revistas e per endralhar una èrsa d’abonaments, lo Conselh d’Administracion de la Confederacion Calandreta e lo de l’establiment APRENE decidiguèron a la davalada d’ofrir los 3 abonaments a 51 personas, futurs regents e tutors ajudaires del movement.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Agèssem las collectivitats territorialas que cal (conselhs regionals e departamentals) serián totes los licèus e collègis que lor bibliotèca li deuriá ésser abonada.
Abonar los estudiants a las revistas occitanas (encara qu'i manque lo preciós Leberaubre) : aquí una idèa a l'encòp ciutadana, preciosa e esperada ! Mercés per aquela iniciativa indispensabla a la subrevida de las nòstras revistas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari