Actualitats
Se revendica l’occitanitat del rei Jaume Ir pendent la fèsta nacionala de Malhòrca
La Fèsta de l’Estendard d’ongan es estada marcada per la revendicacion de l’independéncia dels Païses Catalans
Durant lo darrièr jorn de l’annada, l’illa de Malhòrca celèbra son jorn nacional a l’ocasion de la dicha Fèsta de l’Estendard, qu’ongan es estada marcada per la revendicacion de democracia e sobeiranetat. Dins la manifestacion qu’a luòc cada an lo jorn precedent, ongan la revendicacion de l’independéncia dels Païses Catalans es estada plan presenta, çò rapòrta dBalears.
Aquela jornada remembra l’intrada del rei Jacme Ir dich lo Conquistaire dins la vila de Palma e la consecutiva conquista de l’illa, e es considerada una de las fèstas civilas pus ancianas d’Euròpa. Ongan, la còla d’Òc Malhòrca an volgut revendicar l’occitanitat del rei conquistaire, nascut a Montpelhièr, e per tant lo drapèl occitan i es estat plan present al moment de l’ofrenda florala al monument. “Lo rei Jaume es lo primièr occitan de Malhòrca (montpelhierenc de naissença) e lo paire fondador de nòstra nacion”, çò assegura lo collectiu occitanista de l’illa.
Lo drapèl occitan foguèt tanplan fòrça visible long de la manifestacion e dins los concèrts que se debanèron a Palma.
Se festeja dempuèi lo sègle XIII
La Fèsta de l’Estendard commemòra l’intrada a Palma de l’armada de Catalonha e Aragon lo 31 de decembre de 1229 de la man de Jaume Ir, rei d’Aragon e prince de Catalonha, dich lo Conquistaire. Aquel eveniment metèt fin al reialme almoad de Mayurqa, dins las illas orientalas d’Al Andalus.
La fèsta recòrda la naissença de la Malhòrca actuala e es una de las mai ancianas d’Euròpa, car se festeja dempuèi lo sègle XIII.
Los actes principals se tenon sus la Plaça de Cort, amb de ceremònias civilas e de manifestacions lo jorn precedent.
Demest los actes màgers de la jornada cal soslinhar la ceremònia de mesa en plaça de l’Estendard al mièg de la Plaça de Cort jol retrach de Jaume Ir lo Conquistaire, la desfilada de las autoritats e dels cavalièrs fins a la catedrala, amb acompanhament de musica e de figuras folcloricas tradicionala.
Una autra ceremònia de remarcar es la declamacion del poèma “Sa Colcada“ (la cavalcada), escrich en 1881 per Pere d’Alcàntara Penya i Nicolau, que se fa un còp retirat l’estendard.
Aquela jornada remembra l’intrada del rei Jacme Ir dich lo Conquistaire dins la vila de Palma e la consecutiva conquista de l’illa, e es considerada una de las fèstas civilas pus ancianas d’Euròpa. Ongan, la còla d’Òc Malhòrca an volgut revendicar l’occitanitat del rei conquistaire, nascut a Montpelhièr, e per tant lo drapèl occitan i es estat plan present al moment de l’ofrenda florala al monument. “Lo rei Jaume es lo primièr occitan de Malhòrca (montpelhierenc de naissença) e lo paire fondador de nòstra nacion”, çò assegura lo collectiu occitanista de l’illa.
Lo drapèl occitan foguèt tanplan fòrça visible long de la manifestacion e dins los concèrts que se debanèron a Palma.
Se festeja dempuèi lo sègle XIII
La Fèsta de l’Estendard commemòra l’intrada a Palma de l’armada de Catalonha e Aragon lo 31 de decembre de 1229 de la man de Jaume Ir, rei d’Aragon e prince de Catalonha, dich lo Conquistaire. Aquel eveniment metèt fin al reialme almoad de Mayurqa, dins las illas orientalas d’Al Andalus.
La fèsta recòrda la naissença de la Malhòrca actuala e es una de las mai ancianas d’Euròpa, car se festeja dempuèi lo sègle XIII.
Los actes principals se tenon sus la Plaça de Cort, amb de ceremònias civilas e de manifestacions lo jorn precedent.
Demest los actes màgers de la jornada cal soslinhar la ceremònia de mesa en plaça de l’Estendard al mièg de la Plaça de Cort jol retrach de Jaume Ir lo Conquistaire, la desfilada de las autoritats e dels cavalièrs fins a la catedrala, amb acompanhament de musica e de figuras folcloricas tradicionala.
Una autra ceremònia de remarcar es la declamacion del poèma “Sa Colcada“ (la cavalcada), escrich en 1881 per Pere d’Alcàntara Penya i Nicolau, que se fa un còp retirat l’estendard.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca per vosautres ! Visca los paises occitano-catalans e la nòstra solidaritat !
Un capvespre d'ivern, a las sies horas havia de començar la manifestacion per la conmemoracion de la conquesta de la ciutat de Mallorca pel Montpelherenc Jaume I, Comte de Barcelona e Rei d'Aragon. Lo Born de Palma estavan tots los plataners il·luminat de lumets de Nadal, mai de 10.000 cresi. Alà havia de començar, banderas esteladas sobretot, qualcuna de mallorquina, tamben la Creu de Sant Jordi e la bandera Occitana, lucien entre la gentada amassa. Los fotografs e cameras no aturaven de far funcionar lors aparelhs. La gent que guaitava per las voreras somreia al veire tans independentistas pacifics menats per la creu de Sant Jordi al davant. Quina festassa !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari