Actualitats
Occitània es jos una "democracia imperfiècha"
Segon lo classament de The Economist, Espanha es a mand de pèrdre lo qualificatiu de "democracia plena" del temps que França e Itàlia l’an ja perdut
Occitània gaudiriá pas de "democracia plena" segon lo classament The Economist Intelligence Unit. D’un latz, l’estat espanhòl es a mand de pèrdre aquel qualificatiu, coma publicàvem sus Jornalet fa qualques jorns, e de l’autre, los estats francés e italian l’aurián ja perdut, car segon aquela analisi son ja de "democracias imperfièchas". Lo rapòrt parla pas de Mónegue.
Espanha es a mand de pèrdre lo qualificatiu de “democracia plena” a causa de la repression contra l’independentisme. La gestion que l’a facha lo govèrn espanhòl de la situacion politica catalana es marrida, e se fa evident que dins l’estat espanhòl las garentidas democraticas s’amendrisson. Per aquela rason, The Economist baissa la nòta qualitativa d’Espanha e la daissa a un pas del qualificatiu de democracia imperfiècha.
Mas França e Itàlia son ja de democracias imperfièchas segon aquel baromètre que se basa sus 60 critèris recampats en cinc categorias: lo procès electoral e lo pluralisme, las libertats civilas, lo foncionament del govèrn, la participacion politica e la cultura politica.
França a una marca de 7,8 sus 10 e pèrd 0,12 ponch a respècte de l’an precedent. Del temps qu’es situada dempuèi mai de dètz ans dins la lista de las democracias imperfièchas, la davalada es deguda a la lei antiterrorista e sustot a l’estat d’emergéncia que balha de poder a l’estat al detriment de las libertats fondamentalas dels ciutadans. Mas lo rapòrt critica l’incapacitat dels partits de govèrn de resòlver l’inseguretat dels joves e de la classa obrièra, çò que fa créisser lo sentiment antisistèma en donant de vam a l’ultradrecha del Front Nacional e a la polarizacion de la societat.
E mai s’Euròpa es lo continent amb mai de democracia totala, e amb Norvègia considerada coma l’estat mai democratic de la planeta, sa mejana a baissat en 2017 mai que mai pr’amor de la gestion de la crisi catalana de part de l’estat espanhòl, de la lei antiterrorista de l’estat francés e quitament en rason de l’assassinat de la jornalista maltesa Daphne Caruana-Galizia. Al total, al nivèl mondial lo rapòrt a analisat en 2017 167 païses, dont 89 son mens democratics que l’an precedent.
Espanha es a mand de pèrdre lo qualificatiu de “democracia plena” a causa de la repression contra l’independentisme. La gestion que l’a facha lo govèrn espanhòl de la situacion politica catalana es marrida, e se fa evident que dins l’estat espanhòl las garentidas democraticas s’amendrisson. Per aquela rason, The Economist baissa la nòta qualitativa d’Espanha e la daissa a un pas del qualificatiu de democracia imperfiècha.
Mas França e Itàlia son ja de democracias imperfièchas segon aquel baromètre que se basa sus 60 critèris recampats en cinc categorias: lo procès electoral e lo pluralisme, las libertats civilas, lo foncionament del govèrn, la participacion politica e la cultura politica.
França a una marca de 7,8 sus 10 e pèrd 0,12 ponch a respècte de l’an precedent. Del temps qu’es situada dempuèi mai de dètz ans dins la lista de las democracias imperfièchas, la davalada es deguda a la lei antiterrorista e sustot a l’estat d’emergéncia que balha de poder a l’estat al detriment de las libertats fondamentalas dels ciutadans. Mas lo rapòrt critica l’incapacitat dels partits de govèrn de resòlver l’inseguretat dels joves e de la classa obrièra, çò que fa créisser lo sentiment antisistèma en donant de vam a l’ultradrecha del Front Nacional e a la polarizacion de la societat.
E mai s’Euròpa es lo continent amb mai de democracia totala, e amb Norvègia considerada coma l’estat mai democratic de la planeta, sa mejana a baissat en 2017 mai que mai pr’amor de la gestion de la crisi catalana de part de l’estat espanhòl, de la lei antiterrorista de l’estat francés e quitament en rason de l’assassinat de la jornalista maltesa Daphne Caruana-Galizia. Al total, al nivèl mondial lo rapòrt a analisat en 2017 167 païses, dont 89 son mens democratics que l’an precedent.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En tot cas, quora un catalan de Perpinhà ditz qu'es pas espanhòl, aquò pausa pas de problèma a l'Estat francés. :D
The Economist balhant leiçons de democràcia, aquò fa rire!
Es lo govern del PP el que sempre fa baissar sota minims la democracia. Un partit de laires que amb l'ajuda de la banca que li daissa diners e ganha las eleccions. La conexion amb la justicia e los poders factics fa que lo PP sia un partit exfranquista amb tots lo perilhs per la poblacion.
Segon lo classament de The Economist, Espanha es a mand de pèrdre lo qualificatiu de "democracia plena" del temps que França e Itàlia l’an ja perdut ? E ben segon ieu, Euròpa tota es una prefaita dictatura. E o pròbi sense cap dificultats : una democracia es un territòri politic que lo pòble i decidís a la majoritat de la politica que i es aplicada.
Dins una democracia, los electors pòdon causir un politica que redistribuís las riquesas en empachant los paures de venir mai paures, per loo permetre de viure mai dignament, en educant eficaciament los enfants de totes a egalitat, e dins una amira generala d'agalitarisme.
Dins una democracia, los electors pòdon tanben causir una politica mai centrada subre l'idèa (scientificament bufèca) de "libertat" que permetrà de justificar que los rics sián sempre mai rics e los paures sempre mai paures, que los que trabalhan degan trabalhar sempre mai per sempre mens de revenguts efectius e de graticficacions de tota mena (fins a l'estatut d'esclau que li servís d'amira).
Mas dins un estat d'Euròpa actuala, los electors pòdon causir la primièra o la segond politica, sempre serà la segonda que serà aplicada. Donc, en Euròpa, de l'opinion dels pòbles al sbjècte absoludament central en politicia de l'ECONOMIA, totes los decidèires se'n chautan eperdudament. Aquò se ditz non pas "democracia imperfait", mas "dicatatura dels gants blancs"…
Quals son los criteres per determinar qu'un pais es democratic o pas? En realitat sem daus esclaus que trabalhan a paiar una deta qu'exista pas dins la realitat mas que fai viure una ponhada per lo biais de l'usura e que s'aprestam a nos remplaçar per daus robots e per aquò chau far perir las populacions emben los vaccins, pesticides, los metaus lords dins l'alimentacion e autras fadaisas.
França es tertant antidemocratica qu'Espanha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari