Actualitats
Cabardés festeja la lenga d’òc
Fasètz la lenga en Cabardés de 2018: cants, paraulas e convivialitat al programa
Alan Roch
Fasètz la Lenga en Cabardés convida a una quinzenada d’animacions de primièra del 6 al 17 de març que mescla espectacles (cant, conte, teatre), conferéncia, passejada, convivialitat (obrador-cosina, sopar) per rescontrar, mercé a de rendètz-vos dobèrts a totes, los actors de l’espectacle viu occitan e per descobrir de talents novèls dins los cinc vilatges partenaris de la manifestacion: Argon, Mossolens, Puègnautièr, Ventenac de Cabardés e Vilagalhenc.
Val d'Aran
La manifestacion començarà lo dimars 6 de març a Ventenac amb una prestacion del grop vocal Cossí que Siague en fin de vèspre e un recital de la cantadoira aranesa Alidé Sans en serada.
La jove autora-compositritz-interprèta es originària de Val d’Aran. Es considerada coma una “estela novèla que puèja de la scèna occitana “. Sas cançons parlan de las malparadas de las societats desvolopadas e del Mond interior, complicat, d’una joventa dels ans 2010 dins mai d’un estil musical: de la rumba catalana al reggae passant per la soul. Alidé Sans serà acompanada del guitarrista roergàs Paulin Courtial.
Dimècres 7 de març, Yan Lespoux abordarà a Mossolens de biais istoric una question primordiala: los rapòrts entre l’escòla francesa e la lenga occitana.
Dissabte 10 de març, Claudi Alranq vos balha rendètz-vos a Argon per sos Contes de la França d’en bas. Fondador del Teatre de la Carrièra en 1968, especialista universitari de l’etnoscenologia francesa e del teatre de las minoritats, Claudi Alranq es lo creator d’un seissantenat d’òbras al contacte de l’actualitat locala e internacionala. Los “contes de la França d’en bas” son tanben los “comptes de la França d’en bas”, ont se passa en revista las darrièras 50 annadas de l’Actualitat d’en bas confrontadas a las pretendudas valors universalas de l’Istòria d’en naut.
Long de la quinzenada, le contaire audenc Joan-Jaume Delpotz rescontra los escolans dels cinc vilatges.
A taula e pels camins
Temps de pausa dins la quinzenada, lo dimenge 11 de març caldrà èsser a Puègnautièr: lo matin, per un talhièr-cosina consacrat al milhàs; lo vèspre, per seguir los Camins dels Molins dins una passejada comentada d’un desenat de quilomètres, en companhiá de Patrimònis, Vals de Cabardés.
La taulejada del dimars 13 a Vilagalhenc se perseguirà per un balèti animat per Cocanha. Las filhas de Cocanha son tres voses, tres personalitats, las percussions, de cants populars occitans, e zo! Amb Tolosa coma punt de rescontre e la lenga occitana coma airal de jòcs vocals, fan restontir en còr los repertòris pirenencs, gascons e lengadocians. Una mena de “girls band” occitan per un concèrt de dançar o un bal que sʼescota.
Lo grand final
La quinzenada se clavarà per doas bravas seradas: una creacion teatrala e lo concèrt dels pòrtabandièras de la musica occitana de l’ora d’ara.
Lo divendres 16, dins l’escrinh del teatre Na Loba a Puègnautièr, la tropa de TIO-la Rampa interpretarà Vida vidanta. L’espectacle s’apièja sus de tèxtes de Joan-Claudi Forèst et pren la forma d’un cabaret fait de sequéncias que meton en scèna de situacions concretas, contemporanèas, risolièras o crudèlas, que parlan totjorn de “nosautres”, amb los travèrses de la normalitat dels òmes e de las femnas que sèm.
Lo dissabte 17 de març, a Ventenac de Cabardés, los Goulamas’K montaràn sus scèna amb lors cants de luta, de colèra, d’amor, lor omenatge a las femnas e als trabalhadors dins una armonia de lengas a l’entorn de l’occitan, en mesclant d’influéncias tradicionalas amb de punk-rock, reggae e (de segur) ska coma un signe evident e esbrilhant de dobertura d’esperit, de partatge, un besonh clar de faire avançar las causas que vos emportaràn dins un revolum de paraulas e de sons d’un grop calorós e diabolicament espelofit !
Una accion collectiva
La quinzenada es mesa sus pè per l’associacion Fasètz la Lenga en Cabardés que, long de l’annada, organiza d’activitats de promocion de l’occitan dins una ampla accion culturala multipla: grop vocal Cossí que Siague, obrador de lenga, estanquet mesadièr, quina, jornada Total Festum, serada cinèma, viatge cultural, …
L’associacion pòt comptar sul sosten de las cinc comunas partenàrias (Argon, Mossolens, Puègnautièr, Ventenac e Vilagalhenc), de Carcassona-Agglo, del conselh departamental d’Aude e del conselh regional d’Occitània-Pirenèus-Mediterranèa.
Maitas associacions pòrtan ajuda al debanament de la quinzenada: l’Institut d’Estudis Occitans-Aude, lo Fogal Sociocultural (Mossolens), lo Club Léo-Lagrange (Ventenac), l’AREP (Vilagalhenc), lo Servici Cultural de Puègnautier, l’associacion Patrimònis, Vals de Cabardés. La quinzenada compta suls retransmeteires mediatics de la premsa locala, Jornalet, Ràdio Lenga d’Òc, RCF-Pays d’Aude…
Programa pel menut
Alan Roch
Podètz seguir Fasètz la Lenga en Cabardés sus Facebook.
Val d'Aran
La manifestacion començarà lo dimars 6 de març a Ventenac amb una prestacion del grop vocal Cossí que Siague en fin de vèspre e un recital de la cantadoira aranesa Alidé Sans en serada.
La jove autora-compositritz-interprèta es originària de Val d’Aran. Es considerada coma una “estela novèla que puèja de la scèna occitana “. Sas cançons parlan de las malparadas de las societats desvolopadas e del Mond interior, complicat, d’una joventa dels ans 2010 dins mai d’un estil musical: de la rumba catalana al reggae passant per la soul. Alidé Sans serà acompanada del guitarrista roergàs Paulin Courtial.
Dimècres 7 de març, Yan Lespoux abordarà a Mossolens de biais istoric una question primordiala: los rapòrts entre l’escòla francesa e la lenga occitana.
Dissabte 10 de març, Claudi Alranq vos balha rendètz-vos a Argon per sos Contes de la França d’en bas. Fondador del Teatre de la Carrièra en 1968, especialista universitari de l’etnoscenologia francesa e del teatre de las minoritats, Claudi Alranq es lo creator d’un seissantenat d’òbras al contacte de l’actualitat locala e internacionala. Los “contes de la França d’en bas” son tanben los “comptes de la França d’en bas”, ont se passa en revista las darrièras 50 annadas de l’Actualitat d’en bas confrontadas a las pretendudas valors universalas de l’Istòria d’en naut.
Long de la quinzenada, le contaire audenc Joan-Jaume Delpotz rescontra los escolans dels cinc vilatges.
A taula e pels camins
Temps de pausa dins la quinzenada, lo dimenge 11 de març caldrà èsser a Puègnautièr: lo matin, per un talhièr-cosina consacrat al milhàs; lo vèspre, per seguir los Camins dels Molins dins una passejada comentada d’un desenat de quilomètres, en companhiá de Patrimònis, Vals de Cabardés.
La taulejada del dimars 13 a Vilagalhenc se perseguirà per un balèti animat per Cocanha. Las filhas de Cocanha son tres voses, tres personalitats, las percussions, de cants populars occitans, e zo! Amb Tolosa coma punt de rescontre e la lenga occitana coma airal de jòcs vocals, fan restontir en còr los repertòris pirenencs, gascons e lengadocians. Una mena de “girls band” occitan per un concèrt de dançar o un bal que sʼescota.
Lo grand final
La quinzenada se clavarà per doas bravas seradas: una creacion teatrala e lo concèrt dels pòrtabandièras de la musica occitana de l’ora d’ara.
Lo divendres 16, dins l’escrinh del teatre Na Loba a Puègnautièr, la tropa de TIO-la Rampa interpretarà Vida vidanta. L’espectacle s’apièja sus de tèxtes de Joan-Claudi Forèst et pren la forma d’un cabaret fait de sequéncias que meton en scèna de situacions concretas, contemporanèas, risolièras o crudèlas, que parlan totjorn de “nosautres”, amb los travèrses de la normalitat dels òmes e de las femnas que sèm.
Lo dissabte 17 de març, a Ventenac de Cabardés, los Goulamas’K montaràn sus scèna amb lors cants de luta, de colèra, d’amor, lor omenatge a las femnas e als trabalhadors dins una armonia de lengas a l’entorn de l’occitan, en mesclant d’influéncias tradicionalas amb de punk-rock, reggae e (de segur) ska coma un signe evident e esbrilhant de dobertura d’esperit, de partatge, un besonh clar de faire avançar las causas que vos emportaràn dins un revolum de paraulas e de sons d’un grop calorós e diabolicament espelofit !
Una accion collectiva
La quinzenada es mesa sus pè per l’associacion Fasètz la Lenga en Cabardés que, long de l’annada, organiza d’activitats de promocion de l’occitan dins una ampla accion culturala multipla: grop vocal Cossí que Siague, obrador de lenga, estanquet mesadièr, quina, jornada Total Festum, serada cinèma, viatge cultural, …
L’associacion pòt comptar sul sosten de las cinc comunas partenàrias (Argon, Mossolens, Puègnautièr, Ventenac e Vilagalhenc), de Carcassona-Agglo, del conselh departamental d’Aude e del conselh regional d’Occitània-Pirenèus-Mediterranèa.
Maitas associacions pòrtan ajuda al debanament de la quinzenada: l’Institut d’Estudis Occitans-Aude, lo Fogal Sociocultural (Mossolens), lo Club Léo-Lagrange (Ventenac), l’AREP (Vilagalhenc), lo Servici Cultural de Puègnautier, l’associacion Patrimònis, Vals de Cabardés. La quinzenada compta suls retransmeteires mediatics de la premsa locala, Jornalet, Ràdio Lenga d’Òc, RCF-Pays d’Aude…
Programa pel menut
— dimars 6 de març, Ventenac de Cabardés (espaci René-Douce): 18 h: estrena e cants amb Cossí que Siague; 21 h: concèrt d’Alidé Sans (10 èuros)
— entre lo 6 e lo 16 de març: lo contaire Joan-Jaume Delpotz interven dins las escòlas del territòri,
— dimècres 7 de març, Mossolens (sala Émilien-Combes): 18h30: obrador d’occitan; 20h45: conferéncia de Yan Lespoux “L’occitan e l’escòla”.
— dissabte 10 de març, Argon (Ostal de Cabardés): 20h45: Contes de la França d’en bas per Claudi Alranq (10 èuros)
— dimenge 11 de març, Puègnautièr: 10 h (sala de la Tor): obrador-cosina (7 èuros; se marcar: 04.68.25.19.78); 13h45 (rendètz-vos: pargue abans lo pont de Fresquèl): passejada sul Camin dels Molins.
— dimars 13 de març, Vilagalhenc (pichon fogal): 19 h: sopar (20 èuros; se marcar: 06 31 55 58 57), e balèti amb lo grop Cocanha.
— divendres 16 de març, Puègnautièr: 18h30 (sala de la Tor): talhièr d’occitan; 20h45 (Na Loba): Vida vidanta, per Tio-La Rampa (15 èuros)
— dissabte 17 de març, Ventenac de Cabardés (espaci René-Douce): 20h45: concèrt dels Goulamas’K (15 èuros)
— Una carta d’abonament (pels espectacles dels 6, 10, 16 et 17 de març) es prepausada per un còst de 40 èuros.
— entre lo 6 e lo 16 de març: lo contaire Joan-Jaume Delpotz interven dins las escòlas del territòri,
— dimècres 7 de març, Mossolens (sala Émilien-Combes): 18h30: obrador d’occitan; 20h45: conferéncia de Yan Lespoux “L’occitan e l’escòla”.
— dissabte 10 de març, Argon (Ostal de Cabardés): 20h45: Contes de la França d’en bas per Claudi Alranq (10 èuros)
— dimenge 11 de març, Puègnautièr: 10 h (sala de la Tor): obrador-cosina (7 èuros; se marcar: 04.68.25.19.78); 13h45 (rendètz-vos: pargue abans lo pont de Fresquèl): passejada sul Camin dels Molins.
— dimars 13 de març, Vilagalhenc (pichon fogal): 19 h: sopar (20 èuros; se marcar: 06 31 55 58 57), e balèti amb lo grop Cocanha.
— divendres 16 de març, Puègnautièr: 18h30 (sala de la Tor): talhièr d’occitan; 20h45 (Na Loba): Vida vidanta, per Tio-La Rampa (15 èuros)
— dissabte 17 de març, Ventenac de Cabardés (espaci René-Douce): 20h45: concèrt dels Goulamas’K (15 èuros)
— Una carta d’abonament (pels espectacles dels 6, 10, 16 et 17 de març) es prepausada per un còst de 40 èuros.
Alan Roch
Podètz seguir Fasètz la Lenga en Cabardés sus Facebook.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari