“Tot destimborlat, lo gal de la giroleta vira e revira coma un bèl diable dins las ventadas de l’Autan”… Escrivètz la seguida!

Los bibliotecaris del Lector de la Val (associacion de bibliotècas de Lauragués / sud-èst tolosan) organizan lor XXn concors de novèlas, dobèrt a totes e a gratis, fins al 16 de febrièr de 2018.
 
Lo concors compta quatre categorias: primari, segondari, licèus, adultes (los tèxtes collectius son permeses se fan partida de l’ensenhament d’una classa entièra). Lo tèxt deu necessàriament començar amb la frasa çai sus. Lo genre demòra liure: fantastic, policièr, sciéncia-ficcion, istoric, romanesc, aventura, etc… o pas brica de genre que siá. Totas las variantas de la lenga occitana son benvengudas, e per tant lo participant pòt adaptar l’incipit a sa varianta pròpia.
 
Se pòt tanben participar en francés, a partir de la frasa: “Déboussolé, le coq de la girouette s’agite comme un beau diable dans les rafales de l’Autan.”
 
La remesa dels prèmis se debanarà a la debuta del mes de junh de 2018, e la remesa de las rejonchas de novèlas als autors es prevista per octòbre de 2018 al centre de congrèsses Diagora de Labeja. Un CD àudio de tèxtes occitans causits per la jurada serà fargat en mai de l’edicion del libre.
 
Per mai d’entresenhas o per obténer lo reglament: info@lecteurduval.org o al telefòn +33(0)5 61 00 51 16. o sus la pagina: www.lecteurduval.org/310-concours-nouvelles.html
 
 
 
 
 
Annie Proudom