Actualitats
Desparicion de Jòrgi Camani, un grand occitanista de Provença
Tenguèt un ròtle important per far raionar l’Institut d’Estudis Occitans en Auta Provença
Venèm d’aprene lo decès de Jòrgi Camani, un occitanista fòrça presat e conegut per son activisme. Sa desparicion es subrevenguda lo 17 de genièr e se’n coneis pas encara la causa. Sa despartida, per tant, suspren fòrça mond.
Jòrgi Camani nasquèt en 1952. Demorava a Mana, près de Forcauquier, en Provença. Organizava fòrça activitats per far conéisser la valor de la cultura occitana en Forcauquierés, al País de Manòsca e dins d’autras encontradas de Provença.
Entretant, animava de corses d’occitan e faguèt venir fòrça adultes a la lenga del país. Intervenguèt mai d’un còp dins las escòlas primàrias, los collègis e los licèus per i far conéisser los corses d’occitan e per los defendre quand èran menaçats. Fòrça personas lo consultavan per sas coneissenças precisas sus la cultura populara, sus la literatura occitana e sus l’usatge concret del provençal. Apitèt mai d’un còp la Dictada Occitana a Mana.
Òme de contacte, Jòrgi Camani trabalhava coma informatician amb son entrepresa Òrdi Jòrgi e, en parallèl, s’especializèt dins de tecnicas de massatges relaxants. Mejançant aquelas activitats professionalas, sabiá tocar fòrça gents a la cultura d’òc, fòra los cercles d’iniciats.
Tenguèt un ròtle important per far raionar l’Institut d’Estudis Occitans en Auta Provença.
La familha informa que sas funeralhas, amb incineracion, se debanaràn dimars 23 de genièr, a 15h30, a Manòsca.
Jòrgi Camani nasquèt en 1952. Demorava a Mana, près de Forcauquier, en Provença. Organizava fòrça activitats per far conéisser la valor de la cultura occitana en Forcauquierés, al País de Manòsca e dins d’autras encontradas de Provença.
Entretant, animava de corses d’occitan e faguèt venir fòrça adultes a la lenga del país. Intervenguèt mai d’un còp dins las escòlas primàrias, los collègis e los licèus per i far conéisser los corses d’occitan e per los defendre quand èran menaçats. Fòrça personas lo consultavan per sas coneissenças precisas sus la cultura populara, sus la literatura occitana e sus l’usatge concret del provençal. Apitèt mai d’un còp la Dictada Occitana a Mana.
Òme de contacte, Jòrgi Camani trabalhava coma informatician amb son entrepresa Òrdi Jòrgi e, en parallèl, s’especializèt dins de tecnicas de massatges relaxants. Mejançant aquelas activitats professionalas, sabiá tocar fòrça gents a la cultura d’òc, fòra los cercles d’iniciats.
Tenguèt un ròtle important per far raionar l’Institut d’Estudis Occitans en Auta Provença.
La familha informa que sas funeralhas, amb incineracion, se debanaràn dimars 23 de genièr, a 15h30, a Manòsca.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
S'encontrerem cap a cap un còp (per me brembi pas qu'una messa d'Anem Veau me sembla) çaquela passeri braves moments de charrar, de m'engrunar e d'aprendre causas amb e via lo malhuml. Era qualqu'un de dobert qu'escotava totes los vejaires sense s'embarrar dins l'occitanisme prigond... Una perda bèla tant per la lenga e la cultura nòstra que per l'umanitat en general. Lo condol als seus
Coneissiái pas Jòrgi Camani mas semblava èsser un actor de tria. Que demòre en patz ... Puslèu que d'escriure ''venèm d'aprene'', se pòt pas dire ''venèm de saber'' ? Simpla question.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari