Actualitats
Val d’Aran: s’alestís un eveniment en favor de la lenga lo 24 de març
Lo collectiu Lengua Viua planh las darrièras atacas qu’a patidas la lenga d’Aran de part de la justícia e del govèrn espanhòls
Lo collectiu Lengua Viua a decidit d’organizar un acte revendicatiu en favor de la lenga jol lèma “Er aranés, era nòsta identitat”, qu’aurà luòc lo 24 de març a 18h. Se trobarà mai de detalhs sus la pagina Facebook del collectiu e dins los mèdias.
“Coma collectiu que defense er usatge der aranés, e dempús des declaracions deth ministre Méndez de Vigo e dera senténcia deth Tribunau Constitucionau sus er usatge preferent der aranés enes administracions publiques, credem qu’auem de hèr-mos a sénter”, çò ditz lo collectiu.
De remembrar que lo ministre espanhòl de l’educacion diguèt fa qualques jorns, a prepaus de la despriorizacion de l’occitan en Aran, que “lo sol risc que corron los que parlan aranés son las avalancas”. Aquelas declaracions irrespectuosas arribavan après que lo Tribunal Constitucional aguèt anullats los articles de la Lei de l’Occitan que priorizan l’aranés dins las administracions e que lo sistèma educatiu aranés d’immersion en occitan foguèt estat mes en perilh per l’aplicacion de l’article 155 pel qual l’estat contraròtla lo govèrn de la Generalitat de Catalonha.
Per l’eveniment del 24 de març, lo collectiu Lengua Viua demanda “qu’aqueth sentiment que se ve eth dia d’Aran per sa Lengua sigue tanben present ara que mos cau hèr a sénter més que jamès”.
“Coma collectiu que defense er usatge der aranés, e dempús des declaracions deth ministre Méndez de Vigo e dera senténcia deth Tribunau Constitucionau sus er usatge preferent der aranés enes administracions publiques, credem qu’auem de hèr-mos a sénter”, çò ditz lo collectiu.
De remembrar que lo ministre espanhòl de l’educacion diguèt fa qualques jorns, a prepaus de la despriorizacion de l’occitan en Aran, que “lo sol risc que corron los que parlan aranés son las avalancas”. Aquelas declaracions irrespectuosas arribavan après que lo Tribunal Constitucional aguèt anullats los articles de la Lei de l’Occitan que priorizan l’aranés dins las administracions e que lo sistèma educatiu aranés d’immersion en occitan foguèt estat mes en perilh per l’aplicacion de l’article 155 pel qual l’estat contraròtla lo govèrn de la Generalitat de Catalonha.
Per l’eveniment del 24 de març, lo collectiu Lengua Viua demanda “qu’aqueth sentiment que se ve eth dia d’Aran per sa Lengua sigue tanben present ara que mos cau hèr a sénter més que jamès”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En defòra de la lenga, i son duas consequéncias de l'opcion lengüistica:
- La separacion dels escòlans d'una meteissa classe,
- Le cambi de lenga d'ensenhament per una part dels ensenhaires.
Amb aquò, l'aranés es pas l'identitat d'aquelles que son pas araneses de soca, e es pas aquell lèmma que le convencrà, levat s'an enveja de s'integrar, o de pas separar sos enfants dels enfants de mai.
Manca de cambi abans la dintrada, als aranesistas, les calerà far campanha en favor de la causida de l'aranés coma factor d'inclusion...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari