Actualitats
Crida a manifestar per l’occitan a la television lo 3 de febrièr a Tolosa e Montpelhièr
S’exigís una “vertadièra television de país” amb de redaccions localas
Jol lèma “Volèm l’occitan a la television” se tendrà lo 3 de febrièr venent de manifestacions simultanèas a Tolosa, Montpelhièr, Rodés, Albi e Tarba. La crida a manifestar la fa lo Collectiu Occitan, qu’amassa un desenat de movements occitanistas dont Convergéncia Occitana, l’IEO, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Esquèrra Revolucionària Occitana, Bastir, Macarèl e l’Associacion Zou.
En seguida de la manifestacion que se tenguèt l’8 de novembre passat a Tolosa, aquesta segonda accion de protèsta revendica totjorn “l’occitan cada jorn a la television, es a dire a France 3”, e ansin lo Collectiu Occitan precisa que “la mobilizacion es d’aitan mai necita que i a una ventolada de reduccions de crèdits a la television publica”. La revendicacion es neta e clara, s’exigís una “vertadièra television de país” amb de redaccions localas.
En mai d’aquò, lo Collectiu Occitan tanben demanda un rescontre amb lo director regional de France 3 Occitanie. “Una cadena qu’a de redaccions dins las ciutats del territòri, que filma lo país, lo representa dins son quotidian, sa diversitat”, çò reclama lo collectiu del temps qu’assegura que l’occitan es essencial per una television melhora.
Las mobilizacions se tendràn a 14h30 davant los sètis de France 3. A Tolosa aurà luòc a l’Alèa del President Franklin Roosevelt (estacion de mètro Joan Jaurés) e a Montpelhièr sus la Plaça de la Comèdia.
Mai d’informacions sus la pagina Facebook del Collectiu Occitan.
En seguida de la manifestacion que se tenguèt l’8 de novembre passat a Tolosa, aquesta segonda accion de protèsta revendica totjorn “l’occitan cada jorn a la television, es a dire a France 3”, e ansin lo Collectiu Occitan precisa que “la mobilizacion es d’aitan mai necita que i a una ventolada de reduccions de crèdits a la television publica”. La revendicacion es neta e clara, s’exigís una “vertadièra television de país” amb de redaccions localas.
En mai d’aquò, lo Collectiu Occitan tanben demanda un rescontre amb lo director regional de France 3 Occitanie. “Una cadena qu’a de redaccions dins las ciutats del territòri, que filma lo país, lo representa dins son quotidian, sa diversitat”, çò reclama lo collectiu del temps qu’assegura que l’occitan es essencial per una television melhora.
Las mobilizacions se tendràn a 14h30 davant los sètis de France 3. A Tolosa aurà luòc a l’Alèa del President Franklin Roosevelt (estacion de mètro Joan Jaurés) e a Montpelhièr sus la Plaça de la Comèdia.
Mai d’informacions sus la pagina Facebook del Collectiu Occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
TV OCCITANA
Lo nom de lo novel canal de la Region. Cal s'amassar e exigir per las carrieras de Tolosa e Montpeller qu' es faça e que comence a emetre programas abans de l'estiu. Per recuperar la lenga, per poder haver un metjan qu' aplegue la cultura occitana, la creacion en occitan,lo cinema ,.................tot.
Un télé totalament en occitan ? Perque pas, mas es pas la pena de mendigar tornamai a France 3 que se'n trufa d'a fons. Vist que coma son nom o-ditz (FRANCE) es e sera totjorn una télé francesa, en clar francimanda e parisiano-centrada. La solucion seria pels occitans de faire la lor propria télé en virant l'esquina al Servici public qu'es sustot al servici exclusiu de Paris. Quand se vei l'impacte e l'eficacitat de las raras radios occitanas sus la subrevida de la lenga se pot seriosament dobtar de l'eficacitat reala d'una tala télé.
La question de la demanda sociau qu'ei ligada a la situacion de disglossia.
Quan, dens un parçan, qu'as ua lenga qu'ei identificada com la "de la Republica, de l'universau" e l'auta qu'ei la "deus paisanàs, deus endarrerits" ne vas pas balhar enveja d'espiar los programas en occitan, quitament aus locutors.
Mes quan sabem que la demanda de cors taus adutes ei mei anar mei hòrta, i avosse mei de programas a òraris de mei bon véder, que la crearés "la demande sociau"...
#5 Vedetz eras causas atau coma son : tot lo monde que se'n fot, n'i a pas cap de demanda, donc pas cap de rason d'aver mès d'occitan ara television que de reportatges sus eths pandàs...
A l'accion per capitar lo dissabte 3 de febrièr dins las manifestacions de Tolosa e de Montpelhièr .
Cal faire de comunicacions sus internet e dins la premsa locala , mobilisar lo monde , s'organisar amb las veituras , venir amb de bandièras ... Mobilisacion e union Occitana .
Joan-Pèire Laval .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari