Actualitats
Escòcia: Sturgeon decidirà dins la davalada se convòca un nòu referendum d’independéncia
Dins l’ipotèsi que s’agisca d’un Brexit dur, lo govèrn escocés pensarà a un nòu vòte sus l’independéncia del país
La primièra ministra d’Escòcia, Nicola Sturgeon, restaca lo Brexit amb la convocacion d’un segond referendum d’independéncia. La cap del Partit Nacional Escocés (SNP) diguèt durant una entrevista a la BBC, que dins la davalada venent se saupriá mai de detalhs de la separacion del Reialme Unit amb l’Union Europèa. Dins l’ipotèsi que se tracte d’un Brexit dur, lo govèrn escocés pensarà de bandir un nòu referendum.
Dins l’entrevista, Sturgeon defendèt que la majoritat dels sondatges faches après lo primièr referendum demostravan que l’independentisme creissiá en Escòcia. “L’independéncia es pas una abstraccion constitucionala. Es un projècte sul nivèl de vida, sus la mena de societat que volèm, sus l’economia e sus cossí nos volèm governar”, çò diguèt.
Sturgeon aviá moderat son èime independentista après las darrièras eleccions britanicas, puèi que l’SNP aviá perdut vint e un deputats, e mai se demorava lo partit mai votat en Escòcia. En aquel temps Sturgeon aviá decidit de far un nòu referendum dins la davalada venenta, mas la revirada electorala la faguèt recular.
Dins l’entrevista, Sturgeon defendèt que la majoritat dels sondatges faches après lo primièr referendum demostravan que l’independentisme creissiá en Escòcia. “L’independéncia es pas una abstraccion constitucionala. Es un projècte sul nivèl de vida, sus la mena de societat que volèm, sus l’economia e sus cossí nos volèm governar”, çò diguèt.
Sturgeon aviá moderat son èime independentista après las darrièras eleccions britanicas, puèi que l’SNP aviá perdut vint e un deputats, e mai se demorava lo partit mai votat en Escòcia. En aquel temps Sturgeon aviá decidit de far un nòu referendum dins la davalada venenta, mas la revirada electorala la faguèt recular.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Lo nom qu'es tanben lo nom del jutge que fotèt lo "carpetazo" (que clavèt) al dorsièr MATESA, que los testimònis se suïcidavan (lo deputat De Broglie, en França, prèsta-nom dins l'afar) o èran suïcidats, salvant d'aquel biais d'embolhs judiciaris Nicolás Franco, lo fraire del dictator. Eran las annadas 70, èra lo paire de Rajoy. D'aqui la carrièra beluguejanta de l'enfant.
La primièra ministra d'Escòssia, se decidís de far referendum, o farà. Los Escosseses votaràn, e la majoritat decidirà. Degun, per tot l'airal de la dictatura ordoliberala europèa non i tròba res a dire. Nimai la prensa francesa que ne nos ditz pas res.
Lo president elegit de Catalunya convòca un referendum a la demanda majoritària dels votants de Catalunya, e per o aver fait, es amenaçat d'acabar en preison tre que tornarà d'exili. Los Catalans se'n van votar e se ramassan a còps de barra e còps de pès pel cap per o aver fait. E degun, per tot l'airal de la dictatura ordoliberala europèa non i tròba res a dire. Nimai la prensa francesa que ne nos ditz pas res de mal, coma s'aquò foguèsse normal e democratic.
Donc, l'Escossés es un uman normal : es a dire un ciutadan europèu qu'a lo dreit de votar per o contra son independéncia, mentre que lo Catalan, el, es un infra-uman, o soi en dreit de supausar, estant qu'a dreit son que de se calar, de se sometre e d'endurar. Lo ciutadan Rajo, me demandi s'es prèste a anar reconéisser la superioritat ontica que raciala dels Escosseses subre los Catalans davant la Reina d'Anglatèrra e davant la dictatura ordoliberala europèa, per justificar clarament de sa gestion franquista del problèma catalan ?
A mon vejaire : lo problèma catalan a un nom : un nom de primièr ministre ispanofòn que non sap parlar lo sieu gallèc, quitament. E lo problèma europèu es lo cinisme pragmatician del regim dictatorial ordoliberal.
En esperant, los Britanics en general apariesson aquí coma fòrça mai civilizats…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari