Actualitats
L'ELEN e la Generalitat de Catalonha avertisson que d’assajar d'afeblir l’aranés “viòla de tractats internacionals”
Segon lo secretari general de l'ELEN, la reconeissença de l’occitan èra “un grand succès” del govèrn catalan qu’a promogut “una politica lingüistica innovanta e reüssida” malgrat “las interferéncias de l’estat espanhòl”
Lo Ret Europèu per l’Egalitat Lingüistica (ELEN segon sa sigla en anglés) avertiguèt dimècres passat l’estat espanhòl que d’”ensajar activament d’afeblir” de lengas pauc parladas coma l’occitan en Aran “viòla de tractats internacionals qu’Espanha a ratificats”, e tanben la “legislacion de l’Union Europèa sus la diversitat lingüistica”. “Las gents, pertot en Euròpa, son de mai en mai trucats a causa dels atacs d’Espanha contra la democracia catalana e sa cultura”, çò assegurèt a l’ACN lo secretari general de l’ELEN, Davyth Hicks.
Segon Hicks, la reconeissença de l’occitan èra “un grand succès” del govèrn catalan qu’a promogut “una politica lingüistica innovanta e reüssida” malgrat “las interferéncias de l’estat espanhòl”. “La decision del Tribunal Constitucional de restrénher l’aranés fa sorgir de nòus dubtes sus la separacion dels poders en Espanha e s’apond a una longa lista de marridas decisions”, çò diguèt.
Spanish state, in its continuing campaign against #Catalan language and culture, now tries to undermine #Aranese#Occitan by banning it's official usage. #ELEN2017https://t.co/VH4G5L30hE
— EUROLANG (@EUROLANG) 14 de febrer de 2018
La Generalitat de Catalonha tanben o planh
De son costat, la Direccion Generala de la Politica Lingüistica de la Generalitat de Catalonha tanben planh la decision e confirma que la senténcia "non a en compde era Carta Europèa entàs Lengües Regionaus o Minoritàries, ratificada per estat espanhòu er an 2001" e precisa la responsabilitat del govèrn del Partit Socialista car "respon ara impugnacion formulada peth govèrn der estat, presidit per José Luís Rodríguez Zapatero, er an 2011".
En mai d'aquò, soslinha que segon lo sondatge oficial d'usatges lingüistics que lo faguèt en 2013 lo govèrn catalan, "un 80,7 % dera populacion d'Aran compren er aranés, un 55,6 % lo sap parlar e un 34,9 % lo sap escríuer".
Actualament, la Direccion Generala de la Politica Lingüistica del Departament de Cultura de la Generalitat de Catalonha promòu de politicas per l'occitan, sosten l'IEA-AALO, los corses d'occitan qu'organizan lo Conselh General d'Aran e lo CAÒC, a fach reüssir la Mòstra de Cinèma Occitan e ven de lançar de subvencions per las activitats d'encoratjament de l'occitan, qu'entre d'autras, ajudan a la mesa en òbra d'aqueste Jornalet que sètz a legir.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
És imperatiu que tots els pobles minoritzats d'Europa fem front comú per reclamar que es respectin els drets lingüístics, necessitem mobilitzar-nos i fer una gran coalició, junts podem aconseguir-ho.
Afablir una llengua, limitar-la, o fer la desapareíxer, es un crim imperdonable, i ells ho fan amb tota naturalitat, que son? Uns monstres? Potser no saben malgrat tota la seva parafernalia, que una llengua, es un be valuossissim, i que ningú te el dret de fer-la dessapareixer.
I això vol dir el que son, uns mosntres, sinó que es comportin !
Visca la Terra...Lliure!
L'Ernest, "El Tàrrega".
#4 Aquesta mapa de las lengas minoritarias, Paris la francimanda la signara pas jamais, per la bona e simpla rason que i-a pas diguns per l'oblijar d'o far. Sustot pas Brusselas.
#1 Lo problèma es que França a pas encara ratificada la Carta europèa de las lengas minoritàrias per poder contunhar una política de discriminacion lingüistica en tota “ legalitat”.
Lo regim de Vichí e lo regim del PP son duas paparras qu' impedeissen que la democràcia funcione. Son aital, lo petenisme per una part e lo franquisme per l'altra encara son vius e tene molt de poder dins l'Estat Espanyol.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari