Actualitats
China: 60 000 soldats plantaràn d'arbres per combatre la pollucion
La dicha Armada de Liberacion de Poble a un nombre significant de soldats que realizan de tascas non militaras
Un regiment de l'armada chinesa, d'aperaquí 60 000 soldats, plantaràn d'arbres amb l’ajuda de policièrs e la tòca de reforestar lo país e combatre lo grèu problèma de la pollucion, çò rapòrta Asia Times. La tòca es de plantar d'arbres sus un airal de mai d'80 000 km2.
La plantada se concentrarà mai que mai sus la província d'Hebei, qu'es la pus contaminada e se tròba pròcha de la capitala Beijing, un dels principals emissors de pollucion.
La mesura arriba acompanhada d'autras de portada màger. En 2017, lo govèrn chinés barrèt lo 40% de sas fabricas e anoncièt de plans per enebir las veituras amb de motor diesèl.
A l'ora d'ara China ten 208 milions d'ectaras de forèst, çò que correspond a un 21% del territòri. Amb aquesta mesura espèran d’arribar al 23% amb la tòca d'aténher lo 26% dins un vintenat d'annadas.
La plantada se concentrarà mai que mai sus la província d'Hebei, qu'es la pus contaminada e se tròba pròcha de la capitala Beijing, un dels principals emissors de pollucion.
La mesura arriba acompanhada d'autras de portada màger. En 2017, lo govèrn chinés barrèt lo 40% de sas fabricas e anoncièt de plans per enebir las veituras amb de motor diesèl.
A l'ora d'ara China ten 208 milions d'ectaras de forèst, çò que correspond a un 21% del territòri. Amb aquesta mesura espèran d’arribar al 23% amb la tòca d'aténher lo 26% dins un vintenat d'annadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pas faus…
Pr’aquò ne pensi pas los chinés que’s basquin de rèsta de çò qui la rèsta deu monde e’n pénsam, e tà la bona consciéncia, que son parats a caçar ua espècia dinc a l’escantida completa emper ua cimsada de pov afrodisiac.
Que plantan arbos pr’amor que n’an encapit l’utilitat, e medish la necessitat.
Los arbos que hèn shens qu’absorbar carbòn e alimpiar l’aire. Que favoreishen ua pluviometria mei regulara e qu’empachan las plojas de riulejar e d’arrolhar los sòus arables; que filtran las aigas qui percòlan taus jaç freatics; qu’endòstan ua biodiversitat complèxa e sanitosa, a condicion de compréner qu’ua seuva n’ei pas un casau.
E donc quan ac herén “per bona consciéncia” aquò rai, reforestar que cau — e shens qu’en China. Mei vau aquò que de dinamitar montanhas o de bastir isclassas artificiaus en pètrolhant los bancs de coralhs.
L'infèrn capitalo-comunista a a l'encòp son costat Pampaligòssa. Aquò de polluïr a tira-qui-pòt e de plantar "en même temps" 4 arbres per se donar bona consciéncia es un conte de m'as-colhonat-quand-t'ai-vist.
Tà har-se’n ua idea qu’ac cau hicar tot de pagèra, a la medisha escala.
80.000 km² que son 8 milions d’ha, o 40% de las seuvas qui an dejà (e 40% de las de França). Qu’ei 1,1 còps la superfícia de la region Occitània. E ben hdp…
Que i damòra a saber quina sòrta de seuvas e vòlen plantar : arrengats de monosilvicultura o vertaderas zònas de biodiversitat?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari