Actualitats
Sant Gaudenç: s’organiza la solidaritat a l’entorn d’un jove que refusa de se sometre al fichatge ADN
Lo 1r de març venent, deu comparéisser davant lo tribunal de nauta instància de la vila comengesa. Se reclama la presompcion d’innocéncia
A Sant Gaudenç (Nebosan) la solidaritat s’organiza a l’entorn d’un militant libertari nomenat Fabien. Lo 1r de març que ven, deu comparéisser davant lo tribunal de nauta instància de la vila comengesa per aver refusat de se sometre al fichatge ADN.
Fabien l’arrestèron lo 16 de novembre passat sul mercat de Sant Gaudenç quand participava a una taula d’informacion suls comptadors Linky. Li repròchan d’aver refusat son prelevament ADN durant una arrestacion l’an darrièr durant las manifestacions contra la lei dicha Trabalh. En aquel moment, Fabien s’interpausèt entre la polícia e un òme sens domicili fixe, per li ajudar, çò rapòrta La Dépêche.
Fabien foguèt plaçat en gàrdia a vista durant sèt oras, e refusèt un còp de mai de se sometre al fichatge ADN.
Lo grop libertari Nosotros, que ne fa partida Fabien, e tanben los grops Resisténcia en Comenge, Attac, CGT Comenge e Solidaris Comenge se son mobilizats en favor de Fabien. “Ara origina, eth fichatge ADN ère entaths delinquents sexuals. Fabien non a pas eth perfil d’un fanatic”, çò declara un membre d’aqueles collectius del temps que totes repròchan qu’aquel metòde cèrque solament “d’encabestrar eth movement sociau”.
Los movements socials planhon tanben qu’aquelas accions policièras an per tòca d’agotar lors energias e lors finanças, e denóncian qu’a l’ora d’ara se prenga sistematicament l’ADN sens respectar la presompcion d’innocéncia.
Quant a Fabien, denóncia una gàrdia a vista dificila ont l’an invectivat, an tengut contra el de devises durs a prepaus de son militantisme e quitament l’an menaçat de lo metre en preson”. La polícia de Sant Gaudenç o a desmentit formalament.
Un filme documentari
L’8 de febrièr que ven, se projectarà a Sant Gaudenç lo filme 317 en sosten a Fabien. S’agís d’un documentari autoproduch e realizat per de membres del collectiu 317, constituit en seguida a las gàrdias a vista de 317 personas arrestadas durant la manifestacion contra la COP21, en novembre de 2015, que foguèt interdicha a causa de l’estat d’emergéncia.
Tanben s’es mes en linha un sit per amassar de signaturas en sosten a Fabien.
Fabien l’arrestèron lo 16 de novembre passat sul mercat de Sant Gaudenç quand participava a una taula d’informacion suls comptadors Linky. Li repròchan d’aver refusat son prelevament ADN durant una arrestacion l’an darrièr durant las manifestacions contra la lei dicha Trabalh. En aquel moment, Fabien s’interpausèt entre la polícia e un òme sens domicili fixe, per li ajudar, çò rapòrta La Dépêche.
Fabien foguèt plaçat en gàrdia a vista durant sèt oras, e refusèt un còp de mai de se sometre al fichatge ADN.
Lo grop libertari Nosotros, que ne fa partida Fabien, e tanben los grops Resisténcia en Comenge, Attac, CGT Comenge e Solidaris Comenge se son mobilizats en favor de Fabien. “Ara origina, eth fichatge ADN ère entaths delinquents sexuals. Fabien non a pas eth perfil d’un fanatic”, çò declara un membre d’aqueles collectius del temps que totes repròchan qu’aquel metòde cèrque solament “d’encabestrar eth movement sociau”.
Los movements socials planhon tanben qu’aquelas accions policièras an per tòca d’agotar lors energias e lors finanças, e denóncian qu’a l’ora d’ara se prenga sistematicament l’ADN sens respectar la presompcion d’innocéncia.
Quant a Fabien, denóncia una gàrdia a vista dificila ont l’an invectivat, an tengut contra el de devises durs a prepaus de son militantisme e quitament l’an menaçat de lo metre en preson”. La polícia de Sant Gaudenç o a desmentit formalament.
Un filme documentari
L’8 de febrièr que ven, se projectarà a Sant Gaudenç lo filme 317 en sosten a Fabien. S’agís d’un documentari autoproduch e realizat per de membres del collectiu 317, constituit en seguida a las gàrdias a vista de 317 personas arrestadas durant la manifestacion contra la COP21, en novembre de 2015, que foguèt interdicha a causa de l’estat d’emergéncia.
Tanben s’es mes en linha un sit per amassar de signaturas en sosten a Fabien.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari