Actualitats
Estats Units: qu'es lo "shutdown" e qualas ne pòdon èsser las consequéncias?
Lo país comencèt dissabte un barrament de las activitats del govèrn federal. Analisi de las possiblas consequéncias comparadas amb lo "shutdown" de 2013
Los Estats Units comencèron dins la matinada de dissabte lo barrament parcial de las activitats del govèrn federal, pr’amor de manca de fonzes per las finançar. Es lo dich "shutdown" (barrament) qu'arriba just un an après que Donald Trump venguèt president. Los parlamentaris democratas e republicans son pas arribats a un acòrdi sul budget e per aquesta rason lo barrament a començat.
Dins los "shutdowns", los salariats del govèrn pòdon èsser en comjat temporari sens paga. D'autres, los diches essencials —compreses los que s'ocupan de la seguretat publica e federala— contunhan de trabalhar, qualques unes pagats, e d'autres non.
Lo darrièr d'aqueles barraments se tenguèt en octòbre de 2013 e durèt mai de doas setmanas. Alara, mai d'800 000 salariats federals foguèron licenciats. E çò que se passèt alavetz, las autoritats preveson que se passarà ara.
Armada
Lo Departament de la Defensa expliquèt divendres passat qu'un barrament afectariá pas la guèrra dels militars estatsunidencs en Afganistan, ni mai lors operacions en Iraq e Siria. Tot lo personal militar en servici actiu se mantendriá en estat de servici normal, mas se li pagarà pas lo periòde de barrament fins que lo congrès dispause pas dels fonzes assignats. Lo personal civil en operacions non essencialas si que recebrà un comjat temporari.
Dins lo darrièr barrament, lo personal militar servèt son estat normal de servici, mas aperaquí la mitat dels 800 000 salriats civils del Departament de la Defensa foguèron en comjat sens paga. Gaireben totes foguèron convocats una setmana après que lo Departament de Defensa aguèt aplicada la Lei "Paga a la nòstra Armada", qu'èra estada aprovada recentament pel Congrès.
Justícia
Lo Departament de Justícia, amb fòrça salariats "essencials", a un plan d’urgéncia en cas de barrament, segon lo qual a l'entorn de 95 000 salariats del departament sus gaireben 115 000 contunharián de trabalhar.
Supervision financièra
La Comission Borsièra s'autofinança mejançant lo recobrament de l'indústria financièra, mas son budget es establit pel Congrès. Los mèdias estatsunidencs creson que poiriá contunhar las operacions temporàriament durant lo barrament, mas deuriá licenciar sos salariats se lo "shutdown" se perlonga. En aquela ipotèsi, la Comission de Mercats dels "Futurs" deuriá licenciar lo 95% de sos salariats immediatament.
Pargues nacionals
En 2013, los pargues nacionals barrèron en provocant una pèrda de 750 000 visitants jornalièrs, segon l’Associacion per la Conservacion dels Pargues Nacionals. Lo Servici dels Pargues Nacionales calculèt qu'aquel "shutdown" aviá costat 500 milions de dolars.
Impòstes
Fa cinc ans, lo departament del tresaur licencièt lo 90% dels salariats segon lo Centre per lo Progrès American. Un total de 4 miliards de dolars en reemborsaments d’impòstes finiguèron temporàriament retards, d’acòrdi amb lo Burèu de l’Administracion e del Budget (OMB). Lo servici postal foncionèt coma d'abitud.
Justícia
Los tribunals federals, compresa la Cort suprèma, demorèron dobèrts en 2013. Lo Burèu Administratiu dels Tribunals dels Estats Units a explicat que los tribunals federals poirián contunhar de foncionar normalament almens durant tres setmanas sens fonzes addicionals.
Prèstes
Lo tractament de las ipotècas e d'autres prèstes se retardèt quand los prestadors poguèron pas accedir als servicis del govèrn, coma las intradas e la verificacion del numèro de Seguretat Sociala. L’Administracion dels Afars Menors poguèt pas tractar aperaquí 700 sollicitacions —un total de 140 milions de dolars en prèstes— fins que s’acabèsse lo barrament.
Dins los "shutdowns", los salariats del govèrn pòdon èsser en comjat temporari sens paga. D'autres, los diches essencials —compreses los que s'ocupan de la seguretat publica e federala— contunhan de trabalhar, qualques unes pagats, e d'autres non.
Lo darrièr d'aqueles barraments se tenguèt en octòbre de 2013 e durèt mai de doas setmanas. Alara, mai d'800 000 salariats federals foguèron licenciats. E çò que se passèt alavetz, las autoritats preveson que se passarà ara.
Armada
Lo Departament de la Defensa expliquèt divendres passat qu'un barrament afectariá pas la guèrra dels militars estatsunidencs en Afganistan, ni mai lors operacions en Iraq e Siria. Tot lo personal militar en servici actiu se mantendriá en estat de servici normal, mas se li pagarà pas lo periòde de barrament fins que lo congrès dispause pas dels fonzes assignats. Lo personal civil en operacions non essencialas si que recebrà un comjat temporari.
Dins lo darrièr barrament, lo personal militar servèt son estat normal de servici, mas aperaquí la mitat dels 800 000 salriats civils del Departament de la Defensa foguèron en comjat sens paga. Gaireben totes foguèron convocats una setmana après que lo Departament de Defensa aguèt aplicada la Lei "Paga a la nòstra Armada", qu'èra estada aprovada recentament pel Congrès.
Justícia
Lo Departament de Justícia, amb fòrça salariats "essencials", a un plan d’urgéncia en cas de barrament, segon lo qual a l'entorn de 95 000 salariats del departament sus gaireben 115 000 contunharián de trabalhar.
Supervision financièra
La Comission Borsièra s'autofinança mejançant lo recobrament de l'indústria financièra, mas son budget es establit pel Congrès. Los mèdias estatsunidencs creson que poiriá contunhar las operacions temporàriament durant lo barrament, mas deuriá licenciar sos salariats se lo "shutdown" se perlonga. En aquela ipotèsi, la Comission de Mercats dels "Futurs" deuriá licenciar lo 95% de sos salariats immediatament.
Pargues nacionals
En 2013, los pargues nacionals barrèron en provocant una pèrda de 750 000 visitants jornalièrs, segon l’Associacion per la Conservacion dels Pargues Nacionals. Lo Servici dels Pargues Nacionales calculèt qu'aquel "shutdown" aviá costat 500 milions de dolars.
Impòstes
Fa cinc ans, lo departament del tresaur licencièt lo 90% dels salariats segon lo Centre per lo Progrès American. Un total de 4 miliards de dolars en reemborsaments d’impòstes finiguèron temporàriament retards, d’acòrdi amb lo Burèu de l’Administracion e del Budget (OMB). Lo servici postal foncionèt coma d'abitud.
Justícia
Los tribunals federals, compresa la Cort suprèma, demorèron dobèrts en 2013. Lo Burèu Administratiu dels Tribunals dels Estats Units a explicat que los tribunals federals poirián contunhar de foncionar normalament almens durant tres setmanas sens fonzes addicionals.
Prèstes
Lo tractament de las ipotècas e d'autres prèstes se retardèt quand los prestadors poguèron pas accedir als servicis del govèrn, coma las intradas e la verificacion del numèro de Seguretat Sociala. L’Administracion dels Afars Menors poguèt pas tractar aperaquí 700 sollicitacions —un total de 140 milions de dolars en prèstes— fins que s’acabèsse lo barrament.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Mai aisit a un camèl de pasar pel trauc d'una agulha que per un ric de dintrar dins lo Reialme. Trump, es e non es ! Es un ase pels paures e un rainal pels rics, coma Macron, Valls, Fillon, Hollande e tota la còlha…
Aus Etats-Unis la situacion politica es porrida dempuei forças annadas. Trump a eritat d'un poder en decomposicion e d'una societat minjada per la corupcion, la dròga, la pedofilia.
Dins pauc de temps, saubram si Trump es un ase o un rainard.
La règla del equibri budgetari es pas marrida en se, que l'applicam totes a l'ostal.
Le problèma es l'imprevision, l'abséncia d'anticipacion, e l'inconsequéncia politiciana.
Es un governança irresponsabla.
Es la politica del plega-botega (*)
(*) populisme occitan
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari