Actualitats
50 ans d'un imatge que capvirèt l'istòria
La fòto del crusèl assassinat per carrièras d'un presonièr manhotat cambièt lo vejaire de fòrça mond sus la Guèrra de Vietnam
Lo mond de la fotografia e del jornalisme a ramentat aquesta setmana lo 50n anniversari d'una fòto que capvirèt l'istòria. Lo 2 de febrièr de 1968, los jornals de tot lo Mond publicavan —la majoritat en primièra pagina— aquela fòto facha per Eddie Adams, de l'agéncia Associated Press que mostrava lo moment exacte que lo general responsable de la polícia de Vietnam, Nguyễn Ngọc Loan, tuava un presonièr del Việt Cộng, a Saigon (Vietnam).
L'assassinat aviá agut luòc la velha, lo 1r de febrièr de 1968. En plena guèrra del Vietnam, ont la guerrilha comunista del Việt Cộng luchava contra la dictatura de Ngô Đình Diệm, al Vietnam del Sud, ont participèron d'armadas estrangièras e mai especialament l'armada dels Estats Units.
A aquel moment precís, de milièrs de combatents comunistas èran sobde apareguts dins las principalas vilas del Vietnam del Sud, quitament a Saigon, qu'èra fòrtament contrarotlada pels soldats dels Estats Units. L’ofensiva aviá rendut nervioses lo govèrn e los Estats Units, e sustot Nguyễn Ngọc Loan que tuèt aquel prisionièr dins una pulsion de desespèr.
Mas la publicacion de la fotografia rompèt la fisança de fòrça ciutadans estatsunidencs envèrs lor govèrn e lor tòca dins aquela guèrra. Un fum de mond se demandavan cossí se podiá sosténer un procediment talament arbitrari e una violéncia talament injustificada. De protèstas se descadenèron pertot en Euròpa e als Estats Units. Lo jove assassinat èra manhotat e l'accion del general responsable de la polícia mancava als dreches de las Convencions de Genèva.
Cinquanta ans puèi, poiriam dire qu'aquel imatge cambièt la percepcion d'aquela guèrra asiatica luènha, e ajudèt a la desbranda del regim del Vietnam del Sud, lo 30 d'abril de 1975, amb la casuda de Saigon. Çò que supausèt una dura desfacha pels Estats Units.
L'assassinat aviá agut luòc la velha, lo 1r de febrièr de 1968. En plena guèrra del Vietnam, ont la guerrilha comunista del Việt Cộng luchava contra la dictatura de Ngô Đình Diệm, al Vietnam del Sud, ont participèron d'armadas estrangièras e mai especialament l'armada dels Estats Units.
A aquel moment precís, de milièrs de combatents comunistas èran sobde apareguts dins las principalas vilas del Vietnam del Sud, quitament a Saigon, qu'èra fòrtament contrarotlada pels soldats dels Estats Units. L’ofensiva aviá rendut nervioses lo govèrn e los Estats Units, e sustot Nguyễn Ngọc Loan que tuèt aquel prisionièr dins una pulsion de desespèr.
Mas la publicacion de la fotografia rompèt la fisança de fòrça ciutadans estatsunidencs envèrs lor govèrn e lor tòca dins aquela guèrra. Un fum de mond se demandavan cossí se podiá sosténer un procediment talament arbitrari e una violéncia talament injustificada. De protèstas se descadenèron pertot en Euròpa e als Estats Units. Lo jove assassinat èra manhotat e l'accion del general responsable de la polícia mancava als dreches de las Convencions de Genèva.
Cinquanta ans puèi, poiriam dire qu'aquel imatge cambièt la percepcion d'aquela guèrra asiatica luènha, e ajudèt a la desbranda del regim del Vietnam del Sud, lo 30 d'abril de 1975, amb la casuda de Saigon. Çò que supausèt una dura desfacha pels Estats Units.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una imatge que costet esfondret una guerra criminala.
Cau pas tampauc desbrembar que los EU son entrats dens aquesta puta de guèrra per una mensorga : l'ahar de las vedetas deu Tonkin, on disón qu'èran estats atacats peus Viet Congs, lavetz qu'èra pas qu'un, fabla (de mès).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari