Actualitats
L'independentista catalana Anna Gabriel es exiliada en Soïssa
Ela considèra qu'aurà pas de jutjament just, e qu'en Soïssa poirà defendre sos dreches. Son avocat es especializat en defensa dels dreches umans a la cort d'Estrasborg
Après la deposicion de Mireia Boya, que se tenguèt la setmana passada, contunha ara la procedura del Tribunal Suprèm espanhòl contra los independentistas catalans. Aquesta setmana, lo jutge a entendut Artur Mas, Marta Rovira, Marta Pascal e Neus Lloveras. Marta Rovira a degut pagar una caucion de 60 000 per evitar la preson del temps qu'Artur Mas es mes en libertat contrarotlada. Lo jutge d'aquela cort madrilenca decidiguèt lo 22 de decembre d’alargar l’enseguida contra l'independentisme catalan. A l'ora d'ara i a nòu cents personas mesas en causa e quatre presonièrs politics.
Uèi veniá a Anna Gabriel, que foguèt companha de Boya dins lo grop parlamentari de la CUP, mas ela a decidit d'i anar pas e de s'exiliar en Soïssa. L'arbitrarietat de las decidions judiciàrias, lo ròtle del ministèri public espanhòl e los comentaris que fan los mèdias aparentats al govèrn de Madrid li an fach prene aquela decision. En mai d'aquò, Gabriel considèra qu'aurà pas de jutjament just, e qu'en Soïssa poirà defendre sos dreches. Son avocat es Olivier Peter, especializat en defensa dels dreches umans al tribunal d'Estrasborg, e aqueste coneis fòrça plan los abuses de l'estat espanhòl.
Gabrièl a parlat a la television soïssa RTS e al jornal Le Temps. Ela es professora de sciéncias politicas dins una universitat catalana, mas ara que ditz qu'es enseguida per son activitat politica, s'installarà en Soïssa per i viure e trabalhar, e se l'estat espanhòl ne demanda l'extradicion, ela cercarà l'asil politic dins lo país elvetic.
Mentretant, l'avocat de Gabriel a mandat una letra al Tribunal Suprèm espanhòl per explicar que l'èx-deputada se presentarà pas perque "sos dreches fondamentals se veirián grèvament compromeses s'accèpta de participar volontàriament a la procedura".
Per mai d'informacion:
— Le Temps: L’indépendantiste catalane Anna Gabriel veut rester à Genève.
Risquant jusqu’à 30 ans de prison pour avoir participé à l’organisation du référendum en Catalogne, une ancienne députée refuse de se rendre à son procès. En primeur, elle explique pourquoi au «Temps»
— RTS: La séparatiste Anna Gabriel reste en Suisse et fuit la justice espagnole
Uèi veniá a Anna Gabriel, que foguèt companha de Boya dins lo grop parlamentari de la CUP, mas ela a decidit d'i anar pas e de s'exiliar en Soïssa. L'arbitrarietat de las decidions judiciàrias, lo ròtle del ministèri public espanhòl e los comentaris que fan los mèdias aparentats al govèrn de Madrid li an fach prene aquela decision. En mai d'aquò, Gabriel considèra qu'aurà pas de jutjament just, e qu'en Soïssa poirà defendre sos dreches. Son avocat es Olivier Peter, especializat en defensa dels dreches umans al tribunal d'Estrasborg, e aqueste coneis fòrça plan los abuses de l'estat espanhòl.
Gabrièl a parlat a la television soïssa RTS e al jornal Le Temps. Ela es professora de sciéncias politicas dins una universitat catalana, mas ara que ditz qu'es enseguida per son activitat politica, s'installarà en Soïssa per i viure e trabalhar, e se l'estat espanhòl ne demanda l'extradicion, ela cercarà l'asil politic dins lo país elvetic.
Mentretant, l'avocat de Gabriel a mandat una letra al Tribunal Suprèm espanhòl per explicar que l'èx-deputada se presentarà pas perque "sos dreches fondamentals se veirián grèvament compromeses s'accèpta de participar volontàriament a la procedura".
Per mai d'informacion:
— Le Temps: L’indépendantiste catalane Anna Gabriel veut rester à Genève.
Risquant jusqu’à 30 ans de prison pour avoir participé à l’organisation du référendum en Catalogne, une ancienne députée refuse de se rendre à son procès. En primeur, elle explique pourquoi au «Temps»
— RTS: La séparatiste Anna Gabriel reste en Suisse et fuit la justice espagnole
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los espanholistas son plan nervioses. Sabon plan que lors arguments sont falsièrs. Cal veire cossí la premsa escricha espanhòla, qu'es tota nacionalista (lo quite El País fa la propaganda de Ciudadanos ara!), l'insulta: Piusosa, que pudís de las aissèlas, qu'es malfargada... A! es pas de la reina Letícia que se poirà dire aquò, ela que se vestís e se perfuma amb l'argent des espanhòls que pagan las talhas! Mas es bon senhal: aquò vòl dire que malgrat lors fanfarronadas, al gang del PP son pas gaire tranquilles. Ni per tot, lo Junker, cap de la Commission europèa e ancian dirigent d'un país que practica lo blanquiment d'argent, sosten lo nacionalisme espanhòl en causissent una anticatalana ferotja coma directritz de gabinet... formada al licèu francés. Tè, pardí! es estada a bona escòla! Se ditz que la ret culturala francesa pèrd d'influència de per lo mond. Es pas aquò que nos farà plorar.
S'ha posat en evidència el pp que volian humiliar- la fent- la anar a Madrid. Se non havia res a far. Potser veure lo museu del Prado mas res pus.
UN PAS MES CAP LA INTERNALITZACIO DEL COMFLICTA D´ESPANHA CONTRA CATALONHA.PRIMER BELGIQUE APRES DINAMARCA E ARA SOIZA.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari