La prestacion del XIII de França faça a Galas foguèt seguida per 12 000 espectators dins l’estadi Bollaert a Lens per aquela primièra partida internacionala jogada al-delà de París. Lo public descobrissiá la disciplina e seguiguèt la partida amb interés, amb mai de bandièras sang e aur (aquela del RCLens) que tricolòras.
Los Nordistas foguèron, çò sembla, conquistats per la qualitat del jòc. Mas pels Blaus (que jogavan en blanc), la partida comencèt per doas paumas rendudas als Diables roges que bonificavan las 3 cadenas per un ensag de Dave James al cap de 2 minutas e transformacion del emsclanha Seamark.
França se ronzèt a l’ataca, mas amb trop d’aproximacions. A la 32ena minuta, enfins, lo dobertura Tomas Bòsc tustava a seguir al ras de la pelena e lo pilar de l’ASCarcassona Romaric Bembà èra lo primièr sus la pauma. Tomas Bòsc transformava e tornava metre las 2 esquipas a egalitat.
E sus dos movements d’ataca generala, Ciril Stacul, puèi Tomas Bòsc traucavan la defensa roja. Bòsc, que serà designat òme de la partida, ajustava las transformacions e los Blaus menavan 18-6 a la pausa.
A la represa, los Galeses ensajavan d’impausar un vertadièr desfís fisic e de còps al-delà. Guilhèm Barthau èra placat a retardament e òp, una explicacion als punhs mandava Mounis e Dudson se pausar dètz minutas sul banc. Tomas Bòsc enquilhava la penalitat e la marca ne demorava aquí: 20-6 maldespièch la bona volontat ofensiva dels Blaus.
Aquela esquipa joguèt plan solidària, mas i a un risc a plaçar jogaires a pòstes que son pas lor especialitat o lor ròtle en club. Aquò entrainèt dificultats d’acabar per d’ensags quasi totes faits unas accions.
Anglatèrra e Galas se traparàn dissabte a Wrexham per la segonda jornada d’aquel Tornèg de la Tardor.
França anirà a Hull jogar les Angleses lo dissabte 3 amb, a priori (que se vei pas cossí Galas prendriá lo pas sus l’esquipa a la Ròsa), la bilheta ja en pòcha per la finala prevista lo dissabte 10 de novembre a Salfòrd.
Dimenge, lo campionat repren sos dreits amb un prometeire derbi catalan entre Pià e los Dragonets.
Carcassona amb lo renfòrt de sos jogaires de l’autra part de la planeta, Troy Savage e Vinnie Anderson, serà favorit a Vilanòva alara que Tolosa reçauprà Lescura e que Limós, amb l’arribada del pilar Paaselina, se’n daissarà pas contar per Avinhon a l’Agulha.
Alan Roch
Los Nordistas foguèron, çò sembla, conquistats per la qualitat del jòc. Mas pels Blaus (que jogavan en blanc), la partida comencèt per doas paumas rendudas als Diables roges que bonificavan las 3 cadenas per un ensag de Dave James al cap de 2 minutas e transformacion del emsclanha Seamark.
França se ronzèt a l’ataca, mas amb trop d’aproximacions. A la 32ena minuta, enfins, lo dobertura Tomas Bòsc tustava a seguir al ras de la pelena e lo pilar de l’ASCarcassona Romaric Bembà èra lo primièr sus la pauma. Tomas Bòsc transformava e tornava metre las 2 esquipas a egalitat.
E sus dos movements d’ataca generala, Ciril Stacul, puèi Tomas Bòsc traucavan la defensa roja. Bòsc, que serà designat òme de la partida, ajustava las transformacions e los Blaus menavan 18-6 a la pausa.
A la represa, los Galeses ensajavan d’impausar un vertadièr desfís fisic e de còps al-delà. Guilhèm Barthau èra placat a retardament e òp, una explicacion als punhs mandava Mounis e Dudson se pausar dètz minutas sul banc. Tomas Bòsc enquilhava la penalitat e la marca ne demorava aquí: 20-6 maldespièch la bona volontat ofensiva dels Blaus.
Aquela esquipa joguèt plan solidària, mas i a un risc a plaçar jogaires a pòstes que son pas lor especialitat o lor ròtle en club. Aquò entrainèt dificultats d’acabar per d’ensags quasi totes faits unas accions.
Anglatèrra e Galas se traparàn dissabte a Wrexham per la segonda jornada d’aquel Tornèg de la Tardor.
França anirà a Hull jogar les Angleses lo dissabte 3 amb, a priori (que se vei pas cossí Galas prendriá lo pas sus l’esquipa a la Ròsa), la bilheta ja en pòcha per la finala prevista lo dissabte 10 de novembre a Salfòrd.
Dimenge, lo campionat repren sos dreits amb un prometeire derbi catalan entre Pià e los Dragonets.
Carcassona amb lo renfòrt de sos jogaires de l’autra part de la planeta, Troy Savage e Vinnie Anderson, serà favorit a Vilanòva alara que Tolosa reçauprà Lescura e que Limós, amb l’arribada del pilar Paaselina, se’n daissarà pas contar per Avinhon a l’Agulha.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sèrgi, Te'n fagues pas : las partidas de « França » en Copa del Monde de 2013 son previstas a :
- Avinhon, lo 1èr de novembre de 2013, fàcia als Kiwiw, campions del monde
- Perpinhan, lo 11 de novembre, fàcia alas samoas.
Me sembla pas contradictòri — e aquí es l'escomesa — de renfortir lo còr del moviment (per quora tornar un grand club de Tran en Elita 1 ? — sens ne voler a la bona volontat de Lescura) e de voler s'espandir.
I a aps de desonor de menar la civilizacion endacòm mai !!!!
En mai d'aquò, los quinzistas locals foguèron plan suspreses del moviment de la partida. Pensavan aps que se podiá faire tantas pasass e córrer autant !
E als tretzistas catalans e occitans des e mobilizr per emplenar los estadis los jorns de finala (e pas solament quand son club es present) e pels rendètz-vos internacionals.
Letra dobèrta a mon amic Alan Roch
Quina foguèt pas mon estomacada quand legiguèri ton rendut-compte de la partida de XIII a Lens. A creire qu'Alan siás vengut un dels grands bailes de la federacion per t'atissar atal a justificar l'externalisacion de la partida fòra Occitània. Me sembla que i a qualquas annadas annadas d'aquò auriás cridat a l'escandòl amb ieu. Vau pas te far lo còp de te rebrembar qu'a ma coneisséncia i a pas qu'un club francés de nivèl mejan qu'es Corbeil. Totes los autres clubs son en Catalonha e en Occitània. Alara perqué anar jogar dins la tubas del nòrd una partida internacionala per ne privat lo public occitan que cada dimenge fa virar la maquina del XIII?
M'es estat ditz que lo president del club de fotbòl de Lens aviá l'intencion de lançar una franquesa de XIII per la far jogar en levat de cortina de sas partidas de fotbòl. S'èra lo cas, los Occitans anirián faire los monards un còp per setmana a Lens dabans un public de fotbolistas just per los distraire pendent qu'engolisson lor flascon de nhòla a l'amagat. O disi francament s'aquò adveniá seriá de prostitucion e lo darrièr grand desonor de la federacion de XIII.
Aquel president de Lens a fòrça argent. Se ven de pagar la federacion de XIII. Me digues pas que tu, Alan te siás tanben daissat crompar. Ne seriái fòrça malcorat. Coma diriá Joan Urroz, "val mai pichon en çò seu que grand en çò dels autres".
Ten-te fièr Alan.
Sèrgi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari