La television esportiva beIN Sport difondèt en dirècte, dimenge 21 d’octòbre, lo dèrbi còrs entre Aiacciu e Bastia a 14h en lenga còrsa. La partida se poguèt veire sus dos canals e en doas lengas: beIN Sport 1 emetèt los comentaris en francés, del temps que sus beIN Sport 2 la partida foguèt comentada en dirècte en còrs. Los comentators en aquela lenga foguèron Pierre Leca, Jean-Michel Cavalli e Pascal Olmeta.
E divendres 2 de novembre, beIN Sport prepausarà un dispositiu parièr per la lenga bretona, en tot emetre l’encontre Brèst-An Oriant en francés per un canal e en breton per l’autre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Putanièr! Se fan los comentaris de liga 1 en occitan, prometi de m'interessar al fotbol!
#3 Sens oblidar Google. Quand se vei que l'Estat francés qualifica Google de menaça contra la diversitat culturala...
Macarèl, doblidèri l'OGCN dins ma tièra !
Coma consultaire fau demandar a Gerard Gili, cresi que parla provençau !
En tot lo cas, siam a nautres de far lo promier pas. L'a ti quaucun aici que prevetz de far quauquaren a n'aqueu subjècte ? Que de partidas interoccitanas, n'avem a bodre, entre la Palhada, l'OM, lei Girondins lo TFC e l'OGC en L1.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari