E mai se l'estat francés aviá mostrat una volontat de parlar e negociar amb los representants legitims del pòble còrs, elegits en decembre passat, ara refusa totas las demandas còrsas. Atal se manifestèt dimars passat dins una reünion a París entre lo primièr ministre francés, Édouard Philippe, e lo president del conselh executiu de Corsega, Gilles Simeoni, acompanhat del president de l'assemblada de l'illa, Jean-Guy Talamoni. "Davant lo refús de prene en compte la dimension politica de la question de Corsega, convocarem dins los jorns avenidors una granda manifestacion populara".
 
Lo sobeiranisme s’impausèt en decembre passat a las eleccions còrsas provocadas per la fusion de las institucions territorialas e departamentalas. La lista Pè a Corsica, conducha per Gilles Simeoni, ganhèt amb mai del 56% dels sufragis, amb un clar engatjament electoral de menar l'illa devèrs son emancipacion.
 
De fach, las demandas basicas dels còrses son tres: la reconeissença de la lenga còrsa coma egala del francés, l’amnestia pels presonièrs politics, un estatut especial de residéncia per que Corsega pòsca frenar la crompa d'ostals pels estrangièrs que i venon sonque passar l'estiu.
 
 
 

Après nos entretiens d’hier et d’aujourd’hui, notre conviction est faite : l’Etat refuse de reconnaître et de prendre en compte la dimension politique de la question corse. Dans ces conditions, nous appelons dans les prochains jours à la tenue d’une grande manifestation populaire pic.twitter.com/8DZUzcpQ6e

— Gilles Simeoni (@Gilles_Simeoni) 23 de gener de 2018