Actualitats
Espanha es a mand de pèrdre lo qualificatiu de “democracia plena” segon The Economist
“A l’ora d’ara, dins una democracia modèrna, de veire d’elegits perseguits per de delictes que semblan arcaïcs ajuda pas a classar Espanha coma una democracia completa”, çò ditz lo rapòrt
Espanha es a mand de pèrdre lo qualificatiu de “democracia plena” a causa de la repression contra l’independentisme, segon lo classament The Economist Intelligence Unit. Segon aquela analisi, la gestion que l’a facha lo govèrn espanhòl de la situacion politica catalana es marrida e se fa evident que dins l’estat espanhòl las garentidas democraticas s’amendrisson. Per aquela rason, The Economist baissa la nòta qualitativa d’Espanha e la daissa a un pas del qualificatiu de democracia imperfiècha.
Lo setmanièr o justifica atal: “Per la temptativa d’empachar per la fòrça lo referendum illegal del 1r d’octòbre en Catalonha e lo tractament repressiu envèrs los politicians independentistas”. Fa una referéncia clara als presonièrs politics e a la brutalitat policièra viscuda lo 1r d’octòbre.
A respècte dels presonièrs politics, e dels autres elegits enseguits en justícia per “rebellion” e “sedicion”, lo rapòrt es net e clar: “A l’ora d’ara, dins una democracia modèrna, de veire d’elegits secutats per de delictes que semblan arcaïcs ajuda pas a classar Espanha coma una democracia completa”.
De remembrar que lo rei d’Espanha, Felip VI, mençonèt aquel classament al Forum de Davos per defendre qu’Espanha èra una democracia plena e madura.
Descargar lo rapòrt
Lo setmanièr o justifica atal: “Per la temptativa d’empachar per la fòrça lo referendum illegal del 1r d’octòbre en Catalonha e lo tractament repressiu envèrs los politicians independentistas”. Fa una referéncia clara als presonièrs politics e a la brutalitat policièra viscuda lo 1r d’octòbre.
A respècte dels presonièrs politics, e dels autres elegits enseguits en justícia per “rebellion” e “sedicion”, lo rapòrt es net e clar: “A l’ora d’ara, dins una democracia modèrna, de veire d’elegits secutats per de delictes que semblan arcaïcs ajuda pas a classar Espanha coma una democracia completa”.
De remembrar que lo rei d’Espanha, Felip VI, mençonèt aquel classament al Forum de Davos per defendre qu’Espanha èra una democracia plena e madura.
Descargar lo rapòrt
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A l'Estat espanyol encara hi ha pendent far lo referendum de monarquia o republica. Potser ara seria un bon moment per lo far. Juntament se podria tamben demandar a la poblacion de se's partidaria de que tornen o non, los bancs privats los diners publics que los daisset lo govern del pp.
Lo rei d’Espanha, Felip VI, mençonèt aquel classament al Forum de Davos per defendre qu’Espanha èra una democracia plena e madura ? E se sentissiá plan a son aise, un rei, en parlant de democracia ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari