Los membres del Conselh Executiu, lo govèrn de Corsega, prestèron jurament dimars passat a la nòva collectivitat unica elegida en decembre passat, e o faguèron sul preambul de la Constitucion còrsa de Pasquale Paoli, votada en novembre de 1755 pendent la Cunsulta di Corti, çò rapòrta Alta Frequenza.
 
Aquela Constitucion es considerada coma una de las primièras constitucions democraticas de l’istòria modèrna, e cercava d’organizar lo poder a l’entorn del govèrn de la nacion còrsa dirigit a aquela epòca per Pasquale Paoli. Paoli foguèt l’unic General de la Nacion, valent a dire president d’una republica de Corsega independenta entre lo 14 de julhet de 1755 e lo 13 de junh de 1769, quand l’estat francés annexèt l’illa.
 
Es pas lo primièr còp que lo govèrn dels sobeiranistas còrses prèsta son jurament sus un document còrs. Fa dos ans o faguèt sus la Giustificazione della rivoluzione di Corsica, un tèxt que denonciava la marrida gestion genovesa sus l’illa al sègle XVIII e l’intencion dels còrses de se sometre pas pus a la sobeiranitat de la Republica de Gènoa.
 

U Presidente di l’Assemblea di Corsica, u Presidente di u Cunsigliu Esecutivu di Corsica è i cunsiglieri esecutivi facenu ghjuramentu nantu à u preambulu di a Custituzione di a Corsica di u 1755 pic.twitter.com/Asskbi7kZK

— Assemblea di Corsica (@AssembleeCorse) 2 de gener de 2018

 
 

Le Diu entonné dans l'assemblée #corsepic.twitter.com/d43NIGljyI

— France 3 Corse (@FTViaStella) 2 de gener de 2018