Actualitats
Alemanha: polemicas declaracions del cap del PP europèu
Manfred Weber empleguèt l’expression “solucion finala” en parlant de l’immigracion e la crisi dels refugiats
Weber s’exprimiguèt aital dins un congrès de son partit, l’Union Crestiana Sociala (CSU) de Bavièra, afrairada amb l’Union Crestiana Democrata (CDU) d’Angela Merkel: “L’an 2018 lo tèma europèu central es la solucion finala per la question dels refugiats”.
Lo politician alemand a demandat perdon en tot plànher que se siá fach “una marrida interpretacion deliberada” de sas paraulas, e a reconegut que foguèt una error. “Cal una responsa europèa al desfís de l’immigracion. Devèm ofrir una proteccion a las gents que n’an de besonh e a l’encòp arrestar l’immigracion”, çò a precisat.
La “Solucion Finala”
La “Solucion Finala”, tanben coneguda coma “Solucion Finala al problèma jusieu” (en alemand “Endlösung der Judenfrage”) es lo nom del plan del govèrn d’Adolf Hitler per executar lo genocidi sistematic de la populacion jusieva europèa pendent la Segonda Guèrra Mondiala. Sa mesa en practica, coneguda posteriorament coma l’Olocaust o la Shoah, ocasionèt la detencion e l’assassinat de tota persona classificada etnicament jusieva, independentament de sa religion. Aquela expression foguèt pensada per Adolf Eichmann, un foncionari nazi que supervisèt en primièra instància la campanha. Precedentament l’avián nomenada eufemisticament “reinstallacion”.
My choice of words yesterday was wrong and I regret it. But accusing me of intending any further associations is dishonest and completely mischaracterises my personal view and position. 1/2
— Manfred Weber (@ManfredWeber) 6 de gener de 2018
This is where I remain on the issue: We need in 2018 a European answer to the migration challenge. We Europeans must offer further protection for people in need and at the same time stop illegal migration. #migrationEU 2/2
— Manfred Weber (@ManfredWeber) 6 de gener de 2018
Puigdemont demanda que se corregisca la politica europèa per rapòrt als refugiats
De son costat, lo president de la Generalitat de Catalonha en exili, Carles Puigdemont, a demandat que se corregisca la politica europèa per rapòrt als refugiats. “Entre las causas que cal corregir en Euròpa, la politica dels refugiats deuriá èsser la primièra. La Mediterranèa deu èsser una mar d’espèr, non pas de mòrt. Los estats devon donar exemple, e es pas atal. Espanha a solament aculhit 1980 dels 17 337 als quals s’èra engatjada. Vergonhós”, çò a afortit sus Twitter.
De les coses que s'han de corregir a Europa, la política de refugiats hauria de ser la primera. El Mediterrani ha de ser un mar d'esperança, no de mort. Els estats han de donar exemple, i no és així: Espanya només ha acollit 1.980 dels 17.337 als que es va comprometre. Vergonyós https://t.co/508Ue5VKge
— Carles Puigdemont (@KRLS) 7 de gener de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Perque los racistas emplegan totjorn lo meme argumentari pudent e desumanisant ? Sas de que parlas ? Sas ço qu'èra, la tracta dels negres ? Que pensas de las policias europèas que daisson morir o tuan mait o mens directament los refugiats en Mediterranea ? Aquò fa partida de tas "responsabilitats" o pas ? Diga me, cossi faràs se un jorn te tròbas sens ostal e sens manjar ? Esperaràs la mòrt solet, per pas embarrassar tos vesins et lors "drets" (et drets de que ?)
Òc, e tanben : las personas palestinianas que son refugiadas per causa de l'estat israelian, sas ont se tròban, la granda majoritat ? Dins de paises de l'orient median... Per lo reste, vesi pas la relacion ame l'Israel.
Los migrants quò es coma la traita daus negres que fugeran menats en esclavatge en America. Quò es pas daus militaris que van los querre au jorn d'uei mas de las associacions que se catan sos un autre nom.
Perque Jornalet a pas creat un centre d'accuelh daus migrants e lòr a pas enguera trobat dau trabalh? An daus dreits, mas nos tanben, avem de las responsabilitats. La paubretat, la guerra an bona echina
Perque los occidentaus emben Israel an chausit la guerra pus leu que la patz dins l'Orient median?
Segon jo, Karl Marx avèva escrit un líber que s'apelava "die Judenfrage", sia "la question jusiva" e es lo Teodor Hertzl, que creèc lo sionisme, qu'a purmèr utilizat l'expression "die Enlösung der Judenfrage", sia "la solucion finala de la question jusiva" qu'èra, end'eth la migracion deus Jusius d'Euròpa de cap a la Palestina.
De verificar.
Mes de tot biais Weber coneishèva plan la conotacion d'aquesta paraula e jòga l'innocent après.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari