Actualitats
Fois: un ciutadan perseguit en justícia per s'èsser opausat al comptador d'electricitat Linky
De mai en mai de ciutadans refusan aqueles comptadors car parlan d’ataca contra la vida privada e s’inquietan de risques sanitaris
Un ciutadan foissenc es perseguit per aver empedit la mesa en plaça del nòu e polemic comptador d’electricitat Linky. El placèt una placa d’acièr sus son vièlh comptador EDF e deurà respondre davant lo tribunal de Fois a l'acusacion de “destruccion de bens”.
L’òme foguèt convocat al tribunal dimècres passat, jorn ont, azard de l’actualitat, la Cort dels Comptes desvelèt que los comptadors Linky respondián pas a las espèras e que s’agissiá d’un programa costós que beneficiava mai a Enedis qu’als consumaires, çò rapòrta France 3. Enedis es una filiala de la societat francesa d’electricitat EDF, que vòl aver installat 34 milions d’aqueles novèls comptadors d’aicí a la fin de 2021.
Los comptadors Linky mesuran e transmeton dirèctament las donadas al provesidor d’electricitat, en permetent una facturacion mai precisa e en necessitant pas pus lo passatge d’un tecnician per legir lo comptador. En mai d’aquò, permet de far d’intervencions a distància. Mas son de mai en mai nombroses los ciutadans que refusan aqueles comptadors car, d’un latz, parlan d’ataca contra la vida privada e de l’autre s’inquietan de risques sanitaris.
Dins aquel sens, la comuna de Sant Macari (Entre Duas Mars) entamenèt fa dos ans una lucha contra l’installacion “obligatòria” d’aqueles nòus aparelhs que genèran de raionaments electromagnetics e de microondas.
“Los cables deus abitatges non son pas estats prevists entà utilizar la tecnologia Linky. En non essent pas blindats, van generar raionaments nocius dens totas las crambas deus abitatges, compresas las crambas deus enfants. Es inacceptable e non ac acceptaram pas”, çò disiá alavetz Stéphane Lhomme, elegit local e director de l’Observatòri del Nuclear, segon 20 Minutes.
L’òme foguèt convocat al tribunal dimècres passat, jorn ont, azard de l’actualitat, la Cort dels Comptes desvelèt que los comptadors Linky respondián pas a las espèras e que s’agissiá d’un programa costós que beneficiava mai a Enedis qu’als consumaires, çò rapòrta France 3. Enedis es una filiala de la societat francesa d’electricitat EDF, que vòl aver installat 34 milions d’aqueles novèls comptadors d’aicí a la fin de 2021.
Los comptadors Linky mesuran e transmeton dirèctament las donadas al provesidor d’electricitat, en permetent una facturacion mai precisa e en necessitant pas pus lo passatge d’un tecnician per legir lo comptador. En mai d’aquò, permet de far d’intervencions a distància. Mas son de mai en mai nombroses los ciutadans que refusan aqueles comptadors car, d’un latz, parlan d’ataca contra la vida privada e de l’autre s’inquietan de risques sanitaris.
Dins aquel sens, la comuna de Sant Macari (Entre Duas Mars) entamenèt fa dos ans una lucha contra l’installacion “obligatòria” d’aqueles nòus aparelhs que genèran de raionaments electromagnetics e de microondas.
“Los cables deus abitatges non son pas estats prevists entà utilizar la tecnologia Linky. En non essent pas blindats, van generar raionaments nocius dens totas las crambas deus abitatges, compresas las crambas deus enfants. Es inacceptable e non ac acceptaram pas”, çò disiá alavetz Stéphane Lhomme, elegit local e director de l’Observatòri del Nuclear, segon 20 Minutes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
FOIS / FOISH
Se fa besonh d'una grafia unenca comuna al langadocian e al gascon.
Etimologia: Fux*, coma bois/boish > bux*, coma daissar/daishar > daxare,laxare.
E qualques de mai: tais/taish, sais/saish,...
Le SCE o SCI a balhat tanben conéisser/conéisher...
Amb aquel afar del Linki, seràn de milions de comptadors que foncionan perfièchament sacats a las escobilhas. EDF - o ERDF - a trapat un novèl biais de polluïr coma se n'i aviá pas pro amb las bordilhas nuclearas. Mas sèm tranquilles, lo primièr ministre ven d'Areva.
De mai Linki serà un biais d'espionar nòstra consomacion, es a dire nòstras vidas. Tot aquò presentat coma "practic, modèrne, " eca. De fach, dempuèi un brieu, cada còp que se parla de comoditat se tracha de demesir las libertats. Es fòrça vicios: dins l'esperit del public, comoditat rima amb libertat. Es complètament falsièr, una engana de las gròssas, una illusion del biais de "Crompatz dos pel prètz de tres!".
Nos vòlon far passar totes per l'embut. La democracia es poder causir. Coma mai va mens podèm causir. Vòlon suprimir lo corrièr, vòlon suprimir la moneda, tot passarà per la telematica e aital lo Fraire Gròs poirà espepissar çò que fasèm e nos menar coma la vaca al masèl.
Coma la democracia en Corsega: passatge en fòrça.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari