Actualitats
Tolosa commemorarà divendres sas libertats comunalas
Lo 6 de genièr de 1189, lo comte Ramon V liurèt los poders civils al pòble de Tolosa, après una revolucion borgesa
La vila de Tolosa commemorarà divendres que ven lo 829n anniversari de la signatura d’una carta istorica. Lo 6 de genièr de 1189, lo comte Ramon V liurèt los poders civils al pòble de Tolosa, après una revolucion borgesa. Lo poder lo prenguèron los capítols, los dotze oficièrs municipals de la Ciutat Mondina que bastirián lo Capitòli. La Republica de Tolosa representèt lo pòble tolosan fins a sa dissolucion pendent la Revolucion Francesa.
A l’ocasion d’aquel anniversari, la Sala dels Illustres del Capitòli de Tolosa aculhirà una ceremònia de commemoracion organizada per la comuna de Tolosa e Convergéncia Occitana, qu’ongan fa una crida a la participacion nombrosa “per far descobrir al grand public l'istòria de Tolosa e las valors occitanas, en particular las idèas de Convivéncia".
Al programa d'ongan i a una animacion musicala de Les Mâles aux Choeurs de Tolosa, que seràn acompanhats pels calandrons tolosans.
Per mai d’informacions podètz contactar l’Ostal d’Occitània al telefòn, +33(0)5 61 22 13 31, o per e-mail: acuelh@ostaldo...
A l’ocasion d’aquel anniversari, la Sala dels Illustres del Capitòli de Tolosa aculhirà una ceremònia de commemoracion organizada per la comuna de Tolosa e Convergéncia Occitana, qu’ongan fa una crida a la participacion nombrosa “per far descobrir al grand public l'istòria de Tolosa e las valors occitanas, en particular las idèas de Convivéncia".
Al programa d'ongan i a una animacion musicala de Les Mâles aux Choeurs de Tolosa, que seràn acompanhats pels calandrons tolosans.
Per mai d’informacions podètz contactar l’Ostal d’Occitània al telefòn, +33(0)5 61 22 13 31, o per e-mail: acuelh@ostaldo...
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las libertats Comunalas cal primier haver-las. Per açò cal proclamar l'oficialitat de l'occitan e l'Autonomia e puei celebrar-las.
#1 me sembla que chau betre de verguetas a "Republica" de Tolosa. Los textes parlan puslèu de communa o d'Universitas (pas lo temps de verifiar). E per l'essenciau, lo "pòble" de Tolosa, valent a dire las classas populàrias es pas associat au poer, en defòra d'un episòdi brèu en 1218. De tot biais, a comptar dau sègle XVI, aquelas institucions comunalas an pus gaire de pes fàcia au poer reiau. Mas bon, lo cònsol de Tolosa vòl far sa com', que la faça.
E de segur, se parlarà a aquela ocasion de ''Convivéncia". Una valor que fa flòri dins lo mitan occitanista de Tolosa, sustot a cò de Convergéncia Occitana que fa de mai en mai pròva d'autoritarisme al prèp de las autras associacions. Lèu ne veiretz las consequéncias desastrosas a l'Ostal d'Occitània. ''Convivéncia'' e ''Paratge'', çò dison ...
La " Republica de Tolosa": question
Denominacion oficiala o qualificacion d'aquel regim de representacion politica?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari