Facebook a reconegut son ròtle “corrosiu” per la democracia. Dins un article publicat lo 22 de genièr passat dins lo blòg oficial del ret social, lo director de produch de la societat, Samidh Chakrabarti, afirma que, al melhor, los rets socials servisson per “nos exprimir e agir” mas qu’al pièger servisson “per escampar de desinformacion e aver un efièch corrosiu sus la democracia”.
 
E mai se l’article parla dels rets socials en general, es una completa autocritica del ròtle que l’a jogat Facebook, car dins aquel article la societat admet “èsser estada tròp lenta” a l’ora de reconéisser l’influéncia russa  a travèrs d’ela sus las eleccions estatsunidencas.
 
Aquela reconeissença del ròtle negatiu jogat per Facebook arriba après que Mark Zuckerberg anoncièt que sa tòca per 2018  èra d’“adobar Facebook”. Zuckerberg es fòrça preocupat per l’impacte de l’amolonament de las criticas sul ròtle de Facebook e de sa marrida influéncia sus la democracia e lo benèsser de sos usatgièrs.