Actualitats
La Wikipèdia en catalan a reüssit l'escomesa d'arribar als 20 000 articles dedicats a de femnas
Fa sièis meses se prepausèt aquel desfís en remarcar que solament lo 15% de las biografias publicadas sus aquela enciclopèdia cooperativa èran consagradas a de femnas
La comunautat catalanofòna de Wikipèdia es arribada als 20 000 articles sus de femnas abans lo 31 de decembre d’ongan. Èra una escomesa que s’èran autoimpausats en junh, quand mancava gaireben dos mila articles per aténher aquela chifra.
L’article amb lo qual son pervenguts a la chifra escomesa es dedicat a la cantadora d’opèra e actritz suedesa Brita Hertzberg. A l'ora d’ara an ja superada la chifra dels 20 000. De junh fins ara an escrich d'articles sus de femnas de divèrsas professions: academicianas, scientificas, artistas, musicianas, escrivanas, politicianas e religiosas.
L'iniciativa s’es apiejat sus un rendètz-vos setmanièr, lo dimars de 17h00 a 20h00, dins un espaci social d'una universitat catalana nomenat "Viquidones" (Wikifemnas), e lo projècte s'es promogut suls rets socials amb l'etiqueta #20000dones.
Amb aquel projècte, la comunautat wikipediaira catalana cèrca de far justícia a l'apòrt de las femnas a l'istòria de l'umanitat, mentre qu’aviá constatat que solament lo 15% de las biografias publicadas sus aquela enciclopèdia cooperativa èran consagradas a de femnas.
L’article amb lo qual son pervenguts a la chifra escomesa es dedicat a la cantadora d’opèra e actritz suedesa Brita Hertzberg. A l'ora d’ara an ja superada la chifra dels 20 000. De junh fins ara an escrich d'articles sus de femnas de divèrsas professions: academicianas, scientificas, artistas, musicianas, escrivanas, politicianas e religiosas.
L'iniciativa s’es apiejat sus un rendètz-vos setmanièr, lo dimars de 17h00 a 20h00, dins un espaci social d'una universitat catalana nomenat "Viquidones" (Wikifemnas), e lo projècte s'es promogut suls rets socials amb l'etiqueta #20000dones.
Amb aquel projècte, la comunautat wikipediaira catalana cèrca de far justícia a l'apòrt de las femnas a l'istòria de l'umanitat, mentre qu’aviá constatat que solament lo 15% de las biografias publicadas sus aquela enciclopèdia cooperativa èran consagradas a de femnas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari