Actualitats
Un anniversari tragic
Comencèt en octòbre de 1939, de la man de l’italian Enrico Fermi, lo projècte Manhattan, que menariá a la bomba atomica en 1945
I a d’anniversaris qu’avèm enveja de remembrar. N’i a d’autres que n’avèm pas brica d’enveja de o far. Aqueste ne seriá, benlèu, un d’aqueles. Pr’amor qu’après aquò la vida umana cambièt totalament e a pas res a veire amb los 100 000 ans anteriors. Lo 2 de decembre de 1942 una còla de cercaires immigrants dels Estats Units fasiá espetar la primièra reaccion en cadena de fision nucleara contrarotlada jos l’Universitat de Chicago. D’aquò ne fa ara 75 annadas. E puèi res es pas estat jamai parièr.
Aquò venguèt solament quatre ans après qu’una còla de recercaires alemanda aguèt descobèrt —sens o saber— la fission nucleara (1938). Mas los scientifics estatsunidencs o volguèron provar e per ansin ja avián demandat al president Roosevelt d’iniciar un projècte que podia far ganhar la guèrra als aliats e sauvar la planeta de l’orror nazi.
Aital comencèt en octòbre de 1939, de la man de l’italian Enrico Fermi, lo projècte Manhattan, que menariá a la bomba atomica en 1945. L’italian èra arribat als Estats Units aquel meteis an après recebre lo prèmi Nobel de Fisica per son trabalh sus la creacion d’elements mai pesants que l’urani.
Lo fach es que èran estats los alemands, Otto Hahn e Frotz Strassman los vertadièrs descobreires de la fission nucleara un an abans, après produire de bari coma resulta del bombardament d’urani amb de neutrons. Mas sabián pas çò qu’avián fach de vertat. Foguèt Lise Meitner, una partenària d’Hahn qu’aviá fugit tanben l’Alemanha nazi, qu’arribèt en America per avisar de çò qu’avián descobèrt los nazis.
Lo camin devèrs la primièra bomba atomica
L’assag contrarotlat que i aguèt jos l’Universitat de Chicago finiguèt que devenguèt lo primièr assag d’una bomba atomica a Alamogordo, Nòu Mexic, en julhet de 1945. Puèi començariá l’edat nucleara qu’avèm uèi lo jorn. Mas per i arribar primièr calguèt que Fermi comencèsse son trabalh experimental a l’Universitat de Columbia amb un autre scientific, Slizard.
Après que Fermi e Slizard aguèron confirmat qu’una reaccion en cadena èra possible, identifiquèron quals isotòps d’urani avián de subir primièr la fission abans la fin de 1939. Èra de mai en mai clar que las rumors sus la descobèrta alemanda èran plan fondadas.
Puèi, Fermi foguèt nomenat cap d’un còla de scientifics qu’avián de bastir una pila atomica (uèi un reactor nuclear) per demostrar la teoria. A aquela epòca los cercaires de la còla ja apelavan Fermi lo Papa, pr’amor que s’enganava pas jamai.
Fermi pensèt que lo melhor material per arrestar los neutrons èra lo grafit. Mas n’i aviá pas cap de blos. Puèi, cerquèron una entrepresa que produguèt de grafit blos pel doble del prètz abitual. Lo 2 de decembre de 1942 ja avián pogut realizar la primièra fission nucleara contrarotlada de l’istòria umana. Après far aquò bastiguèron lo laboratòri secret a Los Alamos. La fin de la guèrra èra pròcha. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Aquò venguèt solament quatre ans après qu’una còla de recercaires alemanda aguèt descobèrt —sens o saber— la fission nucleara (1938). Mas los scientifics estatsunidencs o volguèron provar e per ansin ja avián demandat al president Roosevelt d’iniciar un projècte que podia far ganhar la guèrra als aliats e sauvar la planeta de l’orror nazi.
Aital comencèt en octòbre de 1939, de la man de l’italian Enrico Fermi, lo projècte Manhattan, que menariá a la bomba atomica en 1945. L’italian èra arribat als Estats Units aquel meteis an après recebre lo prèmi Nobel de Fisica per son trabalh sus la creacion d’elements mai pesants que l’urani.
Lo fach es que èran estats los alemands, Otto Hahn e Frotz Strassman los vertadièrs descobreires de la fission nucleara un an abans, après produire de bari coma resulta del bombardament d’urani amb de neutrons. Mas sabián pas çò qu’avián fach de vertat. Foguèt Lise Meitner, una partenària d’Hahn qu’aviá fugit tanben l’Alemanha nazi, qu’arribèt en America per avisar de çò qu’avián descobèrt los nazis.
Lo camin devèrs la primièra bomba atomica
L’assag contrarotlat que i aguèt jos l’Universitat de Chicago finiguèt que devenguèt lo primièr assag d’una bomba atomica a Alamogordo, Nòu Mexic, en julhet de 1945. Puèi començariá l’edat nucleara qu’avèm uèi lo jorn. Mas per i arribar primièr calguèt que Fermi comencèsse son trabalh experimental a l’Universitat de Columbia amb un autre scientific, Slizard.
Après que Fermi e Slizard aguèron confirmat qu’una reaccion en cadena èra possible, identifiquèron quals isotòps d’urani avián de subir primièr la fission abans la fin de 1939. Èra de mai en mai clar que las rumors sus la descobèrta alemanda èran plan fondadas.
Puèi, Fermi foguèt nomenat cap d’un còla de scientifics qu’avián de bastir una pila atomica (uèi un reactor nuclear) per demostrar la teoria. A aquela epòca los cercaires de la còla ja apelavan Fermi lo Papa, pr’amor que s’enganava pas jamai.
Fermi pensèt que lo melhor material per arrestar los neutrons èra lo grafit. Mas n’i aviá pas cap de blos. Puèi, cerquèron una entrepresa que produguèt de grafit blos pel doble del prètz abitual. Lo 2 de decembre de 1942 ja avián pogut realizar la primièra fission nucleara contrarotlada de l’istòria umana. Après far aquò bastiguèron lo laboratòri secret a Los Alamos. La fin de la guèrra èra pròcha. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los crims de Truman de tirar la bomba non damunt una ilha abandonada non, senon sus las ciutats mager del Japon, e pas a las afores, senon al mateis centre de las ciutats ont hi havia mai poblacion. Los majors criminals de mond han fai jamai un assassinat coma aqueste.
L'istòria pròva que totas las armas inventadas son o seràn utilisadas. La bomba nucleari escapa pas a la règla. Serviguèt non pas contra Hitler mas contre lo Japon. E se los bombardaments de Dresde foguèron terribles que tuèron maites civils, cal notar que lo de Nagasaki o d'Hiroshima afustèron volontàriament los civils per espaventar principalament las populacions civilas. Èra la mema idèa qu'a Guernica e meme a Besièrs :esglasiar las populacions. Après vendrà costumièr d'estripar subretot des civils. Per exemple lo Vietnam reçaupet e en un sol jorn mai de bombas que l'Alemanha dins una annada tota. Una especialitat criminela dels país democratics avançats dins lo domani de la tecnologia militara ... Çò que pòt paréisser estranh es d'ausir las poténcias occidentalas se presentar coma un monde de vertut de sapiença de democracia (après de sègles d'esclavatge, d'etnocid, de génocides, de colonialisme, d'imperialisme e après aver envejadas las bomba atomicas,bracejan ara en espèrant de se la gardar per els tot sol ... Sens parlar de Dachau... La societat es ara presonièra d'aquel vejaire massiu e mespresent de la vida, e l'òme (coma la natura tanben) dins tot aquò pesa pas gaire...
#1 Alquemia a pas jamai pretendut que seriam los egals de Dieu, mas que sèm "dins las meteissas proporcions sacradas qu'EL" çò qu'es pas exactament lo meteis mite. Ne convendràs, benlèu…
Aquò dit, l'article pretend que "Lo 2 de decembre de 1942 una còla de cercaires immigrants dels Estats Units fasiá espetar la primièra reaccion en cadena de fision nucleara contrarotlada jos l’Universitat de Chicago (…) e puèi res es pas estat jamai parièr".
Mas ieu que fau la diferéncia entre un Alquemista (que cèrca espiritualament la Pèira Filosofala) e un espagirista (que cèrca sonque lo mejan de mudar lo plomb en aur), la vertadièra bomba sagataire de tot en tot, s'a plan espetat lo primièr còp a Chicago, o a fait en 1946, quora un cèrt Milton Friedman i fondèt çò qu'apelam uèi encara "l'Escòla e Chicago", a l'origina de tota la mondializacion ultraliberala qu'apaurís los paures per enriquir los rics sense limit, d'un biais absoludament desreglamentat per rapòrt a las leis que pòdon votar los elegits de quin estat que siá, abausant atal tot darrièr vestigi de democracia per nos far cabussar senses defensa possibla dins lo caòs social regressiu de l'ordoliberalisme europèu autoritari que ne patissèm totes.
Si que lo mal nos es vengut de Chocago. Si que après aquò, res es pas jamai estat pus parièr. Mas… nos cal pas enganar de bomba.
"L'òme es devengut un diu"?
L'alquimia nos dich que l'eser uman es a egalitat emben Diu. L'òme es un diu per son microcòsme e Diu es responsable de son macrocòsme. A chacun sa responsabilitat.
En oblidan aquò, l'esser uman a volgut esser pus fòrt que Diu. Per tornar a l'armonia sem convidat a assumar nostras responsabilitats d'esser uman. Oc-es fau una consciença superiora e l'echec dau materialisme nos butit a tot tornar rebastir en elevar nèostra consciença individuala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari