L’Agéncia de l’ÒNU pels Refugiats de Palestina a l’Orient Mejan (UNRWA) a fach una crida desesperada per evitar la crisi pus grèva pels palestinians dempuèi 1948, e demanda 650 milions d’èuros per ensajar de palliar la retalhada de las ajudas dels Estats Units anonciada pel president Donald Trump. Segon l’UNRWA, dins lo relambi d’un mes i aurà pas pus d’argent per finançar los servicis umanitaris pus fondamentals.
 
“La dignitat a pas de prètz”, çò ditz lo comunicat de la campanha de l’agéncia de las Nacions Unidas, que rapòrta e planh la reduccion que l’a facha lo govèrn de Trump. Ara, los Estats Units reduson lor apòrt de 650 milions d’èuros a solament 48 milions d’èuros. Segon Philippe Lazzarini, cap de l’UNRWA en Liban, lo resultat es una crisi que serà complicat de ne sortir. “Totes aqueles refugiats recebon una soma d’argent en liquid per pagar lo loguièr, crompan de manjar e pòdon subreviure. Aquel argent s’acaba a la fin de febrièr. Avèm pas que quatre setmanas”.
 
De son costat, lo dirigent sirian de l’UNRWA avertís que las consequéncias seràn pas solament umanitàrias. “Se tiram 500 000 escolans de las escòlas, fertilizarem lo camp pel recrutament extremista”, çò precisa. Aquò significariá qu’aquela reduccion de l’ajuda portada pels Estats Units, que lo primièr ministre israelian, Benjamin Netanyahu, saluda, pòt venir una malescasuda per l’estat d’Israèl.
 
Per ara, l’Union Europèa a confirmat que portarà 42 milions d’èuros per afeblir l’efièch de la retalhada dels estats. Aquò es un pauc luènh dels mai de 600 milions d’èuros que mancan.  
 

Palestine refugees depend on @UNRWA's help for access to education & healthcare, but funding reductions threaten those services.

Here's how you can help: https://t.co/GUOjPkyfjk#DignityIsPricelesspic.twitter.com/6AHODrP7LH

— United Nations (@UN) 2 de febrer de 2018

 

# Dont victimize Palestinians #UNRWA's  @PKraehenbuehl says in #BXL to promote #DignityIsPriceless after US fund cut pic.twitter.com/T2yeQl8ld2

— Monika Hoegen (@MonikaHoegen) 31 de gener de 2018