Actualitats
Sant Joan de Vedats: se tendrà dissabte la darrièra Macarelada
Macarèl tamparà definitivament sa botiga de Sant Joan de Vedats (Montpelhierenc) a la fin del mes de febrièr
Macarèl, l’entrepresa de merchandising occitanista, tamparà definitivament sa botiga de Sant Joan de Vedats (Montpelhierenc) a la fin del mes de febrièr. Puèi se poirà trapar sos produches sul sit www.macarel.org e a la botiga de Tolosa que se tròba en Carrièra del Taur. Macarèl contunharà de trabalhar amb las associacions, mas ara las comandas se deuràn far sus Internet.
Per tant, dissabte 24 de febrièr, se festejarà la darrièra Macarelada que l’entrepresa de merchandising occitanista organiza cada an dins lo sit de Sant Joan de Vedats. L’eveniment ongan cèrca de festejar “16 annadas de convivéncia, d’amistat e de rescontres” amb una sopa de ceba ofèrta als participants e un sopar tirat de la saqueta e partejat. L’eveniment l’animarà un balèti de la banda niçarda L’as pagat lo capèu.
L’eveniment començarà a 18h e se tendrà al sit de Macarèl de Sant Joan de Vedats, al numèro 450 de la Carrièra Fleming.
Per tant, dissabte 24 de febrièr, se festejarà la darrièra Macarelada que l’entrepresa de merchandising occitanista organiza cada an dins lo sit de Sant Joan de Vedats. L’eveniment ongan cèrca de festejar “16 annadas de convivéncia, d’amistat e de rescontres” amb una sopa de ceba ofèrta als participants e un sopar tirat de la saqueta e partejat. L’eveniment l’animarà un balèti de la banda niçarda L’as pagat lo capèu.
L’eveniment començarà a 18h e se tendrà al sit de Macarèl de Sant Joan de Vedats, al numèro 450 de la Carrièra Fleming.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sempre es una causa trista que tanquen una botiga ont es pot trobar ensenhas e escuts nostres. Mas se continuaran les vendes per internet, doncs quin remei, paciencia. Record qu' a Tolosa al Carrer del Taur comprí un clauer amb la Crotz Occitana força polit.
Los vedats èran la resèrva de caça dels Guilhèm? O de Delmàs, que li agradava de caçar dins las resèrvas quand èra conse del Clapàs?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari