An barrat la Tor deu Borrèu. L’emblematic sit de Pau, ont de joves e mens joves partejan l’occitan e las luchas socialas e politicas, clava pendent tota la durada del carnaval indefinidament e fins a novèl òrdre. Après denonciar de faches fòrça grèus, dont de devises difamatòris, de violacions de la vida privada, d’agressions verbalas, de menaças psiquicas e de mòrt, la còla que se tracha del local a decidit de priorizar la seguretat dels benevòls de la Tor e de sos simpatizants.
 
Nascuda en 1992, la Tor deu Borrèu se bat per contunhar d’èsser un endrech d’amassada de l’esquèrra revolucionària occitana, ont los joves tròben un luòc de luchas socialas e politicas. Al delà de l’engatjament politic es tanben un estanquet ont se pòt parlar la lenga e ont la cultura del país a una plaça per s’exibir sens cap de complèxe, ont de joves e de vièlhs pòdon trencar amb la solesa de cada jorn per tornar trobar lo gaug de partejar un veire, una musica o una experiéncia.