Actualitats
L’atemptat terrorista de Barcelona e la guèrra bruta de l’estat espanhòl contra l’independentisme catalan poirián aver una relacion estrecha
Mireia Boya pressent que l’encarceracion del conselhièr de l’Interior de Catalonha, Joaquim Forn, e la destitucion del cap de la polícia catalana, Josep Lluís Trapero, an quicòm a veire
La guèrra bruta de l’estat espanhòl contra l’independentisme catalan poiriá èsser restacada amb l’atemptat terrorista que patiguèron Barcelona e Cambrils lo 17 d’agost passat, segon una tièra de fiuladas qu’a publicadas sus Twitter Mireia Boya. L’èx-deputada occitana del Parlament de Catalonha pressent que l’encarceracion del conselhièr de l’Interior de Catalonha, Joaquim Forn, e la destitucion del cap de la polícia catalana, Josep Lluís Trapero, an quicòm a veire.
Boya pausa la question perqué Forn es totjorn en preson, e respond qu’es a causa de la gestion que faguèt dels atemptats. Dins una sèria d’onze fiuladas, Boya relata una guèrra intèrna entre la ministra espanhòla de la defensa, María Dolores de Cospedal, e la vicepresidenta del govèrn espanhòl, Soraya Sáenz de Santamaría. D’autre caire, la politiciana aranesa critica l’informacion polemica que la bandiguèt un jornal: aqueste assegurava “en exclusivitat” que la polícia catalana aviá recebut d’entresenhas dels servicis secrets dels Estats Units. Se tractava d’una informacion que publicava una “nòta originala” de la CIA, que curiosament èra redigida en un anglés fòrça marrit e clafit de decas. Enfin, Boya assolida que l’encarceracion de Forn es “un servici a Cospedal” que li fa lo jutge Llarena, del Tribunal Suprèm espanhòl, qu’instrutz lo procès contra los independentistas catalans.
De soslinhar que la gestion que faguèron Forn e Trapero foguèt remirabla e aquestes capitèron a desactivar la cellula jihadista en pauques jorns, en tot evitar d’atemptats fòrça pus sangnoses. En seguida d’aquò, la polícia espanhòla e la Gàrdia Civila planguèron qu’aquela gestion mostrèsse l’imatge “d’un estat catalan autosufisent”.
L’escandalosa relacion de l’imam de Ripoll amb lo CNI
De fach, Boya es pas la primièra a presentar aquela suspicion, e mai s’ela o a fach net e clar. Lo mes passat, los deputats d’ÈRC e PDECat del Congrès dels Deputats espanhòl demandèron la compareissença del ministre de l’Interior, Juan Ignacio Zoido, per qu’esclarisquèsse los ligams de l’imam de la vila de Ripoll, Abdelbaki Es Satty —cervèl d’aqueles atemptats— e lo CNI, es a dire lo servici d’entresenha e contraespionatge espanhòl.
Segon qualques informacions destapadas en novembre passat, Es Satty foguèt informator del CNI almens los ans 2010 e 2014. En mai d’aquò ara, sièis meses après l’atemptat, mai d’un elegit a demandat d’explicacions a l’estat espanhòl per las relacions entre l’imam e lo CNI, dont la consolessa màger de Barcelona, Ada Colau, los cònsols màgers de Cambrils e Ripoll e tanben lo president de la Generalitat de Catalonha en exili, Carles Puigdemont. D’efièch, Puigdemont demandèt publicament a l’estat espanhòl fa qualques jorns dins una entrevista a Catalonha Ràdio: “A quicòm per explicar? Amaga qualque mena d’informacion? Que faguèt lo CNI amb l’imam de Ripoll pendent totes los ans precedents?”.
En mai d’aquò, plusors operacions antijihadistas dels Mossos d’Esquadra son estadas entrepachdas après que los terroristas foguèron avertits prèviament per d’informators”, coma ben precisèt lo deputat catalan Feliu Guillaumes quand demandèt la compareissença de Zoido.
Boya pausa la question perqué Forn es totjorn en preson, e respond qu’es a causa de la gestion que faguèt dels atemptats. Dins una sèria d’onze fiuladas, Boya relata una guèrra intèrna entre la ministra espanhòla de la defensa, María Dolores de Cospedal, e la vicepresidenta del govèrn espanhòl, Soraya Sáenz de Santamaría. D’autre caire, la politiciana aranesa critica l’informacion polemica que la bandiguèt un jornal: aqueste assegurava “en exclusivitat” que la polícia catalana aviá recebut d’entresenhas dels servicis secrets dels Estats Units. Se tractava d’una informacion que publicava una “nòta originala” de la CIA, que curiosament èra redigida en un anglés fòrça marrit e clafit de decas. Enfin, Boya assolida que l’encarceracion de Forn es “un servici a Cospedal” que li fa lo jutge Llarena, del Tribunal Suprèm espanhòl, qu’instrutz lo procès contra los independentistas catalans.
De soslinhar que la gestion que faguèron Forn e Trapero foguèt remirabla e aquestes capitèron a desactivar la cellula jihadista en pauques jorns, en tot evitar d’atemptats fòrça pus sangnoses. En seguida d’aquò, la polícia espanhòla e la Gàrdia Civila planguèron qu’aquela gestion mostrèsse l’imatge “d’un estat catalan autosufisent”.
L’escandalosa relacion de l’imam de Ripoll amb lo CNI
De fach, Boya es pas la primièra a presentar aquela suspicion, e mai s’ela o a fach net e clar. Lo mes passat, los deputats d’ÈRC e PDECat del Congrès dels Deputats espanhòl demandèron la compareissença del ministre de l’Interior, Juan Ignacio Zoido, per qu’esclarisquèsse los ligams de l’imam de la vila de Ripoll, Abdelbaki Es Satty —cervèl d’aqueles atemptats— e lo CNI, es a dire lo servici d’entresenha e contraespionatge espanhòl.
Segon qualques informacions destapadas en novembre passat, Es Satty foguèt informator del CNI almens los ans 2010 e 2014. En mai d’aquò ara, sièis meses après l’atemptat, mai d’un elegit a demandat d’explicacions a l’estat espanhòl per las relacions entre l’imam e lo CNI, dont la consolessa màger de Barcelona, Ada Colau, los cònsols màgers de Cambrils e Ripoll e tanben lo president de la Generalitat de Catalonha en exili, Carles Puigdemont. D’efièch, Puigdemont demandèt publicament a l’estat espanhòl fa qualques jorns dins una entrevista a Catalonha Ràdio: “A quicòm per explicar? Amaga qualque mena d’informacion? Que faguèt lo CNI amb l’imam de Ripoll pendent totes los ans precedents?”.
En mai d’aquò, plusors operacions antijihadistas dels Mossos d’Esquadra son estadas entrepachdas après que los terroristas foguèron avertits prèviament per d’informators”, coma ben precisèt lo deputat catalan Feliu Guillaumes quand demandèt la compareissença de Zoido.
Sabeu per què Forn podria estar a la presó? Per la gestió dels atemptats de l'agost i la informació que té com a Conseller d'Interior sobre què va passar realment. OBRO FIL. #6mesos
— Mireia Boya Busquet (@yeyaboya) 17 de febrer de 2018
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
No cal ésser gaire ruc per adonar-se'n.
Sempre foten el mateix, "típical ispanish."
Visc la Terra...Lliure!
L'Ernest, "El Tàrrega".
Lo can e lo moix (gat) a vegadas poden ser amics, es segons coma los ensenhan. E per ser amics han de coneisser-se, lo que podriam dire per las personas dialogar. Es veritat que Rajoi non ha tengut ganas de dialogar, mas los independentistas manco. Des que va comencar lo procès sobiranista non s'ha volgut dialogar per cap de las duas parts. Han demostrat una total indisposicion pel dialog, una fobia, que ja dialogarem mai tart ,que dialogarem aprés de las elecions (Mariano). Que volem dialogar per quan hem de far lo referendum (Puigdemont). Mas jamai dialogar de causas possiblas coma blindar la lenga, perquè ara los ultras volen qu' es posin unas crotz a las caselhas per triar la lenga vehiculara de l'escola . Lo can e lo gat poden se volen dur-se ben, arribar a acords mas han de voler per ben de tots, ja està ben de posar tantas excusas, dels franquismes e dels independentistes camicace. Parlar, dialogar, entendre's; aital es fan la causas e non de la maniera mai sadomasoquista possible. Au non emprenhets mai !
La relacion es que per discreditar la polícia catalana lo CNI la privava d'informacion sul terrorisme. Aquò revèrta l'atentat d'Atocha en 2004 e l'obsession d'Aznar amb ETA en luòc de s'ocupar dels islamistas. Es consubstancial al PP de jogar amb lo terrorisme per sos interesses pròpis e del mond de profitaires que defendon, emai al prètz de far patir d'atentats murtrièrs a la populacion.
Me demandi se d'imaginar los servicis secrets espanhòs darrièr los atemptats de Barcelona es pas una novèla version de la teoria del complòt. Que i aja un mancat amb los servicis secrets e lor informator (coma arribèt a Tolosa) perqué pas. Imaginar mai es autra causa.
#1 Pas mès. Consonnantas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari