Actualitats
Eths vieulonaires tradicionaus entram Comenge e Coserans
Darrèra publicacion deth Ostau Comengés
Eras associacions Eth Ostau Comengés e Bouilleur de sons que venguen de publicar un libe DVD sus eths vieulonaires de quate vilatges de montanha: dus situats en Comenge (Hogaron e Herran) e dus en Coserans (Galèi e Sent Lari).
Maugrat eths obstacles que les separan, que sián ligats ara geografia —era montanha de Cornudèra— o ara istòria —despuish 1790 e un talhucatge contestable, ua partida d’aqueris vilatges qu’é estacada ara Nauta Garona, era autra a Arièja— eth contacte entram eras gents d’aqueras quate comunas n’ei cap jamès estat copat.
Qu’ei en aqueth contèxte que neishec era volentat de lançar aqueth trebalh d’arrecèrca sus eths vieulonaires d’aqueris quate vilatges e sus eth sòn ròtle sociau. Uas quantas personas que son estadas mobilizadas (istorians, lingüistas, etnològs, musicians, elijuts e abitants) dejós era direccion de Pèir Rouch nà ensajar d’arrespóner en aqueras duas questions. Qualis èran eras foncions, eths estatuts, era personalitat d’aqueris vieulonaires? Qu’èran eths ligams entram era sua practica musicala, eth territòri, era societat? En tot partir dera coneishença d’aqueth passat pas tan luenh de nosauts, que’s pòsa tanben era question d’arrelançar era practica deth vieulon tradicionau en Comenge-Coserans.
Que’s pòt comandar per www.oralitatdegasconha.net.
Joan-Pau Ferré
ROUCH, Pierre et al. Les violonneux traditionnels entre Comminges et Couserans. Eth Ostau Comengés, 2018. Libre+DVD 15 èuros.
Maugrat eths obstacles que les separan, que sián ligats ara geografia —era montanha de Cornudèra— o ara istòria —despuish 1790 e un talhucatge contestable, ua partida d’aqueris vilatges qu’é estacada ara Nauta Garona, era autra a Arièja— eth contacte entram eras gents d’aqueras quate comunas n’ei cap jamès estat copat.
Qu’ei en aqueth contèxte que neishec era volentat de lançar aqueth trebalh d’arrecèrca sus eths vieulonaires d’aqueris quate vilatges e sus eth sòn ròtle sociau. Uas quantas personas que son estadas mobilizadas (istorians, lingüistas, etnològs, musicians, elijuts e abitants) dejós era direccion de Pèir Rouch nà ensajar d’arrespóner en aqueras duas questions. Qualis èran eras foncions, eths estatuts, era personalitat d’aqueris vieulonaires? Qu’èran eths ligams entram era sua practica musicala, eth territòri, era societat? En tot partir dera coneishença d’aqueth passat pas tan luenh de nosauts, que’s pòsa tanben era question d’arrelançar era practica deth vieulon tradicionau en Comenge-Coserans.
Que’s pòt comandar per www.oralitatdegasconha.net.
Joan-Pau Ferré
ROUCH, Pierre et al. Les violonneux traditionnels entre Comminges et Couserans. Eth Ostau Comengés, 2018. Libre+DVD 15 èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sénher Joan-Pau Ferré, dels departaments, adara, i a mai que los de Comenge e de Coserans que se'n chautan ! Los quites governaments successius de França se demandan cossí se'n desempegar. Mas pas per las meteissas rasons… Complissètz un trabalh meritós e preciós. Vos cal continuar atal ! Plan mercés.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari