Actualitats
Reialme Unit: escàndol per una gala de benfasença masclista
Una jornalista de The Financial Times s’infiltrèt coma serveira de l’eveniment ont sonque participavan d’òmes
Una gala de benfasença del Reialme Unit a levat la polemica, après que The Financial Times desvelèt lo secutament sexual que patiguèron las serveiras de l’eveniment. L’eveniment en question se nomena “Presidents Club Charity Dinner” (sopar de caritat del club dels presidents) e se ten a Londres dempuèi 30 ans amb la tòca d’amassar d’argent per ajudar a d’enfants desfavorits.
Ongan èran convidats 360 òmes dels domenis de las finanças, dels afars e de la politica. Las solas femnas que i aviá èran las 130 serveiras que lor impausèron coma còde vestimentari de portar una rauba corta e negra, de vestits de dejós especials per l’ocasion e de sabatas amb de talons d’agulha “sexies”. En mai d’aquò, èra exigit de las candidatas que foguèsson “nautas, magras e polidas”.
Una jornalista de The Financial Times, Madison Marriage, s’infiltrèt a l’eveniment coma serveira e es ela qu’a desvelat aquel escàndol de masclisme e de relacions de poder. Son rapòrt explica que durant las sièis oras que durèt lo sopar, las serveiras foguèron tocadas, secutadas sexualament e somesas a de “comentaris ambigús e sensuals”. En mai d’aquò, las serveiras planguèron que qualques òmes lor pallevèsson la gonèla, e quitament una d’elas diguèt qu’un convidat li mostrèt lo pènis.
Per amassar de fonzes, durant la gala se vendèt a l’enquant “d’experiéncias” talas coma un dinnar amb Boris Johnson, lo secretari dels afars estrangièrs britanics, e una serada de tè amb lo governador de la Banca d’Anglatèrra Mark Carney, e mai una nuèch dins un club d’strip tease e una session de cirurgia plastica per “especiar ta femna”.
Demest los assistents i aviá Jonny Gould, presentaire de la cadena britanica Channel 5; l’umorista David Williams; Makram Azar, cap de la banca d’investiments a l’Orient Mejan de Barclay’s; Jonathan Mendelsohn, del Partit Trabalhista, e Nadhim Zahawi, adjonch al secretari d’estat per l’enfança e las familhas.
L’escàndol a provocat la dissolucion de la societat The Presidents Club, e la demission d’un naut responsable del Ministèri de l’Educacion, David Meller, qu’a quitat sa carga après que se publiquèt qu’el èra un dels organizaires. La primièra ministra, Theresa May, a saludat sa decision.
Ongan èran convidats 360 òmes dels domenis de las finanças, dels afars e de la politica. Las solas femnas que i aviá èran las 130 serveiras que lor impausèron coma còde vestimentari de portar una rauba corta e negra, de vestits de dejós especials per l’ocasion e de sabatas amb de talons d’agulha “sexies”. En mai d’aquò, èra exigit de las candidatas que foguèsson “nautas, magras e polidas”.
Una jornalista de The Financial Times, Madison Marriage, s’infiltrèt a l’eveniment coma serveira e es ela qu’a desvelat aquel escàndol de masclisme e de relacions de poder. Son rapòrt explica que durant las sièis oras que durèt lo sopar, las serveiras foguèron tocadas, secutadas sexualament e somesas a de “comentaris ambigús e sensuals”. En mai d’aquò, las serveiras planguèron que qualques òmes lor pallevèsson la gonèla, e quitament una d’elas diguèt qu’un convidat li mostrèt lo pènis.
Per amassar de fonzes, durant la gala se vendèt a l’enquant “d’experiéncias” talas coma un dinnar amb Boris Johnson, lo secretari dels afars estrangièrs britanics, e una serada de tè amb lo governador de la Banca d’Anglatèrra Mark Carney, e mai una nuèch dins un club d’strip tease e una session de cirurgia plastica per “especiar ta femna”.
Demest los assistents i aviá Jonny Gould, presentaire de la cadena britanica Channel 5; l’umorista David Williams; Makram Azar, cap de la banca d’investiments a l’Orient Mejan de Barclay’s; Jonathan Mendelsohn, del Partit Trabalhista, e Nadhim Zahawi, adjonch al secretari d’estat per l’enfança e las familhas.
L’escàndol a provocat la dissolucion de la societat The Presidents Club, e la demission d’un naut responsable del Ministèri de l’Educacion, David Meller, qu’a quitat sa carga après que se publiquèt qu’el èra un dels organizaires. La primièra ministra, Theresa May, a saludat sa decision.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Escàndol per una gala de benfasença masclista" ça ditz ; qual sap cossí se diriá aquò en occitan ?
La mentalitat capitalista, per far una almoina es coma d'anar de putas.
Amb totes aqueles escandes li demorarà pas pus degun a la Terasa May dins son govèrn!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari