Actualitats
Cossí se pòt aver un sòmi lucid?
Es un biais de somiar que la persona i es conscienta mentre que sòmia e aital pòt contrarotlar l’experiéncia
Es çò qu’una còla de psicològs a volgut comprene. E après far divèrses estudis creson saber qualas serián las tecnicas que permeton d’aver un sòmi lucid. Lo sòmi clar (lucid dreaming en anglés) es un biais de somiar que la persona i es conscienta mentre que sòmia e aital pòt contrarotlar l’experiéncia. Mas per trobar cossí poder o far son estats realizats abans plusors assages sus prèp de 200 volontaris.
E cossí i arribar es estat descrich coma una amassada de tecnicas desparièras que son estadas publicadas dins la revista numerica Dreaming per una còla de psicològs de l’Universitat d’Adelaïda (Austràlia). Mai de 169 volontaris son estats estudiats après èsser devesits en 3 grops. Solament aital s’es pogut confirmar cossí arribar d’aver de sòmis lucids.
Un dels tres grops, totun, passèt las espròvas dels tres grops e li apliquèron las tres tecnicas diferentas. Èran 47 volontaris e un 17% d’eles arribèron al sòmi lucid pendent un periòde d’una setmana. Aquela chifra èra una escasuda a respècte dels autres dos, qu’al cap d’una setmana avián pas pogut pervenir a contrarotlar lors sòmis.
La combinason de las tecnicas, apelada MILD en anglés, foguèt, malgrat aquò, una vertadièra reüssida que permetèt als psicològs de saber cossí arribar fin finala de contrarotlar conscientament los sòmis. Amb la tecnica MILD, los volontaris que pervenguèron a aver de sòmis lucids foguèron fins a un 46%.
“Es una tecnica psicològica nòva que trabalha prigondament çò que nosautres apelam “la memòria prospectiva” —çò diguèt Denholm Aspy, cap de l’estudi—. Aquò es l’aptitud umana de se ramentar cossí far de causas dins l’avenidor”.
En tot repetir, amb una frasa que nos podèm remembrar, que sèm dins un sòmi se balha la ment l’escasença de se remembrar que sèm dins un sòmi —çò apondèt Aspy—. Aquò es lo primièr pas per arribar al sòmi lucid”.
En mai d’aquò, çò de mai important dins las resultas del grop de psicològs australians es que las personas qu’avián aplicat aquela tecnica patissián pas puèi cap de privacion de sòm l’endeman, çò que vòl dire que la tecnica MILD a pas d’efièches negatius sul sòm. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
E cossí i arribar es estat descrich coma una amassada de tecnicas desparièras que son estadas publicadas dins la revista numerica Dreaming per una còla de psicològs de l’Universitat d’Adelaïda (Austràlia). Mai de 169 volontaris son estats estudiats après èsser devesits en 3 grops. Solament aital s’es pogut confirmar cossí arribar d’aver de sòmis lucids.
Un dels tres grops, totun, passèt las espròvas dels tres grops e li apliquèron las tres tecnicas diferentas. Èran 47 volontaris e un 17% d’eles arribèron al sòmi lucid pendent un periòde d’una setmana. Aquela chifra èra una escasuda a respècte dels autres dos, qu’al cap d’una setmana avián pas pogut pervenir a contrarotlar lors sòmis.
La combinason de las tecnicas, apelada MILD en anglés, foguèt, malgrat aquò, una vertadièra reüssida que permetèt als psicològs de saber cossí arribar fin finala de contrarotlar conscientament los sòmis. Amb la tecnica MILD, los volontaris que pervenguèron a aver de sòmis lucids foguèron fins a un 46%.
“Es una tecnica psicològica nòva que trabalha prigondament çò que nosautres apelam “la memòria prospectiva” —çò diguèt Denholm Aspy, cap de l’estudi—. Aquò es l’aptitud umana de se ramentar cossí far de causas dins l’avenidor”.
En tot repetir, amb una frasa que nos podèm remembrar, que sèm dins un sòmi se balha la ment l’escasença de se remembrar que sèm dins un sòmi —çò apondèt Aspy—. Aquò es lo primièr pas per arribar al sòmi lucid”.
En mai d’aquò, çò de mai important dins las resultas del grop de psicològs australians es que las personas qu’avián aplicat aquela tecnica patissián pas puèi cap de privacion de sòm l’endeman, çò que vòl dire que la tecnica MILD a pas d’efièches negatius sul sòm. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
M'agradaria poder controlar quan tenc un somni erotic e me despert, e aprés hi ha pas manera de poder tornar a trobar a Marilin o la chata que sia. Se pogués controlar lo somni podria acabar la relacion sexuala completament e repetir-la un parelh de cops.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari