Actualitats
Oskar Gröning, conegut coma “lo comptable d’Auschwitz”, serà enfin encarcerat
A sos 96 ans, el reconeis sa “complicitat morala” amb los mòrts d’Auschwitz, se’n mòstra pentós e demanda lo perdon als subrevivents e a las familhas de las victimas
A sos 96 ans, Oskar Gröning —conegut coma “lo comptable d’Auschwitz”— serà enfin encarcerat. Lo condemnèron en 2015 per sa complicitat amb la mòrt de 300 000 personas al centre d’extermini nazi, mas el presentèt un recors per evitar son encarceracion. Gröning invocava son edat avançada e sa marrida santat. Mas ara la Cort Constitucionala alemanda a dich qu’aquelas rason son pas sufisentas per suspendre la senténcia e a ordenat son empresonament.
Pendent lo jutjament Gröning reconeguèt sa “complicitat morala” amb los mòrts d’Auschwitz, se’n pentiguèt e demandèt lo perdon als subrevivents e a las familhas de las victimas en precisant que planhiá fòrça d’aver pas agit per evitar aqueles crimes, qu’el n’èra de tot en tot conscient.
L’acusacion insistiguèt sul ròtle de Gröning dins la dicha Operacion Ongria en 1944, que menèt al camp d’Auschwitz aperaquí 450 000 personas, dont mai de 300 000 foguèron assassinadas.
Lo procès contra l’èx-membre de las SS es vengut un simbòl per las victimas del nazisme qu’an luchat pendent de decennis per que los responsables sián condemnats per lors crimes contra l’umanitat.
Gröning s’engatgèt dins las Waffen SS quand aviá 21 ans. Dos ans pus tard comencèt de trabalhar a Auschwitz, encargat de confiscar totes los objèctes de valor de las victimas, e de far los transferiments d’argent a Berlin per finançar lo regim hitlerian.
Combatèt lo negacionisme
Tanlèu acabada la guèrra, Gröning, condemnat, passèt doas annadas dins un camp de trabalh en Anglatèrra après la reddicion de son unitat de las SS. En 1948 tornèt en Alemanha e menèt una vida tranquilla e discreta en parlant pas de son passat.
Ça que la, a la fin dels ans 1990, a causa de la proliferacion de las teorias que negavan la Shoà, Gröning decidiguèt de parlar d’Auschwitz e de son trabalh coma “comptable”. Acordèt divèrsas entrevistas als mèdias alemands ont descriguèt las orrors d’Auschwitz, qu’el ne foguèt testimòni e actor.
En 5 ans a Auschwitz los nazis tuèron 1,3 milions d’òmes, de femnas e d’enfants dont lo 90% èran de jusieus. 900 000 personas foguèron conduchas dirèctament dels trens que las avián menadas a las cambras de gas que las esperavan. Las autras moriguèron a causa de malautiás, de la fam, de la tortura, d’experiments “scientifics” sadics... A l’ora d’ara lo sit es considerat coma un simbòl de la Shoà, la “Catastròfa” del judaïsme.
Pendent lo jutjament Gröning reconeguèt sa “complicitat morala” amb los mòrts d’Auschwitz, se’n pentiguèt e demandèt lo perdon als subrevivents e a las familhas de las victimas en precisant que planhiá fòrça d’aver pas agit per evitar aqueles crimes, qu’el n’èra de tot en tot conscient.
L’acusacion insistiguèt sul ròtle de Gröning dins la dicha Operacion Ongria en 1944, que menèt al camp d’Auschwitz aperaquí 450 000 personas, dont mai de 300 000 foguèron assassinadas.
Lo procès contra l’èx-membre de las SS es vengut un simbòl per las victimas del nazisme qu’an luchat pendent de decennis per que los responsables sián condemnats per lors crimes contra l’umanitat.
Gröning s’engatgèt dins las Waffen SS quand aviá 21 ans. Dos ans pus tard comencèt de trabalhar a Auschwitz, encargat de confiscar totes los objèctes de valor de las victimas, e de far los transferiments d’argent a Berlin per finançar lo regim hitlerian.
Combatèt lo negacionisme
Tanlèu acabada la guèrra, Gröning, condemnat, passèt doas annadas dins un camp de trabalh en Anglatèrra après la reddicion de son unitat de las SS. En 1948 tornèt en Alemanha e menèt una vida tranquilla e discreta en parlant pas de son passat.
Ça que la, a la fin dels ans 1990, a causa de la proliferacion de las teorias que negavan la Shoà, Gröning decidiguèt de parlar d’Auschwitz e de son trabalh coma “comptable”. Acordèt divèrsas entrevistas als mèdias alemands ont descriguèt las orrors d’Auschwitz, qu’el ne foguèt testimòni e actor.
“Cresètz-me, ieu o vegèri tot: las cambras de gas, los cremaments, lo procès de seleccion. Ieu èri a la rampa quand se fasián las seleccions. Voldriái que me creguèssetz, aquelas atrocitats se passèron. Un milion e mièg de jusieus foguèron assassinats a Auschwitz. Ieu i èri”.
En 5 ans a Auschwitz los nazis tuèron 1,3 milions d’òmes, de femnas e d’enfants dont lo 90% èran de jusieus. 900 000 personas foguèron conduchas dirèctament dels trens que las avián menadas a las cambras de gas que las esperavan. Las autras moriguèron a causa de malautiás, de la fam, de la tortura, d’experiments “scientifics” sadics... A l’ora d’ara lo sit es considerat coma un simbòl de la Shoà, la “Catastròfa” del judaïsme.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se Oskar Groning ha ajudat coma testimoni de qu' existiguet l'olocaust, doncs es una persona qu' ha comprés e està completament regenerat. Non cresi qu' haja d'anar a la preson.
Mèrda, lo fraire gemèl d'Alan Badiu...
https://www.francebleu.fr/s3/cruiser-production/2016/02/0970d169-2bda-4046-a6e2-b290cc5448d9/738_badiou_1.jpg
E la racalha franquista que va e ven encara liurament dins lo reialme cripto-franquista d'Espanha, qui la jutjarà ? Qui la condemnarà ?
E los comptables de l'exterminacion totala dels Catars, dels secutiments massises contra los Valdeses, contra los Beguins, contra los Protestants, qui los jutjarà ? Qui los condemnarà ?
E los comptables de l'exterminacion gaireben totala de las lengas, de las culturas e, donc, dels pòbles dits "de França", qui lo jutjarà ? Qui los condemnarà ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari