L’èx-primièr ministre italian Silvio Berlusconi anoncièt dimècres passat lo sieu renonciament a se presentar coma cap del sieu partit, lo conservador Pòble de la Libertat (PDL), per las eleccions generalas que se celebraràn en Itàlia la prima que ven.
 
Per mejan d’un comunicat, l’entrepreneire demandèt la celebracion d’un procès de primàrias en decembre per elegir lo candidat del sieu partit, qu’a lo nombre mai grand de parlamentaris en Itàlia après ganhar las darrièras eleccions legislativas en 2008. “Me presentarai pas per èsser primièr ministre, mas serai al costat de gents mai joves que pòdon jogar e marcar de gòls”, çò diguèt.
 
Al començament del mes, lo secretari politic del PDL e èx-ministre de la Justícia, Angelino Alfano, a anonciat que Berlusconi èra dispausat de se retirar de las eleccions per fin que se pòsca produsir una aliança de partits de centredrecha qu’afronte amassa lo vam del centresquèrra.