Actualitats
D’ingeréncias de la polícia espanhòla dins l’estat francés
La repression en Catalonha e la recèrca desesperada de Carles Puigdemont mena de policièrs espanhòls a reprimir de ciutadans de Catalonha Nòrd
Plusors ciutadans de la Republica Francesa an denonciat d’ingeréncias de la polícia espanhòla. Fa qualques jorns, France Bleu Roussillon raportava que d’agents de la Gàrdia Civila escorcolhavan de veituras a Prats de Molló, en Catalonha Nòrd. Aquel fach desvelhèt la colèra del cònsol màger, Claude Ferrer: “Se pòt pas acceptar que de ciutadans franceses sián escorcolhats per de policièrs espanhòls, e suspèctes d’amagar Carles Puigdemont dins lo còfre de lor veitura”, çò planhiá. De son costat, Philippe Moly ,un fisioterapèuta de la vila, planhiá qu’aquò èra “inausit”: “A 200 mètres de la frontièra vegèrem un veïcul de la Gàrdia Civila; los policièrs, armats, nos faguèron arrestar e escorcolhèron lo còfre”. En seguida, sa filha prenguèt una fòto amb son telefòn mobil.
La polícia espanhòla obliga de levar un pegasolet catalan
Mas l’indignacion màger arribèt quand, dins lo territòri de l’estat espanhòl, los policièrs faguèron retirar un pegasolet d’una veitura d’un ciutadan de Catalonha Nòrd. L’Indépendant publiquèt un article entitolat “Quand la polícia espanhòla fa retirar lo pegasolet catalan d’una placa d’immatriculacion francesa”.
La scèna se debanava al peatge de la Jonquera, lo primièr peatge del costat sud de la frontièra politica que travèrsa Catalonha. Aquí, una veitura de ciutadans de Catalonha Nòrd foguèt arrestada per la polícia espanhòla dicha nacionala e obliguèt de traire un pegasolet amb lo drapèl catalan.
“Es lo primièr còp que vesi aquò”, çò declara al jornal occitanocatalan un abitant de Perpinhan nomenat Philippe. “Just après lo peatge sus l’autoestrada, los policièrs me demandèron de m’arrestar per verificar los papièrs. Après aver fach lo torn del veïcul, exigiguèron que levèsse lo pegasolet catalan. Al començament, comprenguèri pas çò que volián realament. Mas fàcia a l’autoritat dels policièrs espanhòls, cerquèri pas de carpinadas e obtemperèri. Mas lor respondèri qu’aviái pas res sus ieu per retirar aquel pegasolet. Alavetz anèron cercar un petit cotèl e me demandèron de l'arrancar, es incresible”.
Aquò es lo pegasolet que las autoritats espanhòlas an fach retirar al peatge de la Jonquera. Fòto de Nicolas Parent.
La polícia espanhòla obliga de levar un pegasolet catalan
Mas l’indignacion màger arribèt quand, dins lo territòri de l’estat espanhòl, los policièrs faguèron retirar un pegasolet d’una veitura d’un ciutadan de Catalonha Nòrd. L’Indépendant publiquèt un article entitolat “Quand la polícia espanhòla fa retirar lo pegasolet catalan d’una placa d’immatriculacion francesa”.
La scèna se debanava al peatge de la Jonquera, lo primièr peatge del costat sud de la frontièra politica que travèrsa Catalonha. Aquí, una veitura de ciutadans de Catalonha Nòrd foguèt arrestada per la polícia espanhòla dicha nacionala e obliguèt de traire un pegasolet amb lo drapèl catalan.
“Es lo primièr còp que vesi aquò”, çò declara al jornal occitanocatalan un abitant de Perpinhan nomenat Philippe. “Just après lo peatge sus l’autoestrada, los policièrs me demandèron de m’arrestar per verificar los papièrs. Après aver fach lo torn del veïcul, exigiguèron que levèsse lo pegasolet catalan. Al començament, comprenguèri pas çò que volián realament. Mas fàcia a l’autoritat dels policièrs espanhòls, cerquèri pas de carpinadas e obtemperèri. Mas lor respondèri qu’aviái pas res sus ieu per retirar aquel pegasolet. Alavetz anèron cercar un petit cotèl e me demandèron de l'arrancar, es incresible”.
Aquò es lo pegasolet que las autoritats espanhòlas an fach retirar al peatge de la Jonquera. Fòto de Nicolas Parent.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Som massa rucs! Asses!
Visca la Terra...Lliure!
L'Ernest, "El Tàrrega".
E alora, se ieu vau en Catalonha, amé lo pega-solet que mon garatgista a pegat sus ma placa per faire sa publicitat, m'un drapeu sang e aur (de Provença, qu'es lo meme qu'aqueu de la fòto aquí sobre)?
Sensa parlar qu'ai oficialament lo meme drapeu sus la placa, vist qu'es dins leis armas de la Region!
Sens protèsta francesa! Avián la beneccion de Macron...
Cal ho portar tot a Brussel·las e denunciar o a l'UE.
Los Estats son lo mal absolut. Visca Euròpa, suprimem los Estats!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari