Actualitats
Los susvelhants de la preson de Pau en cauma
Demandan de solucions per arrestar las agressions que ne son victimas. La polícia deslotgèt diluns los caumaires que blocavan l’ostal d’arrèst
La polícia deslotgèt diluns passat los susvelhants de la preson de Pau que blocavan l’establiment dempuèi diluns a 6h30, çò rapòrta La République des Pyrenées. Los caumaires seguissián la crida dels sindicats UFAP, CGT e FO, e venián de refusar l’acòrdi prepausat per la ministra francesa de la justícia Nicole Belloubet. Çò que demandan es simple, vòlon mai de personal per evitar mai d’agressions, mas creson que “1100 embauchas sus quate ans qu’ei insufisent”, çò declara Eric Vigier del sindicat UFAP-UNSA penitenciària. En mai d’aquò, precisa que sap pas cossí l’estat compta de recrutar aquel personal e que çò que vòlon es de “decisions que sian aplicadas d’ara enlà”.
La polícia intervenguèt a la demanda del director de l’establiment, que demorèt blocat durant tres oras e mièja.
La polícia intervenguèt a la demanda del director de l’establiment, que demorèt blocat durant tres oras e mièja.
@unsa_64 présente sur le blocage de la maison d'arrêt de Pau pour soutenir le mouvement des collègues en grève pic.twitter.com/BjkwGstpi1
— UNSA64 (@unsa_64) 22 de gener de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari