Actualitats
L'aranés Aymar Navarro nomenat melhor esquiaire europèu de l'an
Gràcias a aquel guierdon poirem veire lèu un occitan demest los melhors esquiaires fòrapista del Mond
L'esportiu aranés Aymar navarro es estat nomenat melhor esquiaire europèu de l'an, çò publica la revista Downdays. Amb aquel guierdon, Navarro culmina una tièra de reüssidas de Navarro dont podem soslinhar sa tresena posicion al campionat mondial d'esquí fòrapista d'Andòrra en març passat.
Nascut a Les (Quate Lòcs) fa 28 ans, Aymar Navarro ara farà venir possible que poscam lèu veire un occitan demest los melhors esquiaires fòrapista (o freeride) del Mond dins las quatre espròvas classificatòrias que se debanaràn en Japon, Canadà, Andòrra e Àustria.
Deman presenta son filme South Lines
En mai d'aquò, Ayma Navarro presenta deman a Les son darrièr trabalh cinematografic entitolat South Lines, realizat amb Adrià Millan e Txema Trull. Se tracta d'un filme ont los esportius araneses documentan lors aventuras dins la famosa cadena de montanhas sud-americana dels Andes.
La qualitat dels imatges explica que lo filme siá conegut e reconegut internacionalament e qu'aja atench de milions de vesitas sus Internet.
La presentacion se farà aqueste dissabte 30 de decembre a 20h dins la sala d'actes de la comuna de Les.
Nascut a Les (Quate Lòcs) fa 28 ans, Aymar Navarro ara farà venir possible que poscam lèu veire un occitan demest los melhors esquiaires fòrapista (o freeride) del Mond dins las quatre espròvas classificatòrias que se debanaràn en Japon, Canadà, Andòrra e Àustria.
Deman presenta son filme South Lines
En mai d'aquò, Ayma Navarro presenta deman a Les son darrièr trabalh cinematografic entitolat South Lines, realizat amb Adrià Millan e Txema Trull. Se tracta d'un filme ont los esportius araneses documentan lors aventuras dins la famosa cadena de montanhas sud-americana dels Andes.
La qualitat dels imatges explica que lo filme siá conegut e reconegut internacionalament e qu'aja atench de milions de vesitas sus Internet.
La presentacion se farà aqueste dissabte 30 de decembre a 20h dins la sala d'actes de la comuna de Les.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Jo qu'èi arremercat qu'era lenga mès presenta (en temps) qu'ei sustot eth "occitan del Quijote, o deths Conquistadores de Argentina". Segur que mès m'auerià plasut d'ausir d'Aranés e de Mapuche !
#1 Aquí me sembla que non es mai d'espòrt : es d'estetisme total, d'art coregrafic de la casuda mestresada. Solet regret, lo nòstre Aranés parla en occitan de Pompèu Fabre, e non pas en aranés o en occitan estandard…
Vaquèira (Baqueira) en Aran, la Mèca del esquí!
Una granda escòla d'esquí per les enfants e les jovents, un estadi d'eslalòm permanent dobèrt a totes.
Un territòri cosmopolit, del localisme aranés al mondialisme, les enfants aprenen l'aranés, le catalan, le castelhan, le francés e l'anglés. Consí far petit e grand a l'un-còp!
A! Per les esquiaires occitans, i a de monitors d'esquí en aranés, subre-impressionant d'ausir aquò sus las pistas.
Cap de talhers embarrats e subvencionats...
La vida vertadièra, qué!
Mercés al Jornalet per aqueles fenestrons sus l'espòrt. Son part de la normalitat de la lenga.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari