Actualitats
La Cort d’Estrasborg condemna l’estat espanhòl per tortura
L’estat deurà compensar amb 50 000 èuros dos presonièrs responsables d’un atemptat terrorista en Madrid en 2006 car las torturas que las patiguèron “son pro demostradas”
La Cort Europèa dels Dreches Umans (CÈDU) a condemnat l’estat espanhòl pel maltractament contra dos presonièrs bascos, Igor Portu e Mattin Sarasola, condemnats per un atemptat terrorista a l’aeropòrt de Madrid en decembre de 2006. Ara, l’estat espanhòl deurà pagar una indemnitat de 50 000 èuros als torturats per damatges morals.
Segon la resolucion de la CÈDU, l’estat espanhòla manquèt a la proïbicion de tractaments inumans e degradants perque i aguèt de torturas que las autoritats examinèron pas. Ara, Igor Portu deu recebre 30 000 èuros e Mattin Sarasola 20 000.
Los afectats expliquèron qu’après lor arrestacion foguèron tustats especialament a còps de pè. Portu foguèt espitalizat l’endeman e li calguèt d’assisténcia medicala pendent 27 jorns. Sarasola foguèt transportat a Madrid en detencion secreta. Durant catòrze jorns recebèt una assisténcia medicala.
La CÈDU afirma que las lesions “son pro demostradas” e que se produguèron mentre que los presonièrs èran jos la susvelhança de la Gàrdia Civila. En mai d’aquò, la cort europèa apond que l’existéncia d’aquelas lesions “l’an pas desmentida ni lo Tribunal Suprèm ni lo govèrn espanhòls”.
Segon la resolucion de la CÈDU, l’estat espanhòla manquèt a la proïbicion de tractaments inumans e degradants perque i aguèt de torturas que las autoritats examinèron pas. Ara, Igor Portu deu recebre 30 000 èuros e Mattin Sarasola 20 000.
Los afectats expliquèron qu’après lor arrestacion foguèron tustats especialament a còps de pè. Portu foguèt espitalizat l’endeman e li calguèt d’assisténcia medicala pendent 27 jorns. Sarasola foguèt transportat a Madrid en detencion secreta. Durant catòrze jorns recebèt una assisténcia medicala.
La CÈDU afirma que las lesions “son pro demostradas” e que se produguèron mentre que los presonièrs èran jos la susvelhança de la Gàrdia Civila. En mai d’aquò, la cort europèa apond que l’existéncia d’aquelas lesions “l’an pas desmentida ni lo Tribunal Suprèm ni lo govèrn espanhòls”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 s'agissiá d'un attemptat terrorista que fasquèt dus mòrts e nafrats de mai, totes innocents.
Estat condemnat, le contribuable pagarà.
Amb aquò la tortura es illegala...
50 000 € e tot plegat ? Te fotriái en preison per tantes ans los reponsables d'aqueles torcionaris coma pels responsables dels atemptats terroristas contra de populacions civilas.
La Guardia Civil si seria doncas renduda colpabla de violéncias? Es pas de crèire!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari