Actualitats
Lo Conselh d’Estat anulla l’AOC Clareta de Diá per un vin rosat
La jurisdiccion a donat rason als vinhairons arpitans del Bugê, que planhián que lo produch diés foguèsse tròp pròche de lor cerdon
L’an 2018 a mal començat pels vinhairons del País Diés. Lo Conselh d’Estat francés a anullat lo decret del 16 de novembre de 2016 qu’autorizava los productors de clareta de Diá a vinificar un vin escumós rosat al sen de l’AOC. L’estat a donat la rason als vinhairons arpitans del Bugê, que deploravan que lo produch occitan foguèsse tròp pròche de lor cerdon e respondèsse pas a las exigéncias d’una Apelacion d’Origina Contrarotlada (AOC), car los dieses an produch istoricament de vins a basa de rasims blancs, çò rapòrta France 3.
Atal, la pus nauta jurisdiccion administrativa a donat ganh de causa als vinhairons bugistas que volián protegir lo cerdon e condemna l’estat francés a pagar una soma de 3000 èuros al Sindicat dels Vins del Bugê.
La clareta de Diá cresiá de se far una plaça demest los vins escumoses rosats, mas los vinhairons occitans s’esperavan pas a la decision del Conselh d’Estat, qu’anulla lo quasèrn de las cargas relatiu a l’AOC. Una decision que los productors concernits planhon plan.
Atal, la pus nauta jurisdiccion administrativa a donat ganh de causa als vinhairons bugistas que volián protegir lo cerdon e condemna l’estat francés a pagar una soma de 3000 èuros al Sindicat dels Vins del Bugê.
La clareta de Diá cresiá de se far una plaça demest los vins escumoses rosats, mas los vinhairons occitans s’esperavan pas a la decision del Conselh d’Estat, qu’anulla lo quasèrn de las cargas relatiu a l’AOC. Una decision que los productors concernits planhon plan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que fagan lo bon vin e que li posin un nom occitan. Blanquet, rosat, claret, ...aquestas colhonadas poden posar travas, mas se lo vin es bon, hi ha travas que valgan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari