Actualitats
Eleccions en Catalonha e Aran: l'independentisme se confirma
E mai se l'espanholista Ciutadans es lo partit mai votat, los tres partits del camp republican an atench la majoritat absoluda e la lista pus votada es la del president en exili, Carles Puigdemont
L'independentisme resistís en Catalonha e Aran. Los partits independentistas an atench la majoritat absoluda al Parlament de Catalonha dins d'eleccions estranhas forçadas pel govèrn de Madrid qu'a anullat las institucions catalanas e amb de candidats exiliats o empresonats.
Lo partit espanholista, Ciutadans, es lo mai votat d'aquelas eleccions, mas a pas de possibilitats de bastir un govèrn antiindependentista. Per contra, los tres partits independentistas obtenon ensems la majoritat absoluda. En mai d'aquò, lo partit mai votat d'aquestes es lo de Carles Puigdemont, çò que legitima son retorn a la presidéncia de la Generalitat. Sa lista, Amassa per Catalonha, despassa Esquèrra Republicana de Catalonha, e amb la CUP lo camp republican a la majoritat absoluda.
Quant al Partit Popular, es estat un dels partits mens votats e quitament risca de pèrdre son grop parlamentari.
Pasmens, se Puigdemont torna per recuperar la presidéncia serà immediatament arrestat e menat davant los jutges, amb l'acusacion de rebellion e sedicion.
Resisténcia de l'independentisme
Lo fach que lo blòc independentista aja la majoritat es una reüssida màger pels sobeiranistas, qu'an afrontat una campanha fòrça complicada. Qualques candidats son en preson o en exili, lo govèrn de la Generalitat es contrarotlat per Madrid, lo conselh electoral espanhòl a exercit una censura quitament contra la color jauna.
Ciutadans es lo partit qu'a despensat mai d'argent dins la campanha electorala: 2,1 milions d'èuros. Seguisson lo Partit Popular e Esquèrra Republicana de Catalonha qu'an despensat 1,8 milions.
Anna Geli, la nòva votz occitana del Parlament
La CUP a pas obtengut pro de vòtes dins la circonscripcion de Lhèida per manténer lo sèti de la deputada occitana Mireia Boya. Pasmens, Anna Geli n'a obtengut un en far partida de la lista de Carles Piugdemont. Geli es pas afiliada a nat partit politic mas acceptèt d’èsser presenta dins aquel candidatura “tà restituir aquerò que mos an panat as catalans e as aranesi”.
Fa qualques jorns, Geli explicava a La Setmana son engatjament en politica:
Lèu, e amb lo consentiment de La Setmana, publicarem sus las paginas de Jornalet lo retrach d'Anna Geli, que podètz totun legir sus la darrièra pagina del numèro 1091 del setmanièr occitan.
Lo partit espanholista, Ciutadans, es lo mai votat d'aquelas eleccions, mas a pas de possibilitats de bastir un govèrn antiindependentista. Per contra, los tres partits independentistas obtenon ensems la majoritat absoluda. En mai d'aquò, lo partit mai votat d'aquestes es lo de Carles Puigdemont, çò que legitima son retorn a la presidéncia de la Generalitat. Sa lista, Amassa per Catalonha, despassa Esquèrra Republicana de Catalonha, e amb la CUP lo camp republican a la majoritat absoluda.
Quant al Partit Popular, es estat un dels partits mens votats e quitament risca de pèrdre son grop parlamentari.
Pasmens, se Puigdemont torna per recuperar la presidéncia serà immediatament arrestat e menat davant los jutges, amb l'acusacion de rebellion e sedicion.
Resisténcia de l'independentisme
Lo fach que lo blòc independentista aja la majoritat es una reüssida màger pels sobeiranistas, qu'an afrontat una campanha fòrça complicada. Qualques candidats son en preson o en exili, lo govèrn de la Generalitat es contrarotlat per Madrid, lo conselh electoral espanhòl a exercit una censura quitament contra la color jauna.
Ciutadans es lo partit qu'a despensat mai d'argent dins la campanha electorala: 2,1 milions d'èuros. Seguisson lo Partit Popular e Esquèrra Republicana de Catalonha qu'an despensat 1,8 milions.
Anna Geli, la nòva votz occitana del Parlament
La CUP a pas obtengut pro de vòtes dins la circonscripcion de Lhèida per manténer lo sèti de la deputada occitana Mireia Boya. Pasmens, Anna Geli n'a obtengut un en far partida de la lista de Carles Piugdemont. Geli es pas afiliada a nat partit politic mas acceptèt d’èsser presenta dins aquel candidatura “tà restituir aquerò que mos an panat as catalans e as aranesi”.
Fa qualques jorns, Geli explicava a La Setmana son engatjament en politica:
"Eth govèrn legitim qu'avíem ei eth madeish qu'avíem damb eth president Puigdemont ath capdavant e damb eth vicepresident Junqueras e es conselhèrs, Pensi qu'açò ei important perque son ues eleccions que son imposades, non son ues eleccions qu'age amiat eth president dera Generalitat qu'ei eth qui n'a era competéncia, e, jos eth mèn punt d'enguarda, quinsevolhe auta opcion que non sigue restituir eth govèrn dera Generalitat serie validar eth 155. Çò que pensi que cau hèr ei tornar a restituir eth govèrn qu'avíem e recuperar eth govèrn que mos an panat, un govèrn qu'ei en exili e qu'ei ena preson, sonque peth hèt d'aver votat e amiat entà devant eth sòn engatjament electorau".
Lèu, e amb lo consentiment de La Setmana, publicarem sus las paginas de Jornalet lo retrach d'Anna Geli, que podètz totun legir sus la darrièra pagina del numèro 1091 del setmanièr occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#27 2 milions de catalans, com a mínim, volen la independència i no pares d'insultar-los. Ara fes-nos el favor de parar de cansar-nos: jo no vinc a fer propaganda a Falange Magazine. No tens vida personal, feixista pesadet? A més no t'interessa la llengua occitana: només véns aquí per molestar-nos amb els teus comentaris maleducats i provar de manipular...
#26
milers de catalans de soca arrel se senten espanyols, tal volta tu sigues un pura raça? ttos teneim mescla de jueu, moro, vandals, romanesos ... visigòtics, tal volta tu ets català asseques? fas el ridicul, i més et comportes com hitler i les teories raciste que ell va apoiar. Tin en cmpte que ell fou elegit democràticament per un poble enfurit i manipulat com ho està tot l'independentisme català.
#20 LA SOCIETAT CATALANA ES PLURAL BEN PLURAL ? A si, coma es plurala la societa tibetana, envasida pels trabalhaires chineses, qu'es a pèrdre sa lenga, sa cultura, en mai de son independénica ?
Las resultats per Aran :
Ciutadans 33,4 %
PSC 19,8
Junts per Cat 14,4
ERC 12,9
PP 7,2
Cat Comú 6,7
CUP 3,3
#14
Le problèma, sèque, es que les independentistas an, a pus près, 900 000 voses de mai que Ciutadan's e gaireben le doble de sièti al Parlament catalan mas coma son "escampilhats" en tres listas diferentas, a-cada lista desseparadament a mens de voses que Ciutadan's (e mens de siètis). Nonsè una error d'aver pas poscut o volgut fèr una lista unica, almens entre ERC-Demòcrates e Junts per Catalunya?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari